ಬೋಲ್ಟ್ ಕಾರಿಗೆ ಅಪ್ ಗ್ರೇಡ್ ಆಗಲು ಸುವರ್ಣಾವಕಾಶ

By Nagaraja

Published: Friday, March 27, 2015, 11:54 [IST]

ದೇಶದ ಅತಿ ದೊಡ್ಡ ವಾಹನ ತಯಾರಿಕ ಸಂಸ್ಥೆಯಾಗಿರುವ ಟಾಟಾ ಮೋಟಾರ್ಸ್, ಇತ್ತೀಚೆಗಷ್ಟೇ ಬೋಲ್ಟ್ ಹ್ಯಾಚ್ ಬ್ಯಾಕ್ ಕಾರನ್ನು ಬಿಡುಗಡೆಗೊಳಿಸಿತ್ತಲ್ಲದೆ ವಾಹನ ಪ್ರೇಮಿಗಳಿಂದ ಅತ್ಯುತ್ತಮ ಪ್ರತಿಕ್ರಿಯೆಯನ್ನು ಗಿಟ್ಟಿಸಿಕೊಳ್ಳಲು ಯಶಸ್ವಿಯಾಗಿತ್ತು.

ಪ್ರಸ್ತುತ ಭಾರತ ಮೂಲದ ಸಂಸ್ಥೆಯು ತನ್ನ ಗ್ರಾಹಕರಿಗೆ ನೂತನ ಬೋಲ್ಟ್ ಕಾರಿಗೆ ಅಪ್ ಗ್ರೇಡ್ ಆಗಲು ಸುವರ್ಣಾವಕಾಶವನ್ನು ಒದಗಿಸುತ್ತಿದೆ. ಸಂಸ್ಥೆಯು ತಿಳಿಸುವ ಪ್ರಕಾರ ಬೋಲ್ಟ್ ಕಾರಿಗೆ ಅಪ್ ಗ್ರೇಡ್ ಆಗುವ ವೇಳೆ ನಿಮ್ಮ ಹಳೆಯ ಟಾಟಾ ಕಾರಿಗೆ ಗರಿಷ್ಠ 65,000 ರು.ಗಳ ವರೆಗೆ ಎಕ್ಸ್ ಚೇಂಜ್ ಆಫರ್ ದೊರಕಲಿದೆ. ಆಫರ್ ಗಳು ಡೀಲರ್ ಗಳಿಂದ ಲಭಿಸಲಿದ್ದು, 2015 ಮಾರ್ಚ್ 31ರೊಳಗೆ ಬೋಲ್ಟ್ ಕಾರನ್ನು ಖರೀದಿಸಬೇಕಾಗುತ್ತದೆ.

ನಿಮಗೆಲ್ಲರಿಗೂ ತಿಳಿದಿರುವಂತೆಯೇ ಹೊರಿಝೋನೆಕ್ಸ್ಟ್ ಸಿದ್ಧಾಂತದಲ್ಲಿ ನಿರ್ಮಾಣವಾಗಿರುವ ಹೊಸ ಬೋಲ್ಟ್ ಕಾರಿಗೆ ಎಲ್ಲೆಡೆಗಳಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಇದರ ದೆಹಲಿ ಎಕ್ಸ್ ಶೋ ರೂಂ ಪ್ರಾರಂಭಿಕ ಬೆಲೆ 4.44 ಲಕ್ಷ ರು.ಗಳಾಗಿದೆ.