ರೆಡಿ ಗೊ ಮುಂಚಿತವಾಗಿ ದಟ್ಸನ್ ಗೊ ಕ್ರಾಸ್ ಭಾರತಕ್ಕೆ

By Nagaraja

Published: Saturday, November 14, 2015, 11:00 [IST]

ಜಪಾನ್ ಮೂಲದ ವಾಹನ ತಯಾರಿಕ ಸಂಸ್ಥೆ ದಟ್ಸನ್, ಅತಿ ನೂತನ ರೆಡಿ ಗೊ ಸಣ್ಣ ಕಾರನ್ನು ಬಿಡುಗಡೆ ಮಾಡುವ ಯೋಜನೆಯಲ್ಲಿದೆ. ಆದರೆ ಈಗ ಬಂದಿರುವ ತಾಜಾ ಮಾಹಿತಿಗಳ ಪ್ರಕಾರ ಇದಕ್ಕೂ ಮೊದಲು ಗೊ ಕ್ರಾಸ್ ಕ್ರಾಸೋವರ್ ದೇಶದಲ್ಲಿ ಬಿಡುಗಡೆಯಾಗುವ ಸಂಭವವಿದೆ.

Also Read: ದಟ್ಸನ್ ರೆಡಿ ಗೊ ಸಣ್ಣ ಕಾರು ಆಗಮನಕ್ಕೆ ಸಿದ್ಧ; ನೀವು ರೆಡಿನಾ?

ನಿಮಗೆಲ್ಲರಿಗೂ ತಿಳಿದಿರುವಂತೆಯೇ 2015 ಟೋಕಿಯೋ ಮೋಟಾರು ಶೋದಲ್ಲಿ ದಟ್ಸನ್ ಗೊ ಕ್ರಾಸ್ ಕಾನ್ಸೆಪ್ಟ್ ಕಾರು ಭರ್ಜರಿ ಪ್ರದರ್ಶನ ಕಂಡಿತ್ತು. ಇವೆಲ್ಲವೂ ಮುಂದಿನ ದಿನಗಳಲ್ಲಿ ಮತ್ತಷ್ಟು ಹೊಸ ಕಾರುಗಳ ಆಗಮನಕ್ಕೆ ಸಹಕಾರಿಯಾಗಲಿದೆ.

ರೆಡಿ ಗೊ ಮುಂಚಿತವಾಗಿ ದಟ್ಸನ್ ಗೊ ಕ್ರಾಸ್ ಭಾರತಕ್ಕೆ

ನಿಮ್ಮ ಮಾಹಿತಿಗಾಗಿ ಗೊ ಹ್ಯಾಚ್ ಬ್ಯಾಕ್ ತಳಹದಿಯ್ಲಲೇ ಗೊ ಕ್ರಾಸ್ ನಿರ್ಮಾಣವಾಗಲಿದೆ. ಇದೇ ತಳಹದಿಯಲ್ಲಿ ಗೊ ಪ್ಲಸ್ ಕಾಂಪಾಕ್ಟ್ ಎಂಪಿವಿ ನಿರ್ಮಾಣವಾಗಿರುವುದು ನೀವಿಲ್ಲಿ ಗಮನಿಸಬಹುದಾಗಿದೆ.

ಇನ್ನೊಂದೆಡೆ ದಟ್ಸನ್ ರೆಡಿ ಗೊ ನಿಸ್ಸಾನ್-ರೆನೊ ಸಂಸ್ಥೆಯ ಸಿಎಂಎಫ್-ಎ ತಳಹದಿಯಲ್ಲಿ ನಿರ್ಮಾಣವಾಗಲಿದೆ. ಇದೇ ತಳಹದಿಯಲ್ಲಿ ಬಿಡುಗಡೆಯಾಗಿದ್ದ ರೆನೊ ಕ್ವಿಡ್ ಭಾರಿ ಯಶಸ್ಸನ್ನು ಕಂಡಿತ್ತಲ್ಲದೆ ಮಾರುತಿ ಆಲ್ಟೊಗೆ ಪ್ರಬಲ ಪ್ರತಿಸ್ಪರ್ಧಿಯಾಗಿ ಮೂಡಿಬಂದಿದೆ.

ಮುಂದಿನ ವರ್ಷಾರಂಭದಲ್ಲಿ ನಡೆಯಲಿರುವ ದೆಹಲಿ ಆಟೋ ಎಕ್ಸ್ ಪೋದಲ್ಲೂ ರೆಡಿ ಗೊ ಕ್ರಾಸ್ ಕ್ರಾಸೋವರ್ ಕಾರು ಪ್ರದರ್ಶನಗೊಳ್ಳುವ ಸಾಧ್ಯತೆಯಿದೆ. ಭಾರತದಲ್ಲಿ ಉಪಯುಕ್ತ ವಾಹನಗಳಿಗೆ ಹೆಚ್ಚಿನ ಬೇಡಿಕೆಯಿಂದ್ದು, ಈ ನಿಟ್ಟಿನಲ್ಲಿ ಗೊ ಕ್ರಾಸ್ ನಿರ್ಣಾಯಕವೆನಿಸಲಿದೆ.