ಜುಲೈನಲ್ಲಿ ಬಹುನಿರೀಕ್ಷಿತ ಹೋಂಡಾ ಜಾಝ್ ಬಿಡುಗಡೆ

ಕೊನೆಗೂ ಕಾಯುವಿಕೆ ಅಂತ್ಯಗೊಂಡಿದ್ದು, ಬಹುನಿರೀಕ್ಷಿತ ಹೋಂಡಾ ಜಾಝ್ 2015 ಜುಲೈ 08ರಂದು ಬಿಡುಗಡೆಯಾಗಲಿದೆ. ಇದು ಪ್ರಮುಖವಾಗಿಯೂ ದೇಶದಲ್ಲಿ ಅತ್ಯಂತ ಹೆಚ್ಚು ಮಾರಾಟವಾಗು ಮಾರುತಿ ಸುಜುಕಿ ಸ್ವಿಫ್ಟ್, ಹ್ಯುಂಡೈ ಎಲೈಟ್ ಐ20 ಹಾಗೂ ಫೋಕ್ಸ್ ವ್ಯಾಗನ್ ಪೊಲೊ ಮಾದರಿಗಳ ಸವಾಲುಗಳನ್ನು ಎದುರಿಸಲಿದೆ.

ಪೆಟ್ರೋಲ್ ಹಾಗೂ ಡೀಸೆಲ್ ಎಂಜಿನ್ ಆಯ್ಕೆಗಳಲ್ಲಿ ಹೊಸ ಜಾಝ್ ಲಭ್ಯವಾಗಲಿದೆ. ಇದರಲ್ಲಿ 1.5 ಲೀಟರ್ ಐಡಿಟೆಕ್ ಹಾಗೂ 1.2 ಲೀಟರ್ ಐವಿಟೆಕ್ ಎಂಜಿನ್ ಜೋಡಣೆಯಾಗಲಿದೆ. ಇದು ಪ್ರೀಮಿಯಂ ವಿಭಾಗದಲ್ಲಿ ಹೋಂಡಾ ಪಾಲಿಗೆ ಹೆಚ್ಚು ನಿರೀಕ್ಷೆಯನ್ನುಂಟು ಮಾಡಿದೆ.

ಹೋಂಡಾ ಜಾಝ್ ಮಾದರಿಯು ತವರೂರಾದ ಜಪಾನ್‌ನಲ್ಲಿ ಭಾರಿ ಯಶಸ್ಸನ್ನು ಕಂಡಿದೆ. ಇದರ ಹೈಬ್ರಿಡ್ ಮಾದರಿಗೆ ಹೆಚ್ಚಿನ ಬೇಡಿಕೆ ಬಂದಿದೆ. ಆದರೆ ಸದ್ಯಕ್ಕೆ ಭಾರತದಲ್ಲಿ ಹೈಬ್ರಿಡ್ ಮಾದರಿ ಬಿಡುಗಡೆಯಾಗುತ್ತಿಲ್ಲ.