1 ಕೋಟಿಯ ನಿಸ್ಸಾನ್ ಪೆಟ್ರೋಲ್ ಲಗ್ಷುರಿ ಎಸ್‌ಯುವಿ ಭಾರತಕ್ಕೆ

ಜಪಾನ್ ಮೂಲಕ ದೈತ್ಯ ವಾಹನ ತಯಾರಿಕ ಸಂಸ್ಥೆಯಾಗಿರುವ ನಿಸ್ಸಾನ್, ಸದ್ಯದಲ್ಲೇ ಐಷಾರಾಮಿ ಕ್ರೀಡಾ ಬಳಕೆಯ ವಾಹನವನ್ನು ಭಾರತದಲ್ಲಿ ಬಿಡುಗಡೆ ಮಾಡಲಿದೆ. ಈ ಬಗ್ಗೆ ನಮಗೆ ಬಂದಿರುವ ಮಾಹಿತಿ ಪ್ರಕಾರ ನಿಸ್ಸಾನ್ ಸಂಸ್ಥೆಯು ಭಾರತದಲ್ಲಿ ಲಗ್ಷುರಿ ಎಸ್ ಯುವಿ ಪೆಟ್ರೋಲ್ ಮಾದರಿಯನ್ನು ಬಿಡುಗಡೆ ಮಾಡಲಿದೆ.

ಕಂಪ್ಲೀಟ್ ಬಿಲ್ಟ್ ಯುನಿಟ್ (ಸಿಬಿಯು) ಮುಖಾಂತರ ನಿಸ್ಸಾನ್ ಪೆಟ್ರೋಲ್ ಭಾರತ ಪ್ರವೇಶ ಪಡೆಯಲಿದೆ. ಅಂದರೆ ಈ ಏಳು ಸೀಟುಗಳ ಎಸ್‌ಯುವಿ ಒಂದು ಕೋಟಿ ರು.ಗಳಷ್ಟು ದುಬಾರಿಯೆನಿಸಲಿದೆ.

ಎಂಜಿನ್ ತಾಂತ್ರಿಕತೆ

• ಎಂಜಿನ್: ವಿ8, 5.6 ಲೀಟರ್
• ಅಶ್ವಶಕ್ತಿ: 400
• ತಿರುಗುಬಲ: 559
• ಗೇರ್ ಬಾಕ್ಸ್: 6 ಸ್ಪೀಡ್ ಮ್ಯಾನುವಲ್, 7 ಸ್ಪೀಡ್ ಹಾಗೂ 5 ಸ್ಪೀಡ್ ಮ್ಯಾನುವಲ್ ಜೊತೆ ಆಟೋಮ್ಯಾಟಿಕ್ ಗೇರ್ ಬಾಕ್ಸ್.

• ಹಿಲ್ ಸ್ಟ್ಯಾಟ್ ಅಸಿಸ್ಟ್,
• ಬೆಟ್ಟ ಇಳಿಜಾರು ನಿಯಂತ್ರಣ,
• ಆ್ಯಂಟಿ ಲಾಕ್ ಬ್ರೇಕ್ ಫೋರ್ಸ್ ಡಿಸ್ಟ್ರಿಬ್ಯೂಷನ್,
• ಬ್ರೇಕ್ ಅಸಿಸ್ಟ್,
• ಢಿಕ್ಕಿ ಶ್ರೀಘ್ರಗ್ರಾಹಿ ಆಟೋಮ್ಯಾಟಿಕ್ ಅನ್ ಲಾಕ್ ಸಿಸ್ಟಂ,
• ಆಟೋ ಹಜಾರ್ಡ್ ಲೈಟಿಂಗ್ ಸಿಸ್ಟಂ

ಅಂದ ಹಾಗೆ ನಿಸ್ಸಾನ್ ನೂತನ ಮಾದರಿಯು ಟೊಯೊಟಾ ಲ್ಯಾಂಡ್ ಕ್ರೂಸರ್ ಮಾದರಿಗೆ ಕಠಿಣ ಸ್ಪರ್ಧೆಯೊಡ್ಡಲಿದೆ.