2016ರಲ್ಲಿ ಹ್ಯುಂಡೈ ಎಂಪಿವಿ ಭಾರತಕ್ಕೆ; ಇನ್ನೋವಾಗೆ ಸವಾಲು

Published: Thursday, October 15, 2015, 10:45 [IST]

ದೇಶದ ಎರಡನೇ ಅತಿ ದೊಡ್ಡ ಪ್ರಯಾಣಿಕ ಕಾರು ಸಂಸ್ಥೆಯಾಗಿರುವ ಹ್ಯುಂಡೈ, ದೇಶದಲ್ಲಿ ಬಹು ಬಳಕೆಯ ವಾಹನ (ಎಂಪಿವಿ) ವಿಭಾಗದಲ್ಲಿ ಕೊರತೆಯನ್ನು ಅನುಭವಿಸುತ್ತಿದೆ. ಸಣ್ಣ ಕಾರು ವಿಭಾಗದಲ್ಲಿ ಹೆಚ್ಚು ಸಾನಿಧ್ಯ ಹೊಂದಿರುವ ಹ್ಯುಂಡೈ ಈಗ ಎಂಪಿವಿ ವಿಭಾಗದತ್ತವೂ ತನ್ನ ಚಿತ್ತ ಹಾಯಿಸುತ್ತಿದೆ.

ಬಲ್ಲ ಮೂಲಗಳ ಪ್ರಕಾರ ಹ್ಯುಂಡೈ ಬಹು ನಿರೀಕ್ಷಿತ ಎಂಪಿವಿ 2016ನೇ ಸಾಲಿನಲ್ಲಿ ಬಿಡುಗಡೆಯಾಗಲಿದೆ. ಇದು ಪ್ರಮುಖವಾಗಿಯೂ ಈಗಾಗಲೇ ಮಾರುಕಟ್ಟೆಯಲ್ಲಿ ಭದ್ರ ಅಡಿಪಾಯ ಸ್ಥಾಪಿಸಿರುವ ಟೊಯೊಟಾ ಇನ್ನೋವಾಗೆ ಪ್ರತಿಸ್ಪರ್ಧಿಯಾಗಲಿದೆ.

2016ರಲ್ಲಿ ಹ್ಯುಂಡೈ ಎಂಪಿವಿ ಭಾರತಕ್ಕೆ; ಇನ್ನೋವಾಗೆ ಸವಾಲು

ಈ ಬಗ್ಗೆ ಹೇಳಿಕೆ ಕೊಟ್ಟಿರುವ ಹ್ಯುಂಡೈ ಅಧಿಕಾರಿಗಳು, ಹೊಸ ಎಂಪಿವಿ ವಿನ್ಯಾಸವನ್ನು ಅಂತಿಮಗೊಳಿಸಲಾಗಿದ್ದು, ಬಹುತೇಕ ಮುಂದಿನ ವರ್ಷ ಬಿಡುಗಡೆ ಮಾಡಲಿರುವುದಾಗಿ ತಿಳಿಸಿದ್ದಾರೆ.

ನೂತನ ಏಳು ಸೀಟುಗಳ ಎಂಪಿವಿ, ಭಾರತೀಯ ರಸ್ತೆ ಪರಿಸ್ಥಿತಿ ಹಾಗೂ ಗ್ರಾಹಕರ ಬೇಡಿಕೆಗಾನುಸಾರವಾಗಿ ಅಭಿವೃದ್ಧಿಪಡಿಸಲಾಗುವುದು. ಅಲ್ಲದೆ ದೇಶದ ಟ್ಯಾಕ್ಸಿ ವಿಭಾಗಕ್ಕೂ ಎಂಟ್ರಿ ಕೊಡುವ ಇರಾದೆಯನ್ನಿಟ್ಟುಕೊಂಡಿದೆ.