ನವ ವಧುವಿನಂತೆ ಸಿಂಗಾರಗೊಂಡ ನ್ಯಾನೋ ಜೆನ್ ಎಕ್ಸ್

ಇಲ್ಲಿದೆ ನೋಡಿ (ಚಿತ್ರದಲ್ಲಿ) ಸಂಪೂರ್ಣ ಆಕ್ಸೆಸರಿ ಭಾಗಗಳಿಂದ ಸಿಂಗಾರಗೊಂಡಿರುವ ನ್ಯಾನೋ ಜೆನ್ ಎಕ್ಸ್. ನಿಮಗೆಲ್ಲರಿಗೂ ತಿಳಿದಿರುವಂತೆಯೇ ಹೊಸ ಜೆನ್ ಎಕ್ಸ್ ಎಎಂಟಿ ಅಥವಾ ಈಸಿ ಶಿಫ್ಟ್ ಕಾರಿನ ಪ್ರಮುಖ ವೈಶಿಷ್ಟ್ಯವಾಗಿದೆ.

ಟಾಟಾ ನ್ಯಾನೋ ಜೆನ್ ಎಕ್ಸ್ ಮಾದರಿಯು ಹೊಸ ಸಾಂಗ್ರಿಯಾ ರೆಡ್ ಬಣ್ಣದ ಆಯ್ಕೆಯಲ್ಲಿ ಲಭ್ಯವಿರುತ್ತದೆ. ಅಂತೆಯೇ ಹೊಸ ನ್ಯಾನೋ ಸಂಪೂರ್ಣ ಬಾಡಿ ಕಿಟ್ ನೊಂದಿಗೆ ಲಭ್ಯವಿರುತ್ತದೆ.

ಇದಕ್ಕಾಗಿ ನೀವು ಹೆಚ್ಚುವರಿ 19,900 ರುಪಾಯಿಗಳನ್ನು ಖರ್ಚು ಮಾಡಬೇಕಾಗುತ್ತದೆ. ಇದು ಕಾರಿಗೆ ಹೆಚ್ಚಿನ ಕ್ರೀಡಾತ್ಮಕ ವಿನ್ಯಾಸ ನೀಡುತ್ತದೆ.

ಗ್ರಾಹಕರು ಬೇಕಿದ್ದರೆ ಹಿಂದುಗಡೆ ಸ್ಪಾಯ್ಲರ್ ಜೋಡಣೆ ಮಾಡಿಕೊಳ್ಳಬಹುದಾಗಿದೆ. ಇದು 5,695 ರು. ಗಳಷ್ಟು ದುಬಾರಿಯೆನಿಸಲಿದೆ. ಇನ್ನು ಇದೇ ಮೊದಲ ಬಾರಿಗೆ ಸನ್ ರೂಫ್ ಸೇವೆಯನ್ನು ನೀಡಲಾಗುತ್ತದೆ. ಇದಕ್ಕಾಗಿ 15,775 ರು.ಗಳಷ್ಟು ಖರ್ಚು ತಗುಲಲಿದೆ.

ಮಲ್ಟಿ ಸ್ಪೋಕ್ ಅಲಾಯ್ ವೀಲ್ ಮಗದೊಂದು ಆಕರ್ಷಣೆಯಾಗಿರಲಿದೆ. ಈ ನೂತನ ಆಯ್ಕೆಗಾಗಿ 12,000 ರು. ಖರ್ಚು ಮಾಡಬೇಕಾಗುತ್ತದೆ.

ಇನ್ನು ನ್ಯಾನೋ ಜೆನ್ ಎಕ್ಸ್ ದೇಹದಲ್ಲಿ ವಿಶೇಷ ಗ್ರಾಫಿಕ್ಸ್ ಅಥವಾ ಕ್ರೀಡಾತ್ಮಕ ರೇಖೆಗಳನ್ನು ಕಾಣಬಹುದಾಗಿದೆ. ಇದು 1850 ರು.ಗಳಷ್ಟು ದುಬಾರಿಯೆನಿಸಲಿದೆ.

ಅಂತೆಯೇ ನ್ಯಾನೋದಲ್ಲಿ ರಿಮೋಟ್ ನಿಯಂತ್ರಿತ ಬಾಗಿಲು ತೆರೆಯಲು ಅವಕಾಶ ಕೊಡಲಾಗಿದ್ದು, ಇದು 2,700 ರು.ಗಳಷ್ಟು ಬೆಲೆ ಬಾಳಲಿದೆ. ಇನ್ನು ಸೀಟು ಕವರ್, ಕುಷನ್, ಕಾರ್ಪೆಟ್ 5,400 ರು.ಗಳಷ್ಟು ದುಬಾರಿಯಾಗಲಿದೆ.

ಇವೆಲ್ಲದಕ್ಕಿಂತಲೂ ಮಿಗಿಲಾಗಿ ಗ್ರಾಹಕರು ಬೇಕಿದ್ದರೆ ಹೆಚ್ಚುವರಿ 9,500 ರು. ಖರ್ಚು ಮಾಡಿ ನೇವಿಗೇಷನ್ ಸಿಸ್ಟಂ ಖರೀದಿ ಮಾಡಬಹುದಾಗಿದೆ. ಇನ್ನು ವ್ಯಾಕ್ಯೂಂ ಕ್ಲೀನರ್ ಹಾಗೂ ಏರ್ ಫ್ರೆಶ್ನರ್ ಅನುಕ್ರಮವಾಗಿ 1,995 ಹಾಗೂ 90 ರು.ಗಳಷ್ಟು ದುಬಾರಿಯಾಗಲಿದೆ.