2017ರಲ್ಲಿ ದೇಶದ ಕಾರುಗಳಿಗೂ ಕ್ರಾಶ್ ಟೆಸ್ಟ್ ಕಡ್ಡಾಯ

ಮುಂದಿನ ವರ್ಷದಿಂದಲೇ ವಾಹನ ಅಪಘಾತ ಪರೀಕ್ಷೆ ಅಥವಾ ಕ್ರಾಶ್ ಟೆಸ್ಟ್ ಕಡ್ಡಾಯಗೊಳಿಸುವುದರ ಬಗ್ಗೆ ಪ್ರಸ್ತಾವನೆಗಳು ಬಂದಿದ್ದವು. ಆದರೆ ಈ ಬಗೆಗಿನ ಊಹಾಪೋಹಗಳಿಗೆ ತೆರೆ ಎಳೆದಿರುವ ಕೇಂದ್ರ ಬೃಹತ್ ಕೈಗಾರಿಕೋದ್ಯಮ ರಾಜ್ಯ ಸಚಿವ ಜಿಎಂ ಸಿದ್ದೇಶ್ವರ, 2017ನೇ ಇಸವಿಯ ಅಕ್ಟೋಬರ್ 1ರಿಂದ ವಾಹನಗಳಿಗೆ ಕ್ರಾಶ್ ಟೆಸ್ಟ್ ಕಡ್ಡಾಯಗೊಳಿಸಲಾಗುವುದು ಎಂದಿದ್ದಾರೆ.

ಲೋಕಾಸಭೆಯಲ್ಲಿ ಎದುರಾದ ಪ್ರಶ್ನೆಗೆ ಉತ್ತರಿಸಿರುವ ಸಚಿವರು, ಕ್ರಾಶ್ ಟೆಸ್ಟ್‌‍ಗೆ ಬೇಕಾಗಿರುವ ಮೂಲ ಸೌಕರ್ಯವು 2015 ಡಿಸೆಂಬರ್ ವೇಳೆಯಾಗುವಾಗ ತಯಾರಾಗಲಿದೆ ಎಂದು ತಿಳಿಸಿದ್ದಾರೆ.

ಇದೇ ಸಂದರ್ಭದಲ್ಲಿ ಗ್ಲೋಬಲ್ ಎನ್‌ಸಿಎಪಿ (ಗ್ಲೋಬಲ್ ನ್ಯೂ ಕಾರ್ ಅಸೆಸ್ಮೆಂಟ್ ಪ್ರೋಗ್ರಾಂ) ಮಾದರಿಯಲ್ಲೇ ಕೆಲವೊಂದು ಕ್ರಾಶ್ ಟೆಸ್ಟ್ ಸ್ಟಾರ್ ರೇಟಿಂಗ್ ಅನುಸರಿಸುವ ಇರಾದೆಯನ್ನು ಸಚಿವಾಲಯ ಹೊಂದಿದೆ.