ನವ ವರ್ಷದಲ್ಲಿ ಬೀಸಲಿದೆ ಫೋರ್ಡ್ ಎಂಡೀವರ್ ಹವಾ

By Nagaraja

Published: Thursday, December 24, 2015, 10:06 [IST]

ಎಲ್ಲರೂ ಹೊಸ ವರ್ಷವನ್ನು ಬರ ಮಾಡಿಕೊಳ್ಳಲು ಸಜ್ಜಾಗುತ್ತಿದ್ದಾರೆ. ಈ ಸುಸಂದರ್ಭದಲ್ಲಿ ಅಮೆರಿಕದ ಪ್ರಖ್ಯಾತ ಕಾರು ಸಂಸ್ಥೆಯಾಗಿರುವ ಫೋರ್ಡ್ ಹೊಸ ಕೊಡುಗೆಯೊಂದನ್ನು ನೀಡಲು ಸಜ್ಜಾಗುತ್ತಿದೆ. ಅದುವೇ ಆಲ್ ನ್ಯೂ ಫೋರ್ಡ್ ಎಂಡೀವರ್.

ವಾಹನ ಪ್ರೇಮಿಗಳಿಗೆ ಅದ್ಭುತ ಚಾಲನಾ ಅನುಭವ ನೀಡುವ ಗುರಿ ಹೊಂದಿರುವ ಅತಿ ನೂತನ ಫೋರ್ಡ್ ಎಂಡೀವರ್ ಅತ್ಯಾಕರ್ಷಕ ಸೌಲಭ್ಯಗಳಿಂದ ಕೂಡಿರಲಿದೆ. ಇದು ಮುಂದಿನ ದಿನಗಳಲ್ಲಿ ಪ್ರೀಮಿಯಂ ಕ್ರೀಡಾ ಬಳಕೆಯ ವಾಹನಗಳ ವಿಭಾಗದಲ್ಲಿ ಹೊಸ ಹವಾ ಎಬ್ಬಿಸಲು ಸಾಧ್ಯವಾಗಲಿದೆ.

ಎಂಜಿನ್ ತಾಂತ್ರಿಕತೆ

2016 ಫೋರ್ಡ್ ಎಂಡೀವರ್ 2.2 ಲೀಟರ್ ಮತ್ತು 3.2 ಲೀಟರ್ ಟಿಡಿಸಿಐ ಟರ್ಬೊ ಡೀಸೆಲ್ ಎಂಜಿನ್ ಗಳಿಂದ ನಿಯಂತ್ರಿಸಲ್ಪಡಲಿದೆ. ಇದರ 2.2 ಲೀಟರ್ ಡೀಸೆಲ್ ಎಂಜಿನ್ 385 ಎನ್‌ಎಂ ತಿರುಗುಬಲದಲ್ಲಿ 158 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಅದೇ ರೀತಿ 3.2 ಲೀಟರ್ ಎಂಜಿನ್ 470 ಎನ್‌ಎಂ ತಿರುಗುಬಲದಲ್ಲಿ 197 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಏಳು ಸೀಟುಗಳ ಫೋರ್ಡ್ ಎಂಡೀವರ್ 225 ಎಂಎಂ ಗ್ರೌಂಡ್ ಕ್ಲಿಯರನ್ಸ್ ಹಾಗೂ 800 ಎಂಎಂ ನೀರಿನಲ್ಲಿ ಹಾದು ಹೋಗುವಷ್ಟು ಶಕ್ತಿಯನ್ನು ಪಡೆದುಕೊಂಡಿದೆ.

ಎಲೆಕ್ಟ್ರಿಕ್ ಲಾಕಿಂಗ್ ರಿಯರ್ ಡಿಫೆರನ್ಸಿಯಲ್, ಹಿಲ್ ಡಿಸೆಂಟ್ ಕಂಟ್ರೋಲ್ ಮತ್ತು ಲಾಂಚ್ ಅಸಿಸ್ಟ್ ಇತರ ಪ್ರಮುಖ ಯೋಗ್ಯತೆಗಳಾಗಿವೆ.

ಆರಾಮದಾಯಕ ಚಾಲನೆ, ಎಲ್ಇಡಿ ಲೈಟಿಂಗ್, ಪವರ್ ಫೋಲ್ಡ್ ಸೀಟು, ಪವರ್ ಟೈಲ್ ಗೇಟ್, ಏಳು ಏರ್ ಬ್ಯಾಗ್, ಆಕ್ಟಿವ್ ನಾಯ್ಸ್ ಕ್ಯಾನ್ಸಲೇಷನ್, ಸನ್ ರೂಫ್, ಮಲ್ಟಿ ಇಂಟೆಲಿಜೆಟ್ ಇನ್ಟ್ರುಮೆಂಟ್ ಕ್ಲಸ್ಟರ್ ನೂತನ ಫೋರ್ಡ್ ಕಾರಿ ಗುಣಮಟ್ಟತೆಗೆ ಸಾಕ್ಷಿಯಾಗಲಿದೆ.

ಇದರ ಮುಂದುವರಿದ INTUITIVE CONTROL ತಂತ್ರಜ್ಞಾನ, ಸೆಮಿ ಆಟೋ ಪ್ಯಾರಲಲ್ ಪಾರ್ಕ್ ಅಸಿಸ್ಟ್, ಫೋರ್ಡ್ ಜನಪ್ರಿಯ ಸಿಂಕ್ 2, ತಾಪಮಾನ ನಿಯಂತ್ರಣ, ರಿಯರ್ ವ್ಯೂ ಕ್ಯಾಮೆರಾ ಮುಂತಾದ ತಂತ್ರಗಾರಿಕೆಗಳನ್ನು ಪಡೆದುಕೊಂಡಿದೆ.