ಬ್ರೆಜಿಲ್ ನತ್ತ ಗೇರ್ ಬದಲಾಯಿಸಿದ ಹೊಸ ಇಕೊಸ್ಪೋರ್ಟ್

2017 ಫೋರ್ಡ್ ಇಕೊಸ್ಪೋರ್ಟ್ ನವೆಂಬರ್ ತಿಂಗಳಲ್ಲಿ ಬ್ರೆಜಿಲ್ ನಲ್ಲಿ ನಡೆಯಲಿರುವ ಸಾವೊ ಪಾಲೊ ಆಟೋ ಶೋದಲ್ಲಿ ಪಾದಾರ್ಪಣೆಗೈಯಲಿದೆ.

ಪರಿಷ್ಕೃತ ಇಕೊಸ್ಪೋರ್ಟ್ ಆವೃತ್ತಿಯು ಭಾರತೀಯರ ಪಾಲಿಗೂ ಗಮನಾರ್ಹವೆನಿಸಿದ್ದು, ನಿಕಟ ಭವಿಷ್ಯದಲ್ಲೇ ಈ ಮನಮೋಹಕ ಎಸ್ ಯುವಿ ಕಾರನ್ನು ದೇಶದಲ್ಲೂ ಬಿಡುಗಡೆ ಮಾಡುವ ಸಾಧ್ಯತೆಯಿದೆ.

ಫೋರ್ಡ್ ಕುಗಾ ಮಾದರಿಯಿಂದ ಪ್ರೇರಣೆ ಪಡೆದುಕೊಂಡು ಹೊರಮೈ ವಿನ್ಯಾಸಗೊಳಿಸಲಾಗಿದೆ.

ಅದೇ ರೀತಿ ಕಾರಿನೊಳಗೆ ಹೊಸತಾದ ನೋಟ, ಸ್ಟೀರಿಂಗ್ ವೀಲ್, ಇನ್ಸ್ಟ್ರುಮೆಂಟ್ ಪ್ಯಾನೆಲ್, ಸೆಂಟರ್ ಕನ್ಸಾಲ್ ಮತ್ತು ಫೋರ್ಡ್ ನ ಸಿಂಕ್ 2 ಇನ್ಪೋಟೈನ್ಮೆಂಟ್ ಸಿಸ್ಟಂ ವ್ಯವಸ್ಥೆಗಳಿರಲಿದೆ.

ವಿನ್ಯಾಸ ಮಾತ್ರವಲ್ಲದೆ ಎಂಜಿನ್ ಆಯ್ಕೆಗಳಲ್ಲೂ ಬದಲಾವಣೆಯಾಗುವ ಸಾಧ್ಯತೆಯಿದೆ. ಅಮೆರಿಕ ಆವೃತ್ತಿಯು 1.5 ಲೀಟರ್ ಡ್ರಾಗನ್ ತ್ರಿ ಸಿಲಿಂಡರ್ ನೈಸರ್ಗಿಕವಾಗಿ ಚೋಷಿತ ಎಂಜಿನ್ ಪಡೆಯಲಿದೆ.

ಹಾಗೊಂದು ವೇಳೆ ಭಾರತಕ್ಕೆ ಆಗಮಿಸಿದ್ದಲ್ಲಿ ಎಂಜಿನ್ ಆಯ್ಕೆಗಳಲ್ಲಿ ಬದಲಾವಣೆಯಾಗುವ ಸಾಧ್ಯತೆ ಕಡಿಮೆಯಾಗಿದೆ. ಇದು 125 ಅಶ್ವಶಕ್ತಿ ಉತ್ಪಾದಿಬಲ್ಲ 1.0 ಲೀಟರ್ ಇಕೊಬೂಸ್ಟ್ ಮತ್ತು 112 ಅಶ್ವಶಕ್ತಿ ಉತ್ಪಾದಿಸುವ 1.5 ಲೀಟರ್ ಸಿವಿಟಿ ಗೇರ್ ಬಾಕ್ಸ್ ಪಡೆಯಲಿದೆ.