ಕಣ್ಣು ಮಿಟುಕಿಸಿದ ಮಾಜ್ದಾ ಆರ್‌ಎಕ್ಸ್ ವಿಷನ್ ಕ್ರೀಡಾ ಕಾರು

ಈ ಹಿಂದೆ 1967ರ ಮಾಜ್ದಾ ಕೊಸ್ಮೊ ಸ್ಪೋರ್ಟ್ 110ಎಸ್ ಕಾರಿನಲ್ಲಿ ಮೊದಲ ಬಾರಿಗೆ ರೋಟರಿ ಎಂಜಿನ್ ಬಳಕೆ ಮಾಡಲಾಗಿತ್ತು. ಇದು 1978ರಿಂದ 2002ರ ಅವಧಿಯಲ್ಲಿ ಎಂಟು ಲಕ್ಷ ಯುನಿಟ್ ಗಳಷ್ಟು ಮಾರಾಟ ಗಿಟ್ಟಿಸಿಕೊಂಡಿತ್ತು.

ಸದ್ಯಕ್ಕೆ ಮಾಜ್ದಾ ರೋಟರಿ ಎಂಜಿನ್ ಗಳು ಸಂಸ್ಥೆಯ ಅಧ್ಯಯನ ಹಾಗೂ ಅಭಿವೃದ್ಧಿ ಘಟಕದಲ್ಲಿ ತಯಾರಿಸಲಾಗುತ್ತದೆ. ಅಲ್ಲದೆ ವಾಹನ ಪ್ರೇಮಿಗಳಿಗೆ ಸಾಂಪ್ರಾದಾಯಕ ಚಾಲನಾ ವ್ಯವಸ್ಥೆಯ ಅತ್ಯಧಿಕ ಅನುಭವ ನೀಡುವ ಇರಾದೆಯಲ್ಲಿದೆ.

ಅಂದ ಹಾಗೆ ಮಾಜ್ದಾ ಆರ್‌ಎಕ್ಸ್ ವಿಷನ್ ಕ್ರೀಡಾ ಕಾರು 2017ರ ವೇಳೆಯಾಗುವಾಗ ನಿರ್ಮಾಣ ಹಂತಕ್ಕೆ ತಲುಪುವ ಸಾಧ್ಯತೆಯಿದೆ. ಇದು ಮೊದಲ ಬಾರಿಗೆ ರೋಟರಿ ಎಂಜಿನ್ ಪರಿಚಯಿಸಿದ ಬಳಿಕ ಭರ್ತಿ 50 ವರ್ಷಾಚರಣೆಯ ಭಾಗವಾಗಿ ಹೊಸ ಜನಾಂಗದ ಎಂಜಿನ್ ಆಗಮನವಾಗಲಿದೆ.

ಎರಡು ಸೀಟುಗಳ ಈ ಸ್ಪೋರ್ಟ್ಸ್ ಕಾರಿನ ಕುರಿತು ಪ್ರತಿಕ್ರಿಯಿಸಿರುವ ಮಾಜ್ದಾ ಅಧ್ಯಕ್ಷ ಹಾಗೂ ಸಿಇಒ ಮಸಮಿಚಿ ಕೊಗಾಯ್ "ಮುಂದೊಂದು ದಿನ ರೋಟರಿ ಎಂಜಿನ್ ಖಂಡಿತವಾಗಿಯೂ ಮರಳಲಿದೆ" ಎಂದು ಖಚಿತಪಡಿಸಿದೆ.

ರೋಟರಿ ಎಂಜಿನ್ ಸಾಂಪ್ರಾದಾಯಿಕ ಪಿಸ್ತಾನ್ ಗಳ ಬದಲು ಚಕ್ರೀಯವಾಗಿ ಸುತ್ತು ತಿರುಗುವ ಮೂಲಕ ಶಕ್ತಿಯನ್ನು ಉತ್ಪಾದಿಸುತ್ತದೆ.

ಲಂಡನ್ ರಸ್ತೆಯಲ್ಲಿ ಮೇಡ್ ಇನ್ ಇಂಡಿಯಾ ಕಾರಿನ ಕರಾಮತ್ತು