ದಟ್ಸನ್ ಗೊ ಕಾರಿಗೆ ಬಂತು ನೋಡಿ ಸುರಕ್ಷಾ ವಲಯ

ಇದುವರೆಗೆ ದಟ್ಸನ್ ಕಾರುಗಳ ಭದ್ರತೆಯ ಬಗ್ಗೆ ಪ್ರಶ್ನೆ ಮಾಡಲಾಗುತ್ತಿತ್ತು. ಇದಕ್ಕೆ ತಕ್ಕ ಉತ್ತರದೊಂದಿಗೆ ಮುಂದೆ ಬಂದಿರುವ ಈ ಬಜೆಟ್ ಬ್ರಾಂಡ್ ನೂತನ ಗೊ ಕಾರಿಗೆ ಸುರಕ್ಷಾ ವಲಯವನ್ನು ಏರ್ಪಡಿಸಿದೆ.

ಹೌದು, ಮುಂಬರುವ ದಟ್ಸನ್ ಗೊ ಕಾರು ಎಬಿಎಸ್ ಹಾಗೂ ಏರ್ ಬ್ಯಾಗ್ ವೈಶಿಷ್ಟ್ಯಗಳೊಂದಿಗೆ ಲಭ್ಯವಾಗಲಿದೆ. ಪ್ರಸ್ತುತ ಸೇವೆಯು ಗೊ ಪ್ಲಸ್ ಎಂಪಿವಿ ಕಾರಿಗೂ ಲಭ್ಯವಾಗಲಿದೆ.

ಈಗ ದಟ್ಸನ್ ಕಾರುಗಳಿಗೆ ಎಬಿಎಸ್ ಹಾಗೂ ಏರ್ ಬ್ಯಾಗ್ ಸುರಕ್ಷತೆಗಳ ಆಗಮನದೊಂದಿಗೆ, ಕಾರಿನ ಗುಣಮಟ್ಟತೆಯೊಂದಿಗೆ ಮಾರಾಟವು ವೃದ್ಧಿಸುವ ನಿರೀಕ್ಷೆಯಿದೆ. ಇದು ಗ್ರಾಹಕರ ಪಾಲಿಗೆ ಅತಿ ಹೆಚ್ಚು ನಿರಾಳತೆಯನ್ನುಂಟು ಮಾಡಿದೆ.