ಪುಂಟೊ ಇವೊಗೆ ಅಬಾರ್ತ್ ಬ್ರಾಂಡಿಂಗ್ ಯಶ ತಂದಿತೇ?

ಭಾರತದಲ್ಲಿ ತನ್ನ ಶ್ರೇಣಿಯ ವಾಹನಗಳನ್ನು ಇನ್ನಷ್ಟು ಗಟ್ಟಿ ಪಡಿಸಲು ಇಟಲಿಯ ಮೂಲದ ಫಿಯೆಟ್ ಸಂಸ್ಥೆ ನಿರ್ಧರಿಸಿದೆ. ಈಗಾಗಲೇ ಅವೆಂಚ್ಯುರಾಗಳಂತಹ ನಾವೀನ್ಯ ಮಾದರಿಗಳನ್ನು ಬಿಡುಗಡೆ ಮಾಡಿರುವ ಫಿಯೆಟ್ ಸಂಸ್ಥೆಯು ವರ್ಷಾಂತ್ಯದಲ್ಲಿ ಮಗದೊಂದು ಆಕರ್ಷಕ ವೆರಿಯಂಟ್ ಬಿಡುಗಡೆ ಮಾಡುವ ಯೋಜನೆ ಹೊಂದಿದೆ.

ಈಗ ಬಂದಿರುವ ತಾಜಾ ಮಾಹಿತಿಗಳಂತೆ ಪ್ರಸಕ್ತ ಸಾಲಿನ ಅಂತ್ಯದಲ್ಲೇ ಫಿಯೆಟ್ ನ ಬಹುನಿರೀಕ್ಷಿತ ಪುಂಟೊ ಇವೊ ಟಿ-ಜೆಟ್ ವೆರಿಯಂಟ್ ಬಿಡುಗಡೆಯಾಗಲಿದೆ. ಅವೆಂಚ್ಯುರಾ ಮಾದರಿಯಲ್ಲೂ ಟಿ-ಜೆಟ್ಪರಿಚರಿಯಿಸುವ ಇರಾದೆಯನ್ನು ಸಂಸ್ಥೆ ಹೊಂದಿದೆ.

ಅಬಾರ್ತ್ ಲಾಂಛನದೊಂದಿಗೆ ಮಾರಾಟವನ್ನು ಉತ್ತೇಜಿಸುವ ಇರಾದೆಯನ್ನು ಫಿಯೆಟ್ ಹೊಂದಿದೆ. ಅಬಾರ್ತ್ ಬ್ರಾಂಡಿಂಗ್ ನಿಂದಾಗಿ ಖಂಡಿತವಾಗಿಯೂ ಮಾರಾಟ ಹೆಚ್ಚಲಿದೆ ಎಂಬುದು ನಮ್ಮ ನಂಬಿಕೆಯಾಗಿದೆ. ಅಂದ ಹಾಗೆ ಅಬಾರ್ತ್ ಪುಂಟೊ ಇವೊ ಮಾದರಿಯು ಫೋಕ್ಸ್ ವ್ಯಾಗನ್ ಪೊಲೊ ಜಿಟಿಗಳಂತಹ ಮಾದರಿಗಳಿಗೆ ಪೈಪೋಟಿ ಒಡ್ಡಲಿದೆ.