ಜಿನೆವಾದಲ್ಲಿ ಪ್ರದರ್ಶನ ಕಾಣಲಿರುವ ಫಿಯೆಟ್‌ನ 2 ಅತ್ಯಾಕರ್ಷಕ ಮಾದರಿಗಳು

ಇಟಲಿಯ ಅತಿ ಪುರಾತನ ವಾಹನ ಸಂಸ್ಥೆಯಾಗಿರುವ ಫಿಯೆಟ್ ಈಗಲೂ ತನ್ನ ಅಸ್ತಿತ್ವವನ್ನು ಉಳಿಸಿಕೊಂಡು ಬಂದಿದೆ. ಅಲ್ಲದೆ ಮುಂಬರುವ 2015 ಜಿನೆವಾ ಮೋಟಾರು ಶೋದಲ್ಲಿ ಎರಡು ಹೊಸ ಮಾದರಿಗಳನ್ನು ಪರಿಚಯಿಸುವ ಯೋಜನೆ ಹೊಂದಿದೆ.

2015 ಮಾರ್ಚ್ 5ರಿಂದ 15ರ ವರೆಗೆ ಸಾಗುವ ಜಿನೆವಾ ಆಟೋ ಶೋದಲ್ಲಿ ಪ್ರದರ್ಶನಗೊಳ್ಳಲಿರುವ ಫಿಯೆಟ್‌ನ ಎರಡು ಪ್ರಮುಖ ಮಾದರಿಗಳು ಇಂತಿದೆ.

• ಫಿಯೆಟ್ 500 ವಿಂಟೇಜ್ 57
• ಫಿಯೆಟ್ ಡೊಬ್ಲೊ ಟ್ರೆಕ್ಕಿಂಗ್

ಫಿಯೆಯ್ 500 ವಿಂಟೇಜ್ 57 ಮಾದರಿಯು 1.2 ಲೀಟರ್ ಪೆಟ್ರೋಲ್ ಎಂಜಿನ್‌ನಿಂದ ನಿಯಂತ್ರಿಲ್ಪಡಲಿದ್ದು, 69 ಅಶ್ವಶಕ್ತಿ ಉತ್ಪಾದಿಸಲಿದೆ. ಇದರಲ್ಲಿ 0.9 ಲೀಟರ್ ಟ್ವಿನ್ ಏರ್ ಟರ್ಬೊ ಪೆಟ್ರೋಲ್ ಎಂಜಿನ್ (85 ಅಶ್ವಶಕ್ತಿ) ಆಯ್ಕೆಯೂ ಇರಲಿದೆ.

ಇನ್ನೊಂದೆಡೆ ಡೊಬ್ಲೊ ವ್ಯಾನ್ ತನ್ನದೇ ಆದ ಯೂನಿಕ್ ವಿನ್ಯಾಸದಿಂದ ಗಮನ ಸೆಳೆದಿದೆ. ಈ ಬಗ್ಗೆ ಹೆಚ್ಚಿನ ಮಾಹಿತಿಗಳು ಜಿನೆವಾದಲ್ಲಿ ಲಭ್ಯವಾಗಲಿದೆ.