Click it and Unblock the Notifications
ಜಿನೆವಾಗಿಂತಲೂ ಮುಂಚಿತವಾಗಿ ಆಸ್ಟನ್ ಮಾರ್ಟಿನ್ ವೋಲ್ಕನ್ ಅನಾವರಣ
ಈಗಷ್ಟೇ ರೋಚಕ ವೀಡಿಯೋವೊಂದರ ಮೂಲಕ ವಾಹನ ಉತ್ಸಾಹಿಗಳಲ್ಲಿ ಭಾರಿ ಕುತೂಹಲ ಮೂಡಿಸಿರುವ ಬ್ರಿಟನ್ನ ಅತಿ ಪುರಾತನ ಕಾರು ಸಂಸ್ಥೆಯಾಗಿರುವ ಆಸ್ಟನ್ ಮಾರ್ಟಿನ್, ಈಗ ಜಿನೆವಾ ಪ್ರದರ್ಶನಕ್ಕೂ ಮುಂಚಿತವಾಗಿ ಎಲ್ಲ ಹೊಸತನದಿಂದ ಕೂಡಿರುವ ವೋಲ್ಕನ್ ಮಾದರಿಯನ್ನು ಅನಾವರಣಗೊಳಿಸಿದೆ.
ನಿಮ್ಮ ಮಾಹಿತಿಗಾಗಿ, ರೋಮನ್ ಅಗ್ನಿ ದೇವತೆಯಿಂದ ಸ್ಪೂರ್ತಿ ಪಡೆದಿರುವ ಆಸ್ಟನ್ ಮಾರ್ಟಿನ್ ವೋಲ್ಕನ್ 7.0 ಲೀಟರ್ ವಿ12 ಎಂಜಿನ್ನಿಂದ ನಿಯಂತ್ರಿಸ್ಪಡಲಿದೆ. ಅಲ್ಲದೆ ಗರಿಷ್ಠ 800ಗಿಂತಲೂ ಹೆಚ್ಚು ಅಶ್ವಶಕ್ತಿ ಉತ್ಪಾದಿಸುವ ಸಾಮರ್ಥ್ಯ ಹೊಂದಿರಲಿದೆ.
ಆಸ್ಟನ್ ಮಾರ್ಟಿನ್ ವೋಲ್ಕನ್ ನಿರ್ಮಾಣದಲ್ಲಿ ಕಾರ್ಬನ್ ಫೈಬರ್ ಬಳಕೆ ಮಾಡಲಾಗಿದ್ದು, ತೂಕ ಗಣನೀಯವಾಗಿ ಇಳಿಕೆ ಮಾಡಲು ಸಹಕಾರಿಯಾಗಿದೆ. ಈ ಮೂಲಕ ಗರಿಷ್ಠ ನಿರ್ವಹಣೆಯನ್ನು ಕಾಪಾಡಿಕೊಳ್ಳಲಾಗಿದೆ.
ಹಾಗಿದ್ದರೂ ಆಸ್ಟನ್ ಮಾರ್ಟಿನ್ ವೋಲ್ಕನ್ ಸೀಮಿತ 24 ಯುನಿಟ್ಗಳಷ್ಟೇ ಉತ್ಪಾದನೆಯಾಗಲಿದೆ. ಇದು ನಿಜವಾಗ್ಲೂ ಬೇಸರ ತರಿಸಿದರೂ ಈ ಮೂಲಕ ಬ್ರಿಟನ್ನ ಈ ಐಕಾನಿಕ್ ಸಂಸ್ಥೆಯು ಬೇಡಿಕೆ ಕಾಯ್ದುಕೊಳ್ಳುವ ಇರಾದೆಯಲ್ಲಿದೆ.
ಅಂದ ಹಾಗೆ ಆಸ್ಟನ್ ಮಾರ್ಟಿನ್ ವೋಲ್ಕನ್ 2015 ಜಿನೆವಾರ ಮೋಟಾರು ಶೋದಲ್ಲಿ ಅಧಿಕೃತವಾಗಿ ಅನಾವರಣಗೊಳ್ಳಲಿದೆ. ಇದು ಪುಶ್ರೊಡ್ ಸಸ್ಪೆನ್ಷನ್, ಆ್ಯಂಟಿ ರೋಲ್ ಬಾರ್, ಸಿಕ್ಸ್ ಸ್ಪೀಡ್ ಸಿಕ್ವೇನ್ಸಿಯಲ್ ಗೇರ್ ಬಾಕ್ಸ್, ಕಾರ್ಬನ್ ಸೆರಮಿಕ್ಸ್ ಡಿಸ್ಕ್, ಹೊಂದಾಣಿಕಯ ಆ್ಯಂಟಿ ಲಾಕ್ ಬ್ರೇಕ್, ಬ್ರೆಂಬೊ ಕ್ಯಾಲಿಪರ್, ಟ್ರಾಕ್ಷನ್ ಕಂಟ್ರೋಲ್ ಹಾಗೂ 19 ಇಂಚಿನ ಚಕ್ರಗಳನ್ನು ಪಡೆಯಲಿದೆ.
Continue with Google