ಹೊಸ ಡೀಸೆಲ್ ಎಂಜಿನ್‌ಗಳಿಂದ ಕ್ಯಾನ್ಸರ್ ಬರಲ್ಲ!

ವಾಹನ ಜಗತ್ತಿನಲ್ಲಿ ಕಳೆದ ಹಲವಾರು ವರ್ಷಗಳಿಂದ ಇಂತಹದೊಂದು ವಿಷಯ ತೀವ್ರ ಚರ್ಚೆಗೆ ಗ್ರಾಸವಾಗಿದೆ. ಡೀಸೆಲ್ ಎಂಜಿನ್‌ಗಳಿಂದ ಹೊರ ಚಿಮ್ಮುವ ಹೊಗೆಯು ಶ್ವಾಸಕೋಶದ ಕ್ಯಾನ್ಸರ್‌ಗೆ ಎಡೆಮಾಡಿಕೊಡುತ್ತಿದೆಯೇ?

ಇಲ್ಲ ಎನ್ನುತ್ತಿದೆ ಹೊಸ ಅಧ್ಯಯನ ವರದಿ. ಹೌದು, ಹೊಸತಾದ ಡೀಸೆಲ್ ಎಂಜಿನ್‌ಗಳಲ್ಲಿ ನವೀನ ತಂತ್ರಜ್ಞಾನವನ್ನು ಅವಿಷ್ಕರಿಸಲಾಗಿದ್ದು ಶೇಕಡಾ 90ರಷ್ಟು ಕಡಿಮೆ ಹೊಗೆ ಹೊರ ಸೂಸುತ್ತಿದೆ ಎಂದು ಅಧ್ಯಯನ ವರದಿ ತಿಳಿಸಿದೆ.

ಇದರಂತೆ ಬೆಳಕಿಗೆ ಬಂದಿರುವ ಸಂಗತಿಯೆಂದರೆ ಹಳೆಯ ಡೀಸೆಲ್ ಎಂಜಿನ್‌ಗಳಿಗೆ ಹೋಲಿಸಿದರೆ ಹೊಸ ಜನಾಂಗದ ಡೀಸೆಲ್ ಎಂಜಿನ್‌ಗಳು ಕಡಿಮೆ ಹೊಗೆಯನ್ನು ಹೊರಸೂಸುತ್ತಿದೆ. ಇದು ಶ್ವಾಸಕೋಶದ ಕ್ಯಾನ್ಸರ್‌ಗೆ ಪ್ರಚೋದನಾಕಾರಿಯಾಗುವುದಿಲ್ಲ.

ನ್ಯೂ ಜನರೇಷನ್ ಇಪಿಎ10 ಎಂಜಿನ್ ಆಳವಡಿಕೆಯಿಂದ ಗಮನಾರ್ಹ ಬದಲಾವಣೆ ಕಂಡುಬಂದಿದೆ. ಅಮೆರಿಕ ಹಾಗೂ ಯುರೋಪ್ ರಾಷ್ಟ್ರಗಳಲ್ಲಿ ಇದು ಹೊಸ ಟ್ರೆಂಡ್ ಆಗಿ ಪರಿವರ್ತನೆಗೊಂಡಿದ್ದು, ಚೀನಾ ಕೂಡಾ ಇದೇ ನೀತಿಯತ್ತ ಹೆಜ್ಜೆಯನ್ನಿಟ್ಟಿದೆ.