ಹೊಸ ಸ್ವರೂಪದೊಂದಿಗೆ ಇಕೊಸ್ಪೋರ್ಟ್; ಅತಿ ಶೀಘ್ರದಲ್ಲೇ ಬಿಡುಗಡೆ

ಅಧಿಕೃತ ಫೇಸ್ ಬುಕ್ ಪುಟದಲ್ಲಿ ಈ ಬಗ್ಗೆ ಎಕ್ಸ್ ಕ್ಲೂಸಿವ್ ಟೀಸರ್ ಚಿತ್ರವನ್ನು ಪ್ರದರ್ಶಿಸಿರುವ ಫೋರ್ಡ್, ಇನ್ನು ಕೆಲವೇ ದಿನಗಳಲ್ಲಿ ಇಕೊಸ್ಪೋರ್ಟ್ ಆಗಮನವನ್ನು ಖಚಿತಪಡಿಸಿದೆ.

ಪರಿಷ್ಕೃತ ಇಕೊಸ್ಪೋರ್ಟ್ ಕಾರು ಈಗಾಗಲೇ ಯುರೋಪ್ ಮಾರುಕಟ್ಟೆಯನ್ನು ತಲುಪಿದ್ದು, ಭಾರತದಲ್ಲೂ ಕೆಲವೊಂದು ಪ್ರಮುಖ ಬದಲಾವಣೆಯೊಂದಿಗೆ ಎಂಟ್ರಿ ಕೊಡಲಿದೆ.

ಇದರಲ್ಲಿ ಎಲ್‌ಇಡಿ ಡೇಟೈಮ್ ರನ್ನಿಂಗ್ ಲೈಟ್ಸ್ ಪ್ರಮುಖವೆನಿಸಲಿದೆ. ಅಲ್ಲದೆ ಹಿಂಭಾಗದಲ್ಲಿ ಹೆಚ್ಚುವರಿ ಚಕ್ರ ಕಾಣ ಸಿಗುವುದಿಲ್ಲ. ಹಾಗೆಯೇ ನೂತನ ಬಣ್ಣಗಳ ಆಯ್ಕೆಯೂ ಇರಲಿದೆ.

ಕಾರಿನೊಳಗೆ ಹೆಚ್ಚಿನ ಪ್ರೀಮಿಯಂ ಸೌಲಭ್ಯಗಳಿಗೆ ಆದ್ಯತೆ ಕೊಡಲಾಗುವುದು. ಹಾಗಿದ್ದರೂ ತಾಂತ್ರಿಕವಾಗಿ ಹೆಚ್ಚಿನ ಬದಲಾವಣೆ ಕಂಡುಬರುವ ಸಾಧ್ಯತೆಗಳಿಲ್ಲ.

ಹೊಸ ಹೊಸ ವೈಶಿಷ್ಟ್ಯಗಳ ಆಗಮನದೊದಿಗೆ ಸಹಜವಾಗಿಯೇ ಇಕೊಸ್ಪೋರ್ಟ್ ಫೇಸ್ ಲಿಫ್ಟ್ ಮಾದರಿಯು ಕನಿಷ್ಠ 30,000 ರು.ಗಳಷ್ಟು ದುಬಾರಿಯೆನಿಸುವ ಸಾಧ್ಯತೆಯಿದೆ.

ನಿಮಗೆಲ್ಲರಿಗೂ ತಿಳಿದಿರುವಂತೆಯೇ, ಇಕೊಸ್ಪೋರ್ಟ್ ಪ್ರತಿಸ್ಪರ್ಧಿಯಾಗಿ ಟಿಯುವಿ300 ಮಾದರಿಯನ್ನು ಮಹೀಂದ್ರ ಕಣಕ್ಕಿಳಿಸಿತ್ತು. ಈಗ ಅಂದತೆಯಲ್ಲಿ ಬದಲಾವಣೆ ಪಡೆಯಲಿರುವ ಇಕೊಸ್ಪೋರ್ಟ್, ಮಹೀಂದ್ರ ಸವಾಲನ್ನು ಸ್ವೀಕರಿಸಲು ಸಜ್ಜಾಗುತ್ತಿದೆ.

ಹೊಸ ಇಕೊಸ್ಪೋರ್ಟ್ ಕಾರಿನಲ್ಲಿರುವ ಬದಲಾವಣೆಗಳೇನು? ಮುಂದಕ್ಕೆ ಓದಲು ಕ್ಲಿಕ್ಕಿಸಿ