ಐಕಾನಿಕ್ 2016 ಫಿಯೆಟ್ 500 ಅನಾವರಣ

ಇದೀಗಷ್ಟೇ ಇಟಲಿಯ ಜನಪ್ರಿಯ ಸಂಸ್ಥೆಯು ಹೊಸತಾದ 2016 ಫಿಯೆಟ್ 500 ಮಾದರಿಯನ್ನು ಅನಾವರಣಗೊಳಿಸಿದೆ. ಪ್ರಸ್ತುತ ಕಾರು ಸೆಪ್ಟೆಂಬರ್ ವೇಳೆಯಾಗುವಾಗ ಮಾರುಕಟ್ಟೆ ಪ್ರವೇಶಿಸಲಿದೆ.

ಹೊಸತಾದ ಹೆಡ್ ಲ್ಯಾಂಪ್, ಎಲ್ ಇಡಿ ಡೇ ಟೈಮ್ ರನ್ನಿಂಗ್ ಲೈಟ್ಸ್, ಹೊಸತಾದ ಗ್ರಿಲ್ ಮತ್ತು ಕ್ರೋಮ್ ಸ್ಪರ್ಶವನ್ನು ಕಾಣಬಹುದಾಗಿದೆ. ಒಟ್ಟಾರೆಯಾಗಿ ಕಾರಿನ ಅಂದತೆಯಲ್ಲಿ ಪರಿಣಾಮಕಾರಿ ಬದಲಾವಣೆ ತರಲಾಗಿದೆ.

ಇನ್ನು ಹಿಂದುಗಡೆ ವಿಶಿಷ್ಟ ವಿನ್ಯಾಸಿತ ಟೈಲ್ ಲ್ಯಾಂಪ್ ಹೆಚ್ಚು ಆಕರ್ಷಣೆ ಪ್ರದಾನ ಮಾಡುತ್ತದೆ. ಹಿಂದುಗಡೆಯೂ ಕ್ರೋಮ್ ಫಿನಿಶಿಂಗ್ ಕಂಡುಬರಲಿದೆ.

ಕಾರಿನೊಳಗೂ ವಿಶಿಷ್ಟ, ಅಮೋಘ ವಿನ್ಯಾಸ ತಂತ್ರಗಾರಿಕೆ ಆಳವಡಿಸಲಾಗಿದೆ. ಇದರಲ್ಲಿ ಕಪ್ಪು, ಕೆಂಪು ಹಾಗೂ ಬಿಳಿ ಮೈಬಣ್ಣಗಳ ಲೆಥರ್ ಸೀಟು ಆಯ್ಕೆ ಲಭ್ಯವಾಗಲಿದೆ.

ಡ್ಯಾಶ್ ಬೋರ್ಡ್ ಸಹ ಬಹಳ ಅಚ್ಚುಕಟ್ಟಾಗಿ ನಿಖರತೆಯಿಂದ ನಿರ್ಮಿಸಲಾಗಿದ್ದು, ಕೆಂಪು/ಕಪ್ಪು, ಕಪ್ಪು ಹಾಗೂ ಬಿಳಿ/ಕಪ್ಪು ಬಣ್ಣಗಳ ಆಯ್ಕೆಗಳಲ್ಲಿ ಲಭ್ಯವಾಗಲಿದೆ.