ಅತಿ ಶೀಘ್ರದಲ್ಲೇ ಮಾರುತಿ ಸೆಲೆರಿಯೊ ಡೀಸೆಲ್ ಕಾರು ಬಿಡುಗಡೆ

ದೇಶದ ಅತಿ ದೊಡ್ಡ ವಾಹನ ತಯಾರಿಕ ಸಂಸ್ಥೆಯಾಗಿರುವ ಮಾರುತಿ ಸುಜುಕಿ ಅತಿ ಶೀಘ್ರದಲ್ಲೇ ಸೆಲೆರಿಯೊ ಡೀಸೆಲ್ ಕಾರನ್ನು ಭಾರತಕ್ಕೆ ಪರಿಚಯಿಸಲಿದೆ. ಸೆಲೆರಿಯೊ ಪೆಟ್ರೋಲ್ ಮಾದರಿಗೆ ದೊರಕಿರುವ ಅಭೂತಪೂರ್ವ ಪ್ರತಿಕ್ರಿಯೆಯ ಬೆನ್ನಲ್ಲೇ ಮಾರುತಿಯಿಂದ ಇಂತಹದೊಂದು ನಡೆ ಕಂಡುಬರುತ್ತಿದೆ.

ಸೆಲೆರಿಯೊದಲ್ಲಿ ಪರಿಚಯಿಸಲಾದ ಮ್ಯಾನುವಲ್ ಆಟೋಮ್ಯಾಟಡ್ ಟ್ರಾನ್ಸ್ ಮಿಷನ್ (ಎಎಂಟಿ) ವ್ಯವಸ್ಥೆಯು ಪ್ರಸ್ತುತ ಕಾರಿನ ಯಶಸ್ಸಿನಲ್ಲಿ ದೊಡ್ಡ ಪರಿಣಾಮ ಬೀರಿತ್ತು. ಈಗ ಈ ಹ್ಯಾಚ್ ಬ್ಯಾಕ್ ಕಾರಿನ ಡೀಸೆಲ್ ಮಾದರಿಗಾಗಿ ಗ್ರಾಹಕರು ಕಾದು ಕುಳಿತಿದ್ದಾರೆ.

ಎಂಜಿನ್ ತಾಂತ್ರಿಕತೆ
ಇನ್ ಲೈನ್ ಟು ಸಿಲಿಂಡರ್, 800 ಸಿಸಿ ಡೀಸೆಲ್ ಎಂಜಿನ್,
ಅಶ್ವಶಕ್ತಿ 51.26
150 ತಿರುಗುಬಲ,
ಮ್ಯಾನುವಲ್ ಗೇರ್ ಬಾಕ್ಸ್.
ಮೈಲೇಜ್: 30 kpl (ನಿರೀಕ್ಷೆ)

ಇಲ್ಲಿ ಗಮನಾರ್ಹ ಸಂಗತಿಯೆಂದರೆ ಸೆಲೆರಿಯೊ ಡೀಸೆಲ್ ವೆರಿಯಂಟ್ ನಲ್ಲಿ ಎಎಂಟಿ ಸೇವೆ ಇರುವುದಿಲ್ಲ. ಹಾಗಾಗಿ ಮ್ಯಾನುವಲ್ ಗೇರ್ ಬಾಕ್ಸ್ ಇಷ್ಟಪಡುವ ಗ್ರಾಹಕರಿಗಿದು ಪರಿಪೂರ್ಣ ಅನುಭವವಾಗಲಿದೆ.