ಬರುತ್ತಿದೆ ದಟ್ಸನ್ ರೆಡಿ ಗೊ; ನೀವು ರೆಡಿ ನಾ?

By Nagaraja

Published: Saturday, April 2, 2016, 14:10 [IST]

ನಿಸ್ಸಾನ್ ಬಜೆಟ್ ಕಾರು ಬ್ರಾಂಡ್ ಆಗಿರುವ ದಟ್ಸನ್ ಬಹುನಿರೀಕ್ಷಿತ ರೆಡಿ ಗೊ ಕಾಂಪಾಕ್ಟ್ ಹ್ಯಾಚ್ ಬ್ಯಾಕ್ ಕಾರನ್ನು ಮುಂಬರುವ 2016 ಎಪ್ರಿಲ್ 14ರಂದು ಬಿಡುಗಡೆ ಮಾಡಲಿದೆ. ಇದರಂಗವಾಗಿ ಎಕ್ಸ್ ಕ್ಲೂಸಿವ್ ಟೀಸರ್ ಚಿತ್ರವನ್ನು ಬಿಡುಗಡೆಗೊಳಿಸಿದೆ.

ನಿಮಗೆಲ್ಲರಿಗೂ ತಿಳಿದಿರುವಂತೆಯೇ ರೆನೊ ಕ್ವಿಡ್ ನಿರ್ಮಾಣವಾಗಿರುವ ಅದೇ ತಳಹದಿಯಲ್ಲಿ ದಟ್ಸನ್ ರೆಡಿ ಗೊ ತಯಾರಾಗಲಿದೆ. ಅಲ್ಲದೆ ಕ್ವಿಡ್ ಮೋಡಿ ಮಾಡಿರುವಂತೆಯೇ ರೆಡಿ ಗೊ ಸಹ ಗರಿಷ್ಠ ಮಾರಾಟವನ್ನು ಗುರಿಯಾಗಿರಿಸಿಕೊಂಡಿದೆ.

ಬರುತ್ತಿದೆ ದಟ್ಸನ್ ರೆಡಿ ಗೊ; ನೀವು ರೆಡಿ ನಾ?

2014 ಆಟೋ ಎಕ್ಸ್ ಪೋದಲ್ಲಿ ಪ್ರದರ್ಶನ ಕಂಡಿರುವ ದಟ್ಸನ್ ರೆಡಿ ಗೊ ಭಾರತೀಯ ಸಣ್ಣ ಕಾರು ಮಾರುಕಟ್ಟೆಯಲ್ಲಿ ಹೊಸತನದ ಅನುಭವ ನೀಡಲಿದೆ. ಈ ಮೂಲಕ ದಟ್ಸನ್ ತನ್ನ ಶ್ರೇಣಿಯ ಕಾರುಗಳನ್ನು ಬಲಪಡಿಸಲಿದೆ.

ಈಗಾಗಲೇ ದಟ್ಸನ್ ಗೊ ಹ್ಯಾಚ್ ಬ್ಯಾಕ್ ಮತ್ತು ಗೊ ಪ್ಲಸ್ ಎಂಪಿವಿ ಕಾರುಗಳನ್ನು ಬಿಡುಗಡೆ ಮಾಡಿದೆ. ಇದೀಗ ಮಗದೊಂದು ಸಣ್ಣ ಕಾರಿನ ಬಿಡುಗಡೆ ಮಾಡುತ್ತಿದ್ದು, ಉತ್ತಮ ಪ್ರತಿಕ್ರಿಯೆ ಗಿಟ್ಟಿಸಿಕೊಳ್ಳುವ ನಿರೀಕ್ಷೆಯನ್ನಿಟ್ಟುಕೊಂಡಿದೆ.

ರೆನೊ-ನಿಸ್ಸಾನ್ ನ ಸಿಎಂಎಫ್-ಎ ತಳಹದಿಯಲ್ಲಿ ರೆಡಿ ಗೊ ನಿರ್ಮಾಣವಾಗುತ್ತಿದೆ. ಅಲ್ಲದೆ ಸ್ಪರ್ಧಾತ್ಮಕ ಬೆಲೆಯನ್ನು ಕಾಪಾಡಿಕೊಳ್ಳಲಿದೆ.

0.8 ಲೀಟರ್ ಪೆಟ್ರೋಲ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡಲಿರುವ ರೆಡಿ ಗೊ 72 ಎನ್ ಎಂ ತಿರುಗುಬಲದಲ್ಲಿ 53.26 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಅಲ್ಲದೆ ಫೈವ್ ಸ್ಪೀಡ್ ಗೇರ್ ಬಾಕ್ಸ್ ಇದರಲ್ಲಿರುತ್ತದೆ.