1.1 ಮಿಲಿಯನ್ ಫೋಕ್ಸ್‌ವ್ಯಾಗನ್ ಕಾರುಗಳಿಗೆ ಹಿಂದಕ್ಕೆ ಕರೆ

ವಿಶ್ವದ ಮುಂಚೂಣಿಯ ವಾಹನ ತಯಾರಕ ಸಂಸ್ಥೆಗಳಲ್ಲಿ ಒಂದಾಗಿರುವ ಫೋಕ್ಸ್‌ವ್ಯಾಗನ್ ಎಜಿ ಸಂಸ್ಥೆಯು ಜಾಗತಿಕವಾಗಿ 1.1 ಮಿಲಿಯನ್ ಕಾರುಗಳನ್ನು ವಾಪಾಸ್ ಕರೆಯಿಸಿಕೊಳ್ಳಲು ನಿರ್ಧರಿಸಿದೆ.

ಹಿಂದುಗಡೆ ಸಸ್ಪೆಷನ್‌ನಲ್ಲಿ ತೊಂದರೆ ಕಾಣಿಸಿಕೊಂಡಿರುವ ಹಿನ್ನಲೆಯಲ್ಲಿ ವಾಪಾಸ್ ಕರೆಯಿಸಿಕೊಳ್ಳಲಾಗುತ್ತಿದೆ ಎಂದು ಸಂಸ್ಥೆಯು ಪ್ರಕಟಣೆಯಲ್ಲಿ ತಿಳಿಸಿದೆ.

ನೀವ್ಯಾಕೆ ಗಂಭೀರವಾಗಿ ಪರಿಗಣಿಸಬೇಕು?
ಮೇಲೆ ತಿಳಿಸಿದ ತೊಂದರೆಗೆ ಸಿಲುಕಿದ ಕಾರುಗಳು ಬದಿ ಅಥವಾ ಹಿಂದುಗಡೆ ಗುದ್ದಿದ್ದಲ್ಲಿ ಟ್ರೈಲಿಂಗ್ ಆರ್ಮ್ ಸಸ್ಪೆಷನ್ ಬಿರುಕು ಬಿಡುವ ಸಂಭವವಿದ್ದು, ಗಂಭೀರ ಅವಘಡಗಳಿಗೆ ಎಡೆ ಮಾಡಿಕೊಡಲಿದೆ.

ಫೋಕ್ಸ್‌ವ್ಯಾಗನ್ ಪರಿಹಾರ ಏನು ?
ಸಂಸ್ಥೆಯ ಅಂಗೀಕೃತ ಡೀಲರುಗಳ ಮೂಲಕ ತೊಂದರೆಯನ್ನು ಪತ್ತೆ ಹಚ್ಚಿ ಬೇಗನೇ ಪರಿಹಾರ ಕಂಡುಕೊಳ್ಳಲಾಗುವುದು. ಬಿರುಕು ಬಿಟ್ಟ ಸ್ಥಳವನ್ನು ಲೋಹದಿಂದ ಬದಲಿ ವ್ಯವಸ್ಥೆ ಕಲ್ಪಿಸಿಕೊಡಲಾಗುವುದು.

ಇದೇನು ಟ್ರೈಲಿಂಗ್ ಆರ್ಮ್ ಸಸ್ಪೆಷನ್ ?
ಸಾಮಾನ್ಯವಾಗಿ ಇದನ್ನು ಮೋಟಾರು ವಾಹನದ ರಿಯರ್ ಆಕ್ಸಲ್‌ನಲ್ಲಿ ಬಳಕೆ ಮಾಡಲಾಗುತ್ತದೆ. ಇದು ಹಿಂದುಗಡೆ ನಯವಾಗಿ ಮೇಲಕ್ಕೆ ಕೆಳಕ್ಕೆ ಸ್ಪ್ರಿಂಗ್‌ನಂತೆ ಕಾರ್ಯಾಚರಿಸಲು ನೆರವಾಗುತ್ತದೆ.