ಮುಂದಿನ ತಲೆಮಾರಿನ ಆಲ್ಟೊ 2017ರಲ್ಲಿ ಬಿಡುಗಡೆ

By Nagaraja

Published: Friday, August 28, 2015, 17:28 [IST]

ದೇಶದ ಸರ್ವಕಾಲಿಕ ಶ್ರೇಷ್ಠ ಹಾಗೂ ನಂ.1 ಕಾರಾಗಿರುವ ಆಲ್ಟೊದ ಮುಂದಿನ ತಲೆಮಾರಿನ ಆವೃತ್ತಿಯು 2017ರಲ್ಲಿ ಬಿಡುಗಡೆಯಾಗಲಿದೆ. ಈ ಬಗ್ಗೆ ಆಟೋ ವಲಯದಲ್ಲಿ ಗಂಭೀರ ಚರ್ಚೆಗಳು ಆರಂಭವಾಗಿದ್ದು, ಹೊಚ್ಚ ಹೊಸ ಆಲ್ಟೊ 2017 ಮಧ್ಯಂತರ ಅವಧಿಯಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ ಎಂಬುದು ತಿಳಿದು ಬಂದಿದೆ.

ನೂತನ ಕಾರು ಆಲ್ಟೊ ಕೀ (Alto Kei) ತಳಹದಿಯಲ್ಲಿ ರೂಪುಗೊಳ್ಳಲಿದ್ದು, ಭಾರತೀಯ ರಸ್ತೆ ಹಾಗೂ ಗ್ರಾಹಕರ ಬೇಡಿಕೆಗಳಿಗೆ ಅನುಗುಣವಾಗಿ ವಿನ್ಯಾಸವಾಗಲಿದೆ. ನಿಮ್ಮ ಮಾಹಿತಿಗಾಗಿ ಈ ಹಿಂದಿನ ಆಲ್ಟೊ 800 ಹಾಗೂ ಕೆ10 ಮಾದರಿಗಳನ್ನು ಭಾರತೀಯ ರಸ್ತೆ ಪರಿಸ್ಥಿತಿಗೆ ಅನುಗುಣವಾಗಿ ವಿನ್ಯಾಸಗೊಳಿಸಲಾಗಿತ್ತು. ಅಲ್ಲದೆ ತನ್ನ ಈ ಯೋಜನೆಯಲ್ಲಿ ಮಾರುತಿ ಯಶಸ್ಸನ್ನು ಸಾಧಿಸಿತ್ತು.

ಮುಂದಿನ ತಲೆಮಾರಿನ ಆಲ್ಟೊ 2017ರಲ್ಲಿ ಬಿಡುಗಡೆ

ನ್ಯೂ ಜನರೇಷನ್ ಆಲ್ಟೊ ಈಗಿರುವ ಮಾದರಿಗಿಂತಲೂ ಕಡಿಮೆ ಭಾರ, ಹೆಚ್ಚು ವೇಗ ಹಾಗೂ ಗರಿಷ್ಠ ನಿರ್ವಹಣೆಯನ್ನು ನೀಡಲಿದೆ.

ವಿ.ಸೂ: ಸಾಂದರ್ಭಿಕ ಚಿತ್ರ ಬಳಕೆ

ವರದಿಗಳ ಪ್ರಕಾರ ಹೊಸ ಆಲ್ಟೊದಲ್ಲಿ 658 ಸಿಸಿ ಎಂಜಿನ್ ಆಳವಡಿಕೆಯಾಗಲಿದ್ದು, 53 ಅಶ್ವಶಕ್ತಿ ಉತ್ಪಾದಿಸಲಿದೆ. ಇನ್ನು ಇದರ ಟರ್ಬೊ ಮಾದರಿಯು ಗರಿಷ್ಠ 62 ಅಶ್ವಶಕ್ತಿ ಉತ್ಪಾದಿಸಲಿದೆ.

ವಿ.ಸೂ: ಸಾಂದರ್ಭಿಕ ಚಿತ್ರ ಬಳಕೆ