ಕ್ವಿಡ್ ಬೆನ್ನಲ್ಲೇ ದಟ್ಸನ್ ರೆಡಿ ಗೊ ಕಾರುಗಳಿಗೂ ಹಿಂದಕ್ಕೆ ಕರೆ

By Nagaraja

Published: Thursday, October 13, 2016, 14:52 [IST]

ಜಪಾನ್ ಮೂಲದ ದೈತ್ಯ ವಾಹನ ಸಂಸ್ಥೆ ನಿಸ್ಸಾನ್ ಬಜೆಟ್ ಕಾರು ಬ್ರಾಂಡ್ ಆಗಿರುವ ದಟ್ಸನ್, ತನ್ನ ಜನಪ್ರಿಯ ದಟ್ಸನ್ ರೆಡಿ ಕಾರುಗಳಿಗೆ ಹಿಂದಕ್ಕೆ ಕರೆ ನೀಡಿದೆ. ನಿಸ್ಸಾನ್ ಜೊತೆ ಜತೆಗಾರಿಕೆ ಹೊಂದಿರುವ ಫ್ರಾನ್ಸ್ ಮೂಲದ ರೆನೊ ಸಂಸ್ಥೆಯು ಕ್ವಿಡ್ ಕಾರನ್ನು ತಾತ್ಕಾಲಿಕವಾಗಿ ಹಿಂಪಡೆದ ಬೆನ್ನಲ್ಲೇ ಇಂತಹದೊಂದು ಬೆಳವಣಿಗೆ ಕಂಡುಬಂದಿದೆ.

ಕ್ವಿಡ್ ಬೆನ್ನಲ್ಲೇ ದಟ್ಸನ್ ರೆಡಿ ಗೊ ಕಾರುಗಳಿಗೂ ಹಿಂದಕ್ಕೆ ಕರೆ

ಭಾರತಕ್ಕೆ ಇತ್ತೀಚೆಗಷ್ಟೇ ಎಂಟ್ರಿ ಕೊಟ್ಟಿರುವ 932 ಗಳಷ್ಟು ರೆಡಿ ಗೊ ಕಾರುಗಳನ್ನು ವಾಪಾಸ್ ಕರೆಯಿಸಿಕೊಳ್ಳಲು ದಟ್ಸನ್ ನಿರ್ಧರಿಸಿದೆ.

ಇಲ್ಲೂ ರೆನೊ ಕ್ವಿಡ್ ಗೆ ಸಮಾನವಾದ ರೀತಿಯಲ್ಲಿ ದೋಷಯುಕ್ತ ಇಂಧನ ವ್ಯವಸ್ಥೆಯ ಹಿನ್ನಲೆಯಲ್ಲಿ ರಿಕಾಲ್ ನೀಡಲಾಗಿದೆ.

ನಿಮ್ಮ ಮಾಹಿತಿಗಾಗಿ, ರೆನೊ ಕ್ವಿಡ್ ಹಾಗೂ ದಟ್ಸನ್ ರೆಡಿ ಗೊ ಕಾರುಗಳು ರೆನೊ-ನಿಸ್ಸಾನ್ ಜಂಟಿ ಸಹಯೋಗದಲ್ಲಿ ಸಿಎಂಎಫ್ ತಳಹದಿಯಲ್ಲಿ ನಿರ್ಮಾಣಗೊಂಡಿದೆ.

2016 ಮೇ 18ರ ವರೆಗೆ ನಿರ್ಮಾಣವಾದ ದಟ್ಸನ್ ರೆಡಿ ಗೊ ಕಾರುಗಳಲ್ಲಿ ತೊಂದರೆ ಕಂಡುಬರುವ ಸಾಧ್ಯತೆಯಿದೆ. ಈ ನಿಟ್ಟಿನಲ್ಲಿ ಪರಿಶೀಲನೆ ನಡೆಸಿ ಸಮಸ್ಯೆ ಕಂಡುಬಂದ್ದಲ್ಲಿ ಬಗೆ ಹರಿಸಿ ಕೊಡಲಾಗುವುದು.