ರೆನೊ ಸ್ಪೋರ್ಟ್ ಆರ್‌ಎಸ್ 01 ಕಾನ್ಸೆಪ್ಟ್ ಕಾರು ವರ್ಣಮಯ!

By Nagaraja

Published: Wednesday, February 17, 2016, 10:09 [IST]

ಭಾರತದ ಅತಿ ದೊಡ್ಡ ವಾಹನ ಪ್ರದರ್ಶನ ಮೇಳವಾದ 2016 ಆಟೋ ಎಕ್ಸ್ ಪೋವನ್ನು ಗಂಭೀರವಾಗಿ ಪರಿಗಣಿಸಿರುವ ಫ್ರಾನ್ಸ್ ಮೂಲದ ರೆನೊ ಸಂಸ್ಥೆಯು ಅತಿ ನೂತನ ಸ್ಪೋರ್ಟ್ ಆರ್ ಎಸ್ 01 ಕಾನ್ಸೆಪ್ಟ್ ಕಾರನ್ನು ಅನಾವರಣಗೊಳಿಸಿದೆ.

ರೆನೊ ಡಸ್ಟರ್, ಶಕ್ತಿಶಾಲಿ ಕ್ವಿಡ್ ಎಎಂಟಿ ಮುಂತಾದ ಮಾದರಿಗಳನ್ನು ಪ್ರದರ್ಶಿಸಿರುವ ರೆನೊ, ಕ್ರೀಡಾ ಕಾರನ್ನು ಅನಾವರಣಗಳೊಳಿಸುವ ಮೂಲಕ ಮುಂದಿನ ವರ್ಷಗಳಲ್ಲಿ ಐಷಾರಾಮಿ ಕಾರು ವಿಭಾಗಕ್ಕೂ ಕಾಲಿಡುವುದಾಗಿ ಸೂಚನೆ ನೀಡಿದೆ.

ರೆನೊ ಸ್ಪೋರ್ಟ್ ಆರ್‌ಎಸ್ 01 ಕಾನ್ಸೆಪ್ಟ್ ಕಾರು ವರ್ಣಮಯ!

ಕಾನ್ಸೆಪ್ಟ್ ಕಾರುಗಳಿಂದ ಸ್ಪೂರ್ತಿ ಪಡೆದಿರುವ ರೆನೊ ತಜ್ಞರ ನೆರವಿನಿಂದ ಸ್ಪೋರ್ಟ್ ಆರ್ ಎಸ್ 01 ನಿರ್ಮಿಸಿದೆ.

ಮೊನೊಕಾಕ್ ಸಂರಚನೆಯನ್ನು ಪಡೆದಿರುವ ರೆನೊ ಸ್ಪೋರ್ಟ್ ಆರ್ ಎಸ್ 01 ಕಾರು 1100 ಕೆ.ಜಿ ಗಿಂತಲೂ ಕಡಿಮೆ ಭಾರವನ್ನು ಹೊಂದಿದ್ದು, ಗರಿಷ್ಠ ನಿರ್ವಹಣೆ ನೀಡಲು ಸಹಕಾರಿಯಾಗಲಿದೆ.

500 ಅಶ್ವಶಕ್ತಿ ಉತ್ಪಾದಿಸುವಷ್ಟು ಶಕ್ತವಾಗಿರುವ ಇದರ ಎಂಜಿನ್ ಗಂಟೆಗೆ 300 ಕೀ.ಮೀ. ವೇಗತೆ ಕಾಪಾಡಿಕೊಳ್ಳಲಿದೆ.

ವಿಶಿಷ್ಟ ರೀತಿಯ ವಿನ್ಯಾಸ ಕಾಪಾಡಿಕೊಂಡಿರುವ ರೆನೊ ಸ್ಪೋರ್ಟ್ ಆರ್ ಎಸ್ 01 ಮುಂಭಾಗದಲ್ಲಿ ರೆನೊ ಲಾಂಛನ, ಸಿಗ್ನೇಚರ್ ಎಲ್ ಇಡಿ ಡೇಟೈಮ್ ರನ್ನಿಂಗ್ ಲೈಟ್ಸ್ ಮುಂತಾದ ವ್ಯವಸ್ಥೆಗಳಿರಲಿದೆ.

ಅಂತೆಯೇ 200 ಎಂಎಂ ಅಗಲ ಮತ್ತು 1116 ಎಂಎಂ ಎತ್ತರವನ್ನು ಪಡೆಯಲಿದೆ. ಇನ್ನುಳಿದಂತೆ ಹಿಂದುಗಡೆಯೂ ಎಲ್ ಇಡಿ ಟೈಲ್ ಲೈಟ್, ಟ್ವಿನ್ ಎಕ್ಸಾಸ್ಟ್, 380 ಎಂಎಂ ಕಾರ್ಬನ್ ಡಿಸ್ಕ್, ಪಿಎಫ್ ಸಿ ಬ್ರೇಕ್ ಕಂಡುಬರಲಿದೆ.

ಅಂದ ಹಾಗೆ ರೆನೊ ಸ್ಪೋರ್ಟ್ ಆರ್ ಎಸ್ 01, 3.8 ಲೀಟರ್ ವಿ6 ಟ್ವಿನ್ ಚರ್ಬೊ ಎಂಜಿನ್ ನಿಂದ ನಿಯಂತ್ರಿಸಲ್ಪಡಲಿದ್ದು, 600 ಎನ್ ಎಂ ತಿರುಗುಬಲದಲ್ಲಿ 500 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.