ಪೆಟ್ರೋಲ್, ಡೀಸೆಲ್ ಅಬಕಾರಿ ಸುಂಕ ಹೆಚ್ಚಳ

ಬಜೆಟ್‌ನಲ್ಲಿ ನೀಡಿರುವ ಗುರಿಯನ್ನು ಈಡೇರಿಸುವ ನಿಟ್ಟಿನಲ್ಲಿ ಹೆಚ್ಚುವರಿ ಆದಾಯ ಸಂಗ್ರಹಕ್ಕಾಗಿ ಕೇಂದ್ರ ಸರಕಾರವು ಪೆಟ್ರೋಲ್ ಹಾಗೂ ಡೀಸೆಲ್ ಮೇಲಿನ ಅಬಕಾರಿ ಸುಂಕವನ್ನು ಹೆಚ್ಚಿಸಿದೆ. ಹೊಸ ನೀತಿಯಂತೆ ಪೆಟ್ರೋಲ್ ಹಾಗೂ ಡೀಸೆಲ್ ಬೆಲೆಗಳು ಅನುಕ್ರಮವಾಗಿ 1.60 ರು. ಹಾಗೂ 40 ಪೈಸೆಗಳಷ್ಟು ಹೆಚ್ಚಾಗಲಿದೆ.

ಪೆಟ್ರೋಲ್‌ಗೀಗ ಪ್ರತಿ ಲೀಟರ್ ಗೆ 5.46 ರು.ಗಳ ಅಬಕಾರಿ ಸುಂಕವಿದ್ದು, ಕಳೆದ ಮಧ್ಯರಾತ್ರಿಯಿಂದ 7.06 ರು.ಗಳಿಗೆ ಏರಿಕೆಯಾಗಿದೆ. ಕೇಂದ್ರ ಸರಕಾರವೀಗ 17.46 ರು.ಗಳಷ್ಟಿದ್ದ ಹೆಚ್ಚುವರಿ ಹಾಗೂ ವಿಶೇಷ ಅಬಕಾರಿ ಸುಂಕ ಸೇರಿ 19.06 ರು. ಸುಂಕ ವಸೂಲಿ ಮಾಡಲಿದೆ.

ನರೇಂದ್ರ ಮೋದಿ ಅಧಿಕಾರಕ್ಕೆ ಬಂದ ಬಳಿಕ ಇದೀಗ ಐದನೇ ಅಬಕಾರಿ ಸುಂಕದಲ್ಲಿ ಹೆಚ್ಚಳವುಂಟಾಗುತ್ತಿದೆ. ಈ ಎಲ್ಲದರ ಮೂಲಕ ಭಾರಿ ಆದಾಯವನ್ನು ನಿರೀಕ್ಷೆ ಮಾಡುತ್ತಿದೆ.