ಟಾಟಾ ಜೆಸ್ಟ್, ಬೋಲ್ಟ್ ಮಾರಾಟ ಇಳಿಕೆ

ಸಂಸ್ಥೆಯ ಎಲ್ಲ ಹೊಸತನದ ಹೊರಿಝೋನೆಕ್ಸ್ಟ್ ಸಿದ್ಧಾಂತದ ಅಡಿಯಲ್ಲಿ ನೂತನ ಜೆಸ್ಟ್ ಹಾಗೂ ಬೋಲ್ಟ್ ಮಾದರಿಗಳನ್ನು ದೇಶದ ಅತಿ ದೊಡ್ಡ ಟಾಟಾ ಮೋಟಾರ್ಸ್ ಸಂಸ್ಥೆಯು ಪರಿಚಯಿಸಿತ್ತು. ಆದರೆ ಅದ್ಯಾಕೋ ಸಮಯ ಸರಿಯಿಲ್ಲ ಅನ್ನಿಸುತ್ತಿದೆ. ಟಾಟಾ ಸಂಸ್ಥೆಯ ಈ ಜನಪ್ರಿಯ ಮಾದರಿಗಳ ಮಾರಾಟದಲ್ಲಿ ಇಳಿಕೆ ಕಂಡುಬಂದಿದೆ.

ಬೋಲ್ಟ್ ಹ್ಯಾಚ್ ಬ್ಯಾಕ್ ವಿಭಾಗದಲ್ಲಿ ಟಾಟಾಗೆ ಉತ್ತಮ ಹೆಸರು ಮಾಡಿದ್ದರೆ ಜೆಸ್ಟ್ ಒಂದು ಕಾಂಪಾಕ್ಟ್ ಸೆಡಾನ್ ಕಾರಾಗಿದೆ. ಇದು ನೇರವಾಗಿ ಮಾರುತಿ ಸುಜುಕಿ ಸ್ವಿಫ್ಟ್ ಡಿಜೈರ್ ಮಾದರಿಗೆ ಪ್ರತಿಸ್ಪರ್ದಿಯಾಗಿದೆ.

ಮುಂಬರುವ ಫೋರ್ಡ್ ಆಸ್ಪೈರ್ ಪ್ರಚಾರವು ಟಾಟಾ ಜನಪ್ರಿಯ ಮಾದರಿಗಳ ಮಾರಾಟಕ್ಕೆ ಧಕ್ಕೆಯನ್ನುಂಟು ಮಾಡುತ್ತಿದೆ ಎಂಬುದು ಆತಂಕಕ್ಕೆ ಎಡೆ ಮಾಡಿಕೊಟ್ಟಿದೆ. ಈ ನಡುವೆ ಇನ್ನಷ್ಟು ವಿನೂತನ ನೀತಿಗಳೊಂದಿಗೆ ಮುಂದೆ ಬರುವ ಯೋಜನೆ ಹೊಂದಿರುವ ಟಾಟಾ ಸಂಸ್ಥೆಯು ಮಾರಾಟಕ್ಕೆ ಉತ್ತೇಜನ ನೀಡುವ ಪ್ರಯತ್ನದಲ್ಲಿದೆ.