ಸುರಕ್ಷಾ ನಿಮಯ ಉಲ್ಲಂಘಿಸಿದ್ದಲ್ಲಿ ವಾಹನ ಸಂಸ್ಥೆಗಳಿಗೆ 100 ಕೋಟಿ ದಂಡ

ಅದೇ ಹೊತ್ತಿಗೆ ವಾಹನಗಳಲ್ಲಿ ಅನಧಿಕೃತ ಘಟಕಗಳನ್ನು ಅಥವಾ ಫಾಗ್ ಲೈಟ್, ಪ್ರೆಶರ್ ಹಾರ್ನ್, ಹೆಚ್ಚುವರಿ ಲೈಟ್, ರೂಫ್ ಟಾಪ್, ಮೆಟ್ಯಾಲಿಕ್ ಸುರಕ್ಷಗಳಂತಹದ ನಿರ್ವಹಣೆ ಸಂಬಂಧಿಸಿದ ನಿಯಮಗಳನ್ನು ಉಲ್ಲಂಘನೆ ಮಾಡುವ ಬಳಕೆ ಮಾಡುವ ವ್ಯಕ್ತಿಗಳ ಮೇಲೆ 5000 ರು.ಗಳ ದಂಡವನ್ನು ಹೇರಲಾಗುವುದು.

ಇಂತಹ ಪ್ರಕರಣಗಳಲ್ಲಿ ಡೀಲರ್ ಅಥವಾ ಇತರೆ ವಾಹನ ನಿರ್ಮಾಣ ಸಂಸ್ಥೆಗಳ ಮೇಲೂ ಒಂದು ಲಕ್ಷದ ವರೆಗೆ ದಂಡ ವಿಧಿಸಲಾಗುವುದು. ಇದಲ್ಲದೆ ಅನಧಿಕೃತ ಘಟಕಗಳನ್ನು ಮಾರಾಟ ಮಾಡುವ ಡೀಲರ್ ಗಳ ಮೇಲೂ ಒಂದು ಲಕ್ಷದ ದಂಡ ಹೇರಲಾಗುವುದು.

ವಾಹನಗಳಲ್ಲಿ ಯಾವುದೇ ದೋಷ ಕಂಡುಬಂದ್ದಲ್ಲಿ ಕಡ್ಡಾಯವಾಗಿ ಕಾರನ್ನು ವಾಪಾಸ್ ಪಡೆಯಬೇಕಾಗುತ್ತದೆ. ಇವೆಲ್ಲವೂ ರಸ್ತೆ ಸುರಕ್ಷತಾ ಮಸೂದೆಯ ಭಾಗವಾಗಿದ್ದು, ಪ್ರಸಕ್ತ ತಿಂಗಳಾಂತ್ಯದಲ್ಲೇ ಅನುಮೋದನೆ ದೊರಕುವ ಸಾಧ್ಯತೆಯಿದೆ.

ವರ್ಷಂಪ್ರತಿ 1.5 ಲಕ್ಷಕ್ಕೂ ಹೆಚ್ಚು ಮಂದಿ ರಸ್ತೆ ಅಪಘಾತದಿಂದ ಸಾವನ್ನಪ್ಪುತ್ತಿರುವ ಹಿನ್ನಲೆಯಲ್ಲಿ ನೂತನ ರಸ್ತೆ ಸುರಕ್ಷತಾ ಮಸೂದೆ ಮುಖಾಂತರ ನಿಯಮಗಳನ್ನು ಮತ್ತಷ್ಟು ಕಟ್ಟುನಿಟ್ಟಾಗಿ ಜಾರಿಗೊಳಿಸುವ ಇರಾದೆಯನ್ನು ಕೇಂದ್ರ ಸರಕಾರ ಹೊಂದಿದೆ. ಇವೆಲ್ಲವೂ ಅಪಘಾತ ಪ್ರಮಾಣವನ್ನು ಕಡಿಮೆ ಮಾಡಲು ಸಹಕಾರಿಯಾಗಲಿದೆ.

ಇನ್ನು ಅಮಿತ ವೇಗ, ಪಾನಮತ್ತ ಚಾಲನೆ, ಚಾಲನೆ ವೇಳೆ ಮೊಬೈಲ್ ಫೋನ್ ಬಳಕೆ, ಸಿಗ್ನಲ್ ಜಂಪ್ ಇತ್ಯಾದಿ ರಸ್ತೆ ಸಂಚಾರ ನಿಯಮ ಉಲ್ಲಂಘನೆ ಮಾಡಿದ್ದರೂ ಕಠಿಣ ಕ್ರಮ ಜಾರಿಗೊಳಿಸುವಂತೆ ಶಿಫಾರಸು ಮಾಡಿದೆ.

ನಕಲಿ ಚಾಲನಾ ಪರವಾನಗಿ ಇಟ್ಟುಕೊಂಡು ಡ್ರೈವಿಂಗ್ ಮಾಡಿದ್ದಲ್ಲಿ ಒಂದು ವರ್ಷದ ವರೆಗೆ ಜೈಲು ಶಿಕ್ಷೆ ಮತ್ತು 10,000 ರು.ಗಳ ವರೆಗೆ ದಂಡ ವಿಧಿಸಲಾಗುವುದು. ಈಗ ಇರುವ ನಿಯಮದಂತೆ ಗರಿಷ್ಠ 500 ರು. ಮತ್ತು ಮೂರು ತಿಂಗಳುಗಳ ಜೈಲುವಾಸವಷ್ಟೇ ವಿಧಿಸಲಾಗುತ್ತದೆ.

ಅಪ್ರಾಪ್ತ ವಯಸ್ಕರು ಚಾಲನೆ ಮಾಡಿ ಎಡವಟ್ಟು ಸಂಭವಿಸಿದ್ದಲ್ಲಿ ತಪ್ಪಿತ್ತಸ್ಥ ಬಾಲಕನ ಹೆತ್ತವರ ಮೇಲೆ ಅಥವಾ ವಾಹನ ಮಾಲಿಕನ ಮೇಲೆ ಮೂರು ವರ್ಷಗಳ ಜೈಲುವಾಸ ಹಾಗೂ 20,000 ರು.ಗಳ ದಂಡ ವಿಧಿಸಲು ಶಿಫಾರಸು ಮಾಡಲಾಗಿದೆ.