ಮರ್ಸಿಡಿಸ್ ಬೆಂಝ್ ನೂತನ ಶೋ ರೂಂ ಬೆಂಗಳೂರಿನಲ್ಲಿ ಆರಂಭ

4350 ಚದರ ಅಡಿ ವಿಸ್ತೀರ್ಣದಲ್ಲಿ ನಿರ್ಮಾಣವಾಗಿರುವ ನೂತನ ಸ್ಟೇಟ್ ಆಫ್ ಆರ್ಟ್ ಶೋ ರೂಂ ಬೆಂಗಳೂರಿನ ಕೋರಮಂಗಲದ ನಾಲ್ಕನೇ ಬ್ಲಾಕ್ ನಲ್ಲಿರುವ 80 ಅಡಿ ರಸ್ತೆಯ ನಂ.107/3 ವಿಳಾಸದಲ್ಲಿದೆ.

ಬೆಂಗಳೂರಿನ ಅಕ್ಷಯ ಮೋಟರ್ಸ್ ನಲ್ಲಿ ಗ್ರಾಹಕರು ಮರ್ಸಿಡಿಸ್-ಬೆಂಝ್‌ನ ಎಲ್ಲ ಮಾದರಿಯ ಕಾರುಗಳ ಶ್ರೇಣಿಗಳನ್ನು ಪಡೆಯಬಹುದಾಗಿದೆ. ಹಾಗೆಯೇ ಶೋ ರೂಂ ಆವರಣದಲ್ಲಿ ಎಕ್ಸಿಕ್ಲೂಸಿವ್ ಮರ್ಸಿಡಿಸ್ ಕೆಫೆ ಕೂಡಾ ಇರಲಿದ್ದು, ಗ್ರಾಹಕರಿಗೆ ಐಷಾರಾಮಿ ಅನುಭೂತಿ ಒದಗಿಸಲಿದೆ.

ಈ ಸಂದರ್ಭದಲ್ಲಿ ಮಾತನಾಡಿದ ಅಕ್ಷಯ ಮೋಟಾರ್ಸ್‌ನ ವ್ಯವಸ್ಥಾಪಕ ನಿರ್ದೇಶಕರಾದ ಎಂ.ಪಿ.ಶ್ಯಾಮ್, ಕೋರಮಂಗಲದ ಪ್ರತಿಷ್ಠಿತ ವಸತಿ ಪ್ರದೇಶದಲ್ಲಿ ನಮ್ಮ ಬೆಂಗಳೂರಿನ ಎರಡನೇ ಬೆಂಝ್ ಶೋರೂಂ ಆರಂಭಿಸುತ್ತಿರುವುದಕ್ಕೆ ಸಂತಸವಾಗಿದೆ ಎಂದಿದ್ದಾರೆ. ಅಲ್ಲದೆ ಹೆಚ್ಚುತ್ತಿರುವ ಬೆಂಝ್ ಗ್ರಾಹಕರ ಬೇಡಿಕೆಗಳನ್ನು ಈಡೇರಿಸುವಲ್ಲಿ ಬದ್ಧರಾಗಿರುವುದಾಗಿ ತಿಳಿಸಿದ್ದಾರೆ.

ಒಟ್ಟಿನಲ್ಲಿ ನಿರಂತರ ಅಂತರಾಳದಲ್ಲಿ ನೂತನ ಮಾದರಿಗಳನ್ನು ಪರಿಚಯಿಸಿರುವ ಮರ್ಸಿಡಿಸ್ ಬೆಂಝ್, ಮುಂಬರುವ ದಿನಗಳಲ್ಲಿ ಮತ್ತಷ್ಟು ಮಾರಾಟನವನ್ನು ಕುದುರಿಸಿಕೊಳ್ಳುವ ನಿರೀಕ್ಷೆಯಲ್ಲಿದೆ.