Just In
- 4 hrs ago ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- 5 hrs ago KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- 6 hrs ago ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- 6 hrs ago Maruti Suzuki: 2024ರ ಮಾರುತಿ ಸ್ವಿಫ್ಟ್ ವಿಶೇಷತೆಗಳು: ಸನ್ರೂಫ್, 35 ಕಿ.ಮೀ ಮೈಲೇಜ್!
Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Movies "ನಾವು ದಕ್ಷಿಣ ಭಾರತದವರಾಗಿದ್ರೂ ಭಾಷೆ ಬರುತ್ತೆ, ಸುಂದರವಾಗಿಯೂ ಇದ್ದೇವೆ"; ನಟಿ ಪ್ರಿಯಾಮಣಿ
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಇನ್ನೈದು ವರ್ಷಗಳಲ್ಲಿ ಭಾರತದಲ್ಲಿ ಪೆಟ್ರೊಲ್ ಇಲ್ಲ, ಬರೀ ಎಥೆನಾಲ್ - ನಿತಿನ್ ಗಡ್ಕರಿ
ಇನ್ನು ಮುಂದಿನ 5 ವರ್ಷಗಳಲ್ಲಿ ಭಾರತದಲ್ಲಿ ಪೆಟ್ರೋಲ್ ಸಂಪೂರ್ಣವಾಗಿ ಕಣ್ಮರೆಯಾಗಲಿದ್ದು, ಅದಕ್ಕೆ ಬದಲಾಗಿ ಎಥೆನಾಲ್ ಇಂಧನವನ್ನು ಬಳಸಬೇಕಾಗುತ್ತದೆ ಎಂದು ಕೇಂದ್ರ ರಸ್ತೆ ಮತ್ತು ಸಾರಿಗೆ ಸಚಿವ ನಿತಿನ್ ಗಡ್ಕರಿಯವರು ಸಮಾರಂಭವೊಂದರಲ್ಲಿ ಭವಿಷ್ಯದ ಇಂಧನ ಲಭ್ಯತೆ ಕುರಿತು ಮಾತನಾಡಿದ್ದಾರೆ.
ಈಗಾಗಲೇ ಇಂಧನಗಳ ಬೆಲೆ ಗಗನಕ್ಕೇರಿದೆ. ಪೆಟ್ರೋಲ್ ಮತ್ತು ಡೀಸೆಲ್, ಇವೆರಡೂ ಸಹ ಹಲವಾರು ಬಾರಿ ನೂರರ ಗಡಿ ದಾಟಿದೆ. ಇದಕ್ಕೆ ಪರ್ಯಾಯವಾಗಿ ಎಲೆಕ್ಟ್ರಿಕ್ ವಾಹನಗಳು ಮಾರುಕಟ್ಟೆಗೆ ಬರುತ್ತಿವೆಯಾದರೂ ಯಾವುದು ಸಹ ಅಷ್ಟೊಂದು ದೊಡ್ಡ ಮಟ್ಟಿನ ಯಶಸ್ಸನ್ನು ಗಳಿಸುತ್ತಿಲ್ಲ. ಹೀಗಿರುವಾಗ ನಿತಿನ್ ಗಡ್ಕರಿಯವರು ಎಥೆನಾಲ್ ಇಂಧನದ ಕುರಿತಾಗಿ ಮಾತನಾಡಿರುವುದು ಎಲ್ಲರ ಕುತೂಹಲಕ್ಕೆ ಕಾರಣವಾಗಿದೆ.
ಇನ್ನು ಸಮಾರಂಭದಲ್ಲಿ ಮಾತನಾಡಿದ ಅವರು, ಬಯೋ ಎಥೆನಾಲನ್ನು ಮಹಾರಾಷ್ಟ್ರದ ವಿಧರ್ಭ ಜಿಲ್ಲೆಯಲ್ಲಿ ತಯಾರಿಸಲಾಗುತ್ತಿದೆ. ಮತ್ತು ವಾಹನಗಳಲ್ಲಿ ಹಸಿರು ಹೈಡ್ರೋಜನ್ಗಳನ್ನು ಸಹ ಬಳಸಲಾಗುತ್ತದೆ ಎಂದರು. ಇದೇನಾದರೂ ಸರಿಯಾದ ರೀತಿಯಲ್ಲಿ ಜಾರಿಗೆ ಬಂದರೆ ಎಲೆಕ್ಟ್ರಿಕ್ ವಾಹನಗಳ ಬಳಿಕ ಭಾರತದಲ್ಲಿ ಎಥೆನಾಲ್ ಇಂಧನವೇ ಟ್ರೆಂಡ್ ಆಗಲಿದೆ.
ಮುಂದಿನ ದಿನಗಳಲ್ಲಿ ಬಯೋ ಎಥೆನಾಲ್ ಇಂಧನಗಳೇ ಭಾರತದಲ್ಲಿ ಪೆಟ್ರೋಲ್ ಉತ್ಪನ್ನಗಳಿಗೆ ಬದಲಿಯಾಗಲಿದೆ. ಹಾಗೂ ಇದನ್ನೇ ಮುಂದಿನ ದಿನಗಳಲ್ಲಿ ಎಲ್ಲಾ ವಾಹನಗಳಲ್ಲೂ ಬಳಸಲಾಗುತ್ತದೆ. ಈಗಾಗಲೇ ಕೇಂದ್ರ ರಸ್ತೆ ಮತ್ತು ಸಾರಿಗೆ ಸಚಿವ ನಿತಿನ್ ಗಡ್ಕರಿಯವರು ಇಂಧನ ತಯಾರಕಾ ಕಂಪನಿಗಳಿಗೆ ಪ್ಲೆಕ್ಸಿಬಲ್ ಇಂಧನ ತಯಾರಿಸಲು ಸಲಹೆ ನೀಡಿದ್ದಾರೆ.
ಈ ಪ್ಲೆಕ್ಸಿ ಇಂಧನಗಳನ್ನೇ ಬಳಕೆ ಮಾಡುವಂತಹ ಐಸಿ ಎಂಜಿನ್ಗಳನ್ನು ಮುಂಬರುವ ವಾಹನಗಳಲ್ಲಿ ತಯಾರಿಸುವಂತೆ ಸೂಚನೆ ನೀಡಿದ್ದಾರೆ. ಈಗಾಗಲೇ ಕ್ಯಾಬಿನೆಟ್ ಮಿನಿಸ್ಟರ್ ಈ ಒಂದು ದೊಡ್ಡ ಹೇಳಿಕೆ ನೀಡಿರುವುದರಿಂದ ಈ ಎಥೆನಾಲ್ ಇಂಧನ ಅಂದರೆ ಏನು ಎಂದು ಬಹಳಷ್ಟು ಮಂದಿಗೆ ಗೊತ್ತಿರುವುದಿಲ್ಲ. ನಾವಿಂದು ಈ ಇಥೆನಾಲ್ ಇಂಧನ ಎಂದರೆ ಏನು ಎಂಬುದನ್ನು ನೋಡೋಣ.
ಎನಿದು ಎಥೆನಾಲ್?
ಎಥೆನಾಲ್ ಅಥವಾ ಈಥೈಲ್ ಆಲ್ಕೋಹಾಲ್ ನ್ನು ಆಲ್ಕೋಹಾಲಾಗಿ ಬಳಸಲಾಗುತ್ತಿದೆ. ಇದೊಂದು ಆರ್ಗಾನಿಕ್ ಕೆಮಿಕಲ್ ವಸ್ತು. ಇದರಲ್ಲಿ ಗ್ಯಾಸೋಲಿನ್ಗಿಂತಲೂ ಕಡಿಮೆ ಪ್ರಮಾಣದಲ್ಲಿ ಮಾಲಿನ್ಯವಿರುವುದೇ ಇದನ್ನು ಪಟ್ರೋಲ್ ಮತ್ತು ಡೀಸೆಲ್ಗಳಿಗಿಂತಲೂ ಉತ್ತಮ ಇಂಧನ ಎಂದು ಗುರುತಿಸುವುದಕ್ಕೆ ಪ್ರಮುಖ ಕಾರಣವಾಗಿದೆ.
ಎಥೆನಾಲನ್ನು ಹಲವಾರು ದೇಶಗಳಲ್ಲಿ ಈಗಾಗಲೇ ನಾನಾ ರೀತಿಯಲ್ಲಿ ಉಪಯೋಗಿಸಲಾಗುತ್ತಿದೆ. ಹಲವಾರು ದೇಶಗಳಲ್ಲಿ ಇದನ್ನು ಪೆಟ್ರೋಲ್ನ ಜೊತೆಗೆ ಬೆರೆಸಿ ಬಳಸಲಾಗುತ್ತಿದೆ. ಭಾರತದಲ್ಲೂ ಸಹ ಕೆಲವೆಡೆ ಎಥೆನಾಲ್ನೊಂದಿಗೆ ಪೆಟ್ರೋಲ್ ಬಳಸಲಾಗುತ್ತಿದ್ದು, ಕೆಲವೊಂದು ವಾಹನಗಳು ಈಗಾಗಲೇ ಎಥೆನಾಲ್ನೊಂದಿಗೆ ಸಂಚರಿಸಲು ಸಿದ್ದಗೊಂಡಿವೆ.
ಹಲವಾರು ರೀತಿಯಲ್ಲಿ ಎಥೆನಾಲನ್ನು ಪೆಟ್ರೋಲ್ನ ಜೊತೆಗೆ ಮಿಶ್ರಣ ಮಾಡಬಹುದಾಗಿದೆ. ಇದರಲ್ಲಿ ತುಂಬಾ ಪ್ರಸಿದ್ದಿಯಾಗಿರುವುದು ಯಾವುದೆಂದರೆ ಇ೯೦, ಅಥವಾ E85. ಅಂದರೆ ಇದರಲ್ಲಿ ಸುಮಾರು 10-15% ದಷ್ಟು ಎಥೆನಾಲನ್ನು ಪೆಟ್ರೋಲ್ನೊಂದಿಗೆ ಬೆರೆಸಲಾಗುತ್ತದೆ. ಇದನ್ನು ಬಹುತೇಕವಾಗಿ ಪೆಟ್ರೋಲ್ ಎಂದೇ ಕರೆಯಲಾಗುತ್ತದೆ.
ಯಾಕೆಂದರೆ ಕೇವಲ 10 ರಿಂದ 15% ಮಾತ್ರ ಎಥೆನಾಲ್ ಮಿಶ್ರವಾಗಿರುತ್ತದೆ. ಸದ್ಯಕ್ಕೆ ಭಾರತದಲ್ಲಿ ಪೆಟ್ರೋಲ್ ಬಂಕ್ಗಳು E90 ಮತ್ತು E95 ಪೆಟ್ರೋಲ್ಗಳನ್ನೇ ಮಾರಾಟ ಮಾಡುತ್ತಿದ್ದಾರೆ. ಈ ಎಥೆನಾಲ್ ಪೆಟ್ರೋಲ್ ವಿಶ್ವದ ಹಲವಾರು ಕಡೆಗಳಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಚಾಲ್ತಿಯಲ್ಲಿದೆ.
ಅಮೆರಿಕಾ ಮತ್ತು ಬ್ರೆಜಿಲ್ ನಂತಹ ರಾಷ್ಟ್ರಗಳಲ್ಲಿ ಶೇ ೩೦ ರಷ್ಟು ಪ್ರಮಾಣದಲ್ಲಿ ಎಥೆನಾಲನ್ನು ಪೆಟ್ರೋಲ್ನಲ್ಲಿ ಬಳಸಲಾಗುತ್ತದೆ. ಅಂದರೆ ಇ೭೦ ಮತ್ತು ಇ೭೫ ಪೆಟ್ರೋಲ್ಗಳನ್ನು ಮಾರಾಟ ಮಾಡಲಾಗುತ್ತದೆ ಈ ದೇಶಗಳಲ್ಲಿ ಪೆಟ್ರೋಲ್ ಜೊತೆ ಎಥೆನಾಲ್ ಅನ್ನು ಬಳಸುವುದು ಆರಂಭದಲ್ಲಿ ಕೇವಲ 2% ಇತ್ತು. ಆದರೆ ಈಗ ಅದು 10 % ದವರೆಗೂ ಕೊಂಡೊಯ್ಯಲಾಗುತ್ತಿದೆ.
ಎಥೆನಾಲ್ ಇಂಧನದ ಬಗ್ಗೆ ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಝೀರೋ ಎಮಿಷನ್ನ ವಾಹನಗಳಾದ ಎಲೆಕ್ಟ್ರಿಕ್ ಮತ್ತು ಹೈಡ್ರೋಜನ್ ಆಧಾರಿತ ವಾಹನಗಳಲ್ಲಿ ಬೇರೆಯದೇ ಯಂತ್ರ ವ್ಯವಸ್ಥೆ ಇರುತ್ತದೆ. ಆದರೆ ಐಸಿಇ ವಾಹನಗಳಿಗೆ ಹೋಲಿಸಿದರೆ ಈ ವಾಹನಗಳ ವೆಚ್ಚವೂ ಸಹ ಅಧಿಕವೇ. ಆದರೆ ಎಥೆನಾಲ್ ಮೂಲಕ ಚಲಿಸುವ ವಾಹನಗಳ ನಿರ್ಮಾಣ ವೆಚ್ಚವೂ ತೀರಾ ಕಡಿಮೆ ಇರುತ್ತದೆ. ಈಗಿರುವ ಪಟ್ರೋಲ್ ಎಂಜಿನ್ಗಳಿಗೆ ಸ್ವಲ್ಪ ಮಾರ್ಪಾಡು ಮಾಡಿದರೆ ಸಾಕು ಅದನ್ನು ಎಥೆನಾಲ್ ಮಿಶ್ರಿತ ಪೆಟ್ರೋಲ್ಗಳನ್ನು ಬಳಸಲು ಉಪಯೋಗಿಸಬಹುದಾಗಿದೆ. ಇನ್ನು ಪೆಟ್ರೋಲ್ಗೆ ಹೋಲಿಸಿದರೆ ಎಥೆನಾಲ್ ಕಡಿಮೆ ಬೆಲೆಯಲ್ಲಿ ಸಿಗುತ್ತದೆ ಮತ್ತು ಇದನ್ನು ಮತ್ತೆ ಮತ್ತೆ ತಯಾರಿಸಬಹುದಾದಂತಹ ಇಂಧನವಾಗಿದೆ.