ಹೋಂಡಾ ಗ್ರಾಹಕರಿಗಾಗಿ 'ಎನಿ ಟೈಮ್ ವಾರಂಟಿ' ಸ್ಕೀಮ್

ನಿಮ್ಮ ಬಳಿ ಹೋಂಡಾ ವಾಹನ ಇದೆಯೇ? ಹಾಗಿದ್ದರೆ ನೀವು ಕೂಡಾ 'ಎನಿ ಟೈಮ್ ವಾರಂಟಿ' ಸ್ಕೀಮ್ ಗಿಟ್ಟಿಸಿಕೊಳ್ಳಬಹುದು. ಏಕೆಂದರೆ ದೇಶದ ವಾಹನ ಮಾರುಕಟ್ಟೆಯಲ್ಲಿ ಶಿಪ್ರ ಗತಿಯಲ್ಲಿ ಬೆಳೆದು ಬರುತ್ತಿರುವ ಹೋಂಡಾ ಸಂಸ್ಥೆಯು ಗ್ರಾಹಕರಿಗೆ ನೂತನ ಸ್ಕೀಮ್ ಮುಂದಿಟ್ಟಿದೆ. ಅದುವೇ 'ಎನಿ ಟೈಮ್ ವಾರಂಟಿ ಸ್ಕೀಮ್'.

ಏನಿದು, ಅರ್ಹತೆ ಹೇಗೆ?
ನಿಮಗೆಲ್ಲರಿಗೂ ತಿಳಿದಿರುವಂತೆಯೇ ಹೋಂಡಾ ಸಂಸ್ಥೆಯು ತನ್ನೆಲ್ಲ ಗ್ರಾಹಕರಿಗೆ ಸ್ಟ್ಯಾಂಡರ್ಡ್ ಎರಡು ವರ್ಷಗಳ ವಾರಂಟಿ ಒದಗಿಸುತ್ತಿದೆ. ಆದರೆ ನೂತನ ಎನಿ ಟೈಮ್ ಸ್ಕೀಮ್ ಅನ್ವಯ ಗರಿಷ್ಠ ಏಳು ವರ್ಷಗಳ ವರೆಗೆ ಅಥವಾ 1,00,000 ಕೀ.ಮೀ.ಗಳ ಹೆಚ್ಚುವರಿ ವಾರಂಟಿ ಒದಗಿಸುತ್ತಿದೆ. ಈ ಎರಡರಲ್ಲಿ ಯಾವುದು ಮೊದಲು ಬರುತ್ತೋ ಅದು ಅನ್ವಯವಾಗಲಿದೆ.

ಹಾಗೊಂದು ವೇಳೆ ನೀವು ಸೆಕೆಂಡು ಹ್ಯಾಂಡ್ ಹೋಂಡಾ ಕಾರನ್ನು ಖರೀದಿ ಮಾಡಿದ್ದಲ್ಲೂ ನೀವಿದನ್ನು ಪಡೆದುಕೊಳ್ಳಬಹುದಾಗಿದೆ. ಅಂದ ಹಾಗೆ ಎನಿ ಟೈಮ್ ವಾರಂಟಿ ಸ್ಕೀಮ್, ರಿಪೇರಿ ವೆಚ್ಚ, ಬದಲಿ ಭಾಗಗಳು ಹಾಗೂ ದೋಷಪೂರಿತ ಮುಂತಾದ ಭಾಗಗಳನ್ನು ಹೊಂದಿರಲಿದೆ.