ರೆನೊ ಸಣ್ಣ ಕಾರಿನ ಈ 10 ವಿಚಾರಗಳ ಬಗ್ಗೆ ಗಮನವಿರಲಿ

10. ಹೆಸರು ಏನು?

ಬಲ್ಲ ಮೂಲಗಳ ಪ್ರಕಾರ 'ಎಕ್ಸ್ ಬಿಎ' ಎಂಬ ಕೋಡ್ ಪಡೆದಿರುವ ರೆನೊ ಸಣ್ಣ ಕಾರು 'ಕಯೂ' (Kayou) ಎಂಬ ಹೆಸರಿನಿಂದ ಗುರುತಿಸ್ಪಡಲಿದೆ. ಆದರೆ ಇದರ ಉಚ್ಛಾರಣೆ ಕಷ್ಟವಾಗಿದ್ದರಿಂದ ಭಾರತದಲ್ಲಿ ಹೆಸರು ಬದಲಾವಣೆ ಮಾಡುವ ಸಾಧ್ಯತೆಯಿದೆ.

09. ಫ್ಲ್ಯಾಟ್ ಫಾರ್ಮ್

ಎಕ್ಸ್ ಬಿಎ ಎಂಬ ಕೋಡ್ ಪಡೆದಿರುವ ರೆನೊ ಸಣ್ಣ ಕಾರನ್ನು 'ಸಿಎಂಎಫ್-ಎ' (ಕಾಮನ್ ಮೊಡ್ಯುಲ್ ಫ್ಯಾಮಿಲಿ-ಆಫರ್ಡಬಲ್) ತಳಹದಿಯಲ್ಲಿ ವಿನ್ಯಾಸಗೊಳಿಸಲಾಗಿದೆ.

08. ಪ್ರತಿಸ್ಪರ್ಧಿಗಳು

ಇದರಂತೆ ದೇಶದ ಮುಂಚೂಣಿಯ ಸಂಸ್ಥೆಗಳ ಜನಪ್ರಿಯ ಮಾದರಿಗಳಾದ ಮಾರುತಿ ಸುಜುಕಿ ಆಲ್ಟೊ ಹಾಗೂ ಹ್ಯುಂಡೈ ಇಯಾನ್ ಮಾದರಿಗಳಿಗೆ ಪ್ರತಿಸ್ಪರ್ಧಿಯಾಗಲಿದೆ.

07. ಬೆಲೆ

ಮೂರು ಅಥವಾ ನಾಲ್ಕು ವೆರಿಯಂಟ್ ಗಳ ಆಯ್ಕೆಗಳಲ್ಲಿ ಲಭ್ಯವಿರಲಿರುವ ರೆನೊ ಸಣ್ಣ ಕಾರಿನ ಆರಂಭಿಕ ಬೆಲೆ 2.5 ಲಕ್ಷ ರು.ಗಳಾಗಿರಲಿದೆ.

06. ಕಯೂ ಎಂದರೇನು?

ಮಗದೊಂದು ಮೂಲದ ಪ್ರಕಾರ ರೆನೊ ಸಣ್ಣ ಕಾರಿನ ಹೆಸರು ಕಯೂ ಎಂದಾಗಿರಲಿದೆ. ಜಪಾನ್ ನಲ್ಲಿ ಇದರ ಅರ್ಥ ಪ್ರಯಾಣಿಸು ಎಂಬುದಾಗಿದೆ.

05. ಜಾಗತಿಕ ಎಂಟ್ರಿ

ಕೇವಲ ಭಾರತ ಮಾತ್ರವಲ್ಲದೆ ಏಕಕಾಲದಲ್ಲಿ ಜಾಗತಿಕ ಮಾರುಕಟ್ಟೆಯನ್ನು ಗುರಿ ಮಾಡುವ ಯೋಜನೆಯನ್ನು ಸಂಸ್ಥೆ ಹೊಂದಿದೆ. ಅಲ್ಲದೆ ಬ್ರೆಜಿಲ್ ಹಾಗೂ ದಕ್ಷಿಣ ಆಫ್ರಿಕಾ ಮಾರುಕಟ್ಟೆಯನ್ನು ತಲುಪಲಿದೆ.

04. ಎಂಜಿನ್

ಇನ್ನು ಕಾರಿನಡಿಯಲ್ಲಿ 800 ಸಿಸಿ ಎಂಜಿನ್ ಲಗತ್ತಿಸುವ ಸಾಧ್ಯತೆಯಿದೆ.

03. ಆಟೋಮ್ಯಾಟಿಕ್ ಕಾರು

ಈ ನಡುವೆ ಮ್ಯಾನುವಲ್ ಜೊತೆಗೆ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಪಡೆಯುವ ಸಾಧ್ಯತೆಯಿದೆ ಎಂಬುದು ಕುತೂಹಲದಾಯಕ ಸುದ್ದಿಯಾಗಿದೆ. ಅಲ್ಲದೆ ಆಟೋಮ್ಯಾಟಿಕ್ ಕಾರು ವರ್ಷಾಂತ್ಯದಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ.

02. ದಟ್ಸನ್ ಜೊತೆ ಹಂಚಿಕೆ

ದಟ್ಸನ್ ನ ಮುಂಬರುವ ಬಜೆಟ್ ಕಾರಿನೊಂದಿಗೂ ರೆನೊ ತನ್ನ ತಳಹದಿಯನ್ನು ಹಂಚಿಕೊಂಡಿದ್ದು, ಹಾಗಾಗಿ ಎರಡು ಕಾರುಗಳ ನಡುವೆ ಅನೇಕ ಸಾಮ್ಯತೆ ಕಂಡುಬರುವ ಸಾಧ್ಯತೆಯಿದೆ. ಇವೆರಡು ಕೆಲವೊಂದು ಬದಲಾವಣೆಗಳೊಂದಿಗೆ ತಮ್ಮದೇ ಆದ ಲಾಂಛನದೊಂದಿಗೆ ಮಾರುಕಟ್ಟೆಗೆ ಆಗಮಿಸಲಿದೆ.

01. ಯಶ ಕಂಡಿತೇ?

ಒಟ್ಟಿನಲ್ಲಿ ದಶಕಗಳಿಂದಲೂ ದೇಶದ ಮಾರುಕಟ್ಟೆಯಲ್ಲಿ ಸದ್ದು ಮಾಡುತ್ತಿರುವ ಮಾರುತಿ ಆಲ್ಟೊ ಸವಾಲನ್ನು ಮೆಟ್ಟಿ ನಿಲ್ಲಲು ರೆನೊ ಸಣ್ಣ ಕಾರು ಯಶ ಕಂಡಿತೇ ಎಂಬುದು ಪ್ರಶ್ನೆಯ ವಿಚಾರವಾಗಿದೆ. ಈ ಬಗ್ಗೆ ನಿಮ್ಮ ಅನಿಸಿಕೆಗಳನ್ನು ನಮ್ಮ ಜೊತೆ ಹಂಚಿಕೊಳ್ಳಿರಿ...