ದಟ್ಸನ್ ಭವಿಷ್ಯದಲ್ಲಿ ಭಾರತದ ಪಾತ್ರ ನಿರ್ಣಾಯಕ ?

By Nagaraja

Published: Monday, November 2, 2015, 17:41 [IST]

ನಿಮಗೆಲ್ಲರಿಗೂ ತಿಳಿದಿರುವಂತೆಯೇ ಜಪಾನ್ ಮೂಲದ ದೈತ್ಯ ವಾಹನ ಸಂಸ್ಥೆ ನಿಸ್ಸಾನ್‌ನ ಬಜೆಟ್ ಬ್ರಾಂಡ್ 'ದಟ್ಸನ್' ಆಗಿದೆ. ಇದು ಪ್ರಮುಖವಾಗಿಯೂ ಭಾರತದಂತಹ ಬೆಳೆದು ಬರುತ್ತಿರುವ ಮಾರುಕಟ್ಟೆಯನ್ನು ಗುರಿಯಾಗಿರಿಸಿಕೊಂಡಿದೆ.

Also Read: ದಟ್ಸನ್ ಗೊ ಚೊಚ್ಚಲ ಎಂಟ್ರಿ; ಟೆಸ್ಟ್ ಡ್ರೈವ್ ರಿಪೋರ್ಟ್ ಮುಂದಕ್ಕೆ ಓದಿ

ಇದರಂತೆ ವರ್ಷಾರಂಭದಲ್ಲಿ ಗೊ ಹ್ಯಾಚ್ ಬ್ಯಾಕ್ ತದಾ ಬಳಿಕ ಗೊ ಪ್ಲಸ್ ಕಾಂಪಾಕ್ಟ್ ಬಹು ಬಳಕೆಯ ವಾಹನವು ದೇಶದಲ್ಲಿ ಬಿಡುಗಡೆಯಾಗಿತ್ತು. ಪ್ರಸ್ತುತ ವಾಹನ ವಿಶ್ಲೇಷಕರ ಪ್ರಕಾರ ದಟ್ಸನ್ ಪ್ರಗತಿಯಲ್ಲಿ ದೇಶದ ಪಾತ್ರ ನಿರ್ಣಾಯಕವೆನಿಸಲಿದೆ.

ದಟ್ಸನ್ ಭವಿಷ್ಯದಲ್ಲಿ ಭಾರತದ ಪಾತ್ರ ನಿರ್ಣಾಯಕ ?

ಚೆನ್ನೈನಲ್ಲಿ ನಿರ್ಮಾಣ ಘಟಕವನ್ನು ಹೊಂದಿರುವ ದಟ್ಸನ್, ಕೈಗೆಟುಕುವ ಬೆಲೆಗಳಲ್ಲಿ ಕಾರುಗಳನ್ನು ಬಿಡುಗಡೆ ಮಾಡುವ ಯೋಜನೆ ಹೊಂದಿದೆ.

ಈ ಪೈಕಿ ಇತ್ತೀಚೆಗಷ್ಟೇ 44ನೇ ಟೋಕಿಯೋ ಮೋಟಾರು ಶೋದಲ್ಲಿ ಪ್ರದರ್ಶನ ಕಂಡಿರುವ ಗೊ ಕ್ರಾಸ್ ಕಾನ್ಸೆಪ್ಟ್ ಮಾದರಿಯು ಪ್ರಮುಖವೆನಿಸುತ್ತದೆ. ಇದು ಮುಂದಿನ ದಿನಗಳಲ್ಲಿ ದಟ್ಸನ್‌ನಿಂದ ಹೊಸ ಕ್ರಾಸೋವರ್ ಆಗಮನವಾಗುತ್ತಿರುವುದಕ್ಕೆ ಸ್ಪಷ್ಟ ಸಂದೇಶವಾಗಿದೆ.

2016 ಆಟೋ ಎಕ್ಸ್ ಪೋದಲ್ಲೂ ದಟ್ಸನ್ ಗೊ ಕ್ರಾಸ್ ಕಾನ್ಸೆಪ್ಟ್ ಕಾರು ಪ್ರದರ್ಶನಗೊಳ್ಳಲಿದೆ. ಈ ಮೂಲಕ ದೇಶದಲ್ಲಿ ತನ್ನ ಶ್ರೇಣಿಯ ವಾಹನಗಳನ್ನು ವಿಸ್ತರಿಸಲಿದೆ.

ಸಿಎಂಎಫ್-ಎ ತಳಹದಿಯಲ್ಲಿ ರೆಡಿ ಗೊ ಕಾಂಪಾಕ್ಟ್ ಹ್ಯಾಚ್ ಬ್ಯಾಕ್ ಎಂಬ ದಟ್ಸನ್ ಕಾರು ಸಿದ್ಧಗೊಳ್ಳುತ್ತಿದೆ. ಇದು ಮೊದಲ ಬಾರಿಗೆ 2014 ಆಟೋ ಎಕ್ಸ್ ಪೋದಲ್ಲಿ ಪ್ರದರ್ಶನ ಕಂಡಿತ್ತು. ಪ್ರಸ್ತುತ ಕಾರು ಅತಿ ಶೀಘ್ರದಲ್ಲೇ ಮಾರುಕಟ್ಟೆಗೆ ಆಗಮನವಾಗಲಿದ್ದು, ರೆನೊ ಕ್ವಿಡ್ ಕಾಂಪಾಕ್ಟ್ ಕಾರಿಗೆ ಪ್ರತಿಸ್ಪರ್ಧಿಯಾಗಲಿದೆ.