ಬಂದೇ ಬಿಡ್ತು ರೆನೊ ಡಸ್ಟರ್ ಎಎಂಟಿ; ಸಮಗ್ರ ವಿವರಗಳನ್ನು ಓದಿ

ರೆನೊ ಡಸ್ಟರ್ ಎಎಂಟಿ ದೆಹಲಿ ಎಕ್ಸ್ ಶೋ ರೂಂ ಬೆಲೆಯ ಪ್ರಕಾರ 8.46 ಲಕ್ಷ ರು.ಗಳಷ್ಟು ದುಬಾರಿಯೆನಿಸಲಿದೆ.

ನೂತನ ಡಸ್ಟರ್ ಕಾರಿನಲ್ಲಿ 6 ಸ್ಪೀಡ್ ಈಸಿ - ಆರ್ ಎಎಂಟಿ ಗೇರ್ ಬಾಕ್ಸ್ ಆಳವಡಿಸಲಾಗಿದೆ.

ಡಸ್ಟರ್ ಎಎಂಟಿ ಕೆ9ಕೆ 1.5 ಲೀಟರ್ ಡಿಸಿಐ ಎಂಜಿನ್ ನಿಂದ ನಿಯಂತ್ರಿಸಲ್ಪಡಲಿದ್ದು 245 ಎನ್ ಎಂ ತಿರುಗುಬಲದಲ್ಲಿ (1750 ಆರ್‌ಪಿಎಂ) 110 ಅಶ್ವಶಕ್ತಿಯನ್ನು (4000 ಆರ್‌ಪಿಎಂ) ಉತ್ಪಾದಿಸಲಿದೆ.

ಕಳೆದ ಫೆಬ್ರವರಿ ತಿಂಗಳಲ್ಲಿ ನಡೆದ 2016 ಆಟೋ ಎಕ್ಸ್ ಪೋದಲ್ಲೂ ಭರ್ಜರಿ ಪ್ರದರ್ಶನ ಕಂಡಿರುವ ನೂತನ ರೆನೊ ಡಸ್ಟರ್ ಕಾರಿನಲ್ಲಿ 32ಕ್ಕೂ ಹೆಚ್ಚು ಬದಲಾವಣೆಗಳನ್ನು ತರಲಾಗಿದೆ.

2016 ಮಾರ್ಚ್ 03ರಿಂದಲೇ (ಇಂದಿನಿಂದಲೇ) ರೆನೊ ಡಸ್ಟರ್ ಎಎಂಟಿ ಕಾರಿನ ಬುಕ್ಕಿಂಗ್ ಪ್ರಕ್ರಿಯೆ ಆರಂಭಗೊಂಡಿದೆ.

ದೆಹಲಿ ಎಕ್ಸ್ ಶೋ ರೂಂ ಬೆಲೆ

ಪರಿಷ್ಕೃತ ಡಸ್ಟರ್ ಪೆಟ್ರೋಲ್ ವೆರಿಯಂಟ್ ಗಳು 8.46 ಲಕ್ಷ ರು.ಗಳಿಂದ 9.26 ಲಕ್ಷ ರು.ಗಳಷ್ಟು ದುಬಾರಿಯೆನಿಸಲಿದೆ. ಅಂತೆಯೇ ಡೀಸೆಲ್ ಮಾದರಿಗಳು 9.26 ಲಕ್ಷ ರು.ಗಳಿಂದ ಟಾಪ್ ಎಂಡ್ 13.56 ಲಕ್ಷ ರು.ಗಳಷ್ಟು ಬಲೆ ಬಾಳುತ್ತದೆ.

ನೂತನ ಡಸ್ಟರ್ 6 ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್ ಮಿಷನ್ ಐದು ವೆರಿಯಂಟ್ ಗಳಲ್ಲಿ ಲಭ್ಯವಾಗಲಿದೆ. ಅವುಗಳೆಂದರೆ - ಸ್ಟ್ಯಾಂಡರ್ಡ್, ಆರ್ ಎಕ್ಸ್ ಇ, ಆರ್ ಎಕ್ಸ್ ಎಲ್, ಆರ್ ಎಕ್ಸ್ ಎಸ್ ಮತ್ತು ಆರ್ ಎಕ್ಸ್ ಝಡ್.

ರೆನೊ ಡಸ್ಟರ್ ಡೀಸೆಲ್ 6 ಸ್ಪೀಡ್ ಈಸಿ-ಆರ್ ಎಎಂಟಿ ಮಾದರಿಯು ದೆಹಲಿ ಎಕ್ಸ್ ಶೋ ರೂಂ ಬೆಲೆಯ ಪ್ರಕಾರ 11.66 ಲಕ್ಷ ರು.ಗಳಷ್ಟು ದುಬಾರಿಯೆನಿಸಲಿದೆ.

ನೂತನ ಡಸ್ಟರ್ ಮುಂಭಾಗದಲ್ಲಿ ಟ್ವಿನ್ ಸ್ಲೇಟ್ ಕ್ರೋಮ್ ಗ್ರಿಲ್, ಹಾಕ್ ಐ ಕ್ಲಸ್ಟರ್ ಹೆಡ್ ಲ್ಯಾಂಪ್, ಪರಿಷ್ಕೃತ ಫಾಗ್ ಲ್ಯಾಂಪ್, 16 ಇಂಚುಗಳ ಅಲಾಯ್ ವೀಲ್, ಎಲ್ ಇಡಿ ಟೈಲ್ ಲ್ಯಾಂಪ್, ವಿದ್ಯುನ್ಮಾನವಾಗಿ ಹೊಂದಾಣಿಸಬಹುದಾದ ರಿಯರ್ ವ್ಯೂ ಮಿರರ್ ಜೊತೆ ಟರ್ನ್ ಇಂಡಿಕೇಟರ್, ರೂಫ್ ರೈಲ್ ಮತ್ತು ಹೊಸತಾದ ಕೆಯಾನ್ ಆರಂಜ್ ಬಣ್ಣದ ಆಯ್ಕೆಯಲ್ಲೂ ಲಭ್ಯವಿರುತ್ತದೆ.

ಇನ್ನು ಕಾರಿನೊಳಗೆ ರಿಯರ್ ವ್ಯೂ ಕ್ಯಾಮೆರಾ, ಆಟೋಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್, ಆಟೋ ಅಪ್/ಡೌನ್ ಪವರ್ ವಿಂಡೋ, ಹೊಸತಾದ ಮಿಡಿಯಾ ನೇವಿಗೇಷನ್ ಮುಂತಾದ ವ್ಯವಸ್ಥೆಗಳಿರಲಿದೆ.

ಕಾರಿನ ಭದ್ರತೆಗೂ ಹೆಚ್ಚಿನ ಆದ್ಯತೆ ಕೊಡಲಾಗಿದ್ದು, ಎಬಿಎಸ್, ಇಬಿಡಿ ಜೊತೆ ಬ್ರೇಕ್ ಅಸಿಸ್ಟ್, ಡ್ಯುಯಲ್ ಫ್ರಂಟ್ ಏರ್ ಬ್ಯಾಗ್, ಇಎಸ್ ಪಿ ಮತ್ತು ಹಿಲ್ ಅಸಿಸ್ಟ್ ಮುಂತಾದ ವೈಶಿಷ್ಟ್ಯಗಳಿರಲಿದೆ.