ಪ್ರಸಕ್ತ ಸಾಲಿನಲ್ಲೇ ಟಾಟಾ ಹೆಕ್ಸಾ ಬಿಡುಗಡೆ?

ಹೊರಿಝೋನೆಕ್ಸ್ಟ್ ಸಿದ್ಧಾಂತದಡಿಯಲ್ಲಿ ನೂತನ ಹೆಕ್ಸಾ ಮಾದರಿಯಲ್ಲಿ ಸಂಸ್ಥೆಯ ನೂತನ ಡಿಸೈನ್ ನೆಕ್ಸ್ಟ್, ಡ್ರೈವ್ ನೆಕ್ಸ್ಟ್ ಹಾಗೂ ಕನೆಕ್ಟ್ ನೆಕ್ಸ್ಟ್ ತಂತ್ರಗಾರಿಕೆಯನ್ನು ಪಾಲಿಸಲಿದೆ.

ಟಾಟಾ ಆರಿಯಾ ತಳಹದಿಯಲ್ಲಿ ನಿರ್ಮಾಣವಾಗಲಿರುವ ನೂತನ ಕಾರು ಅನಿಯಮಿತ ನಿರ್ವಹಣೆಯನ್ನು ಒದಗಿಸಲಿದೆ. ಇದರಲ್ಲಿ ಆಧುನಿಕ ಕಾರುಗಳ ಸಂಕೇತವಾಗಿ ಡೇ ಟೈಮ್ ರನ್ನಿಂಗ್ ಲ್ಯಾಂಪ್ಸ್ ಕೂಡಾ ಇರಲಿದೆ.

ಇನ್ನು ಆಕ್ರಮಣಕಾರಿ ವಿನ್ಯಾಸಕ್ಕೆ ಹೆಚ್ಚಿನ ಒತ್ತು ಕೊಡಲಾಗುವುದು. ಹೊಸ ಬಂಪರ್, ಹಿಂದುಗಡೆಯೂ ಎಲ್ ಇಡಿ ಲ್ಯಾಂಪ್ ಹಾಗೂ 19 ಇಂಚಿನ ಅಲಾಯ್ ವೀಲ್ ಗಳು ಕಂಡುಬರಲಿದೆ.

ಹೊಸ ಟಾಟಾ ಕಾರಿನಲ್ಲಿ ಆರಿಯಾಗೆ ಸಮಾನವಾದ 2.2 ಲೀಟರ್ ಫೋರ್ ಸಿಲಿಂಡರ್ ವ್ಯಾರಿಕೋರ್ ಡೀಸೆಲ್ ಎಂಜಿನ್ ಪಡೆಯುವ ಸಾಧ್ಯತೆಯಿದೆ. ಇದು 154 ಅಶ್ವಶಕ್ತಿ (400 ತಿರುಗುಬಲ) ಉತ್ಪಾದಿಸುವ ಸಾಮರ್ಥ್ಯ ಹೊಂದಿರಲಿದೆ.

ಆಯಾಮ

4764 ಎಂಎಂ ಉದ್ದ,

1895 ಎಂಎಂ ಅಗಲ,

2850 ಎಂಎಂ ಚಕ್ರಾಂತರ

ಇವೆಲ್ಲದಕ್ಕಿಂತಲೂ ಮಿಗಿಲಾಗಿ ಹೊಸ ಟಾಟಾ ಹೆಕ್ಸಾ ಕಾರು 6 ಸ್ಪೀಡ್ ಮ್ಯಾನುವಲ್ ಜೊತೆಗೆ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಪಡೆಯುವ ಸಾಧ್ಯತೆಯಿದೆ. ಇದನ್ನು ಜನರಲ್ ಮೋಟಾರ್ಸ್ ಮಾಲಿಕತ್ವದ ಜನರಲ್ ಮೋಟಾರ್ಸ್ ಪವರ್ ಟ್ರೈನ್ (ಜಿಎಂಪಿಟಿ) ನಿಂದ ಆಮದು ಮಾಡಿಕೊಳ್ಳುವ ಸಾಧ್ಯತೆಯಿದೆ.