ಹಬ್ಬದ ಸಂಭ್ರಮಕ್ಕೆ ಫೋರ್ಡ್ ಇಕೊಸ್ಪೋರ್ಟ್ ಬ್ಲ್ಯಾಕ್ ಸಿಗ್ನೇಚರ್ ಎಡಿಷನ್ ಬಿಡುಗಡೆ

ನೂತನ ಫೋರ್ಡ್ ಇಕೊಸ್ಪೋರ್ಟ್ ಬ್ಲ್ಯಾಕ್ ಸಿಗ್ನೇಚರ್ ಎಡಿಷನ್ ದೆಹಲಿ ಎಕ್ಸ್ ಶೋ ರೂಂ ಬೆಲೆಯ ಪ್ರಕಾರ 9.26 ಲಕ್ಷ ರು.ಗಳಷ್ಟು ದುಬಾರಿಯೆನಿಸಲಿದೆ.

ಹಬ್ಬದ ಸಂಭ್ರಮದ ಹಿನ್ನಲೆಯಲ್ಲಿ ಫೋರ್ಡ್ ಇಕೊಸ್ಪೋರ್ಟ್ ಸಿಗ್ನೇಚರ್ ಎಡಿಷನ್ ಬಿಡುಗಡೆ ಮಾಡಲಿದ್ದು, ಟ್ರೆಂಡಿ ಹಾಗೂ ಸ್ಪೋರ್ಟಿ ಆಕ್ಸೆಸರಿಗಳು 37,894 ರುಪಾಯಿಗಳಷ್ಟು ದುಬಾರಿಯೆನಿಸಲಿದೆ.

ಫೋರ್ಡ್ ಇಕೊಸ್ಪೋರ್ಟ್ ಸಿಗ್ನೇಚರ್ ಎಡಿಷನ್ ಹೊರಮೈಯಲ್ಲಿ ಹೆಚ್ಚಿನ ಬದಲಾವಣೆಗಳು ಕಂಡುಬಂದಿದೆ. ಇದು ಹೊಸತ ಎಲ್ ಇಡಿ ಡೈಟೈಮ್ ರನ್ನಿಂಗ್ ಲ್ಯಾಂಪ್ ಗಿಟ್ಟಿಸಿಕೊಂಡಿದೆ.

ಪ್ರಮುಖವಾಗಿಯೂ ಕಾರಿನ ಹೊರಮೈಯಲ್ಲಿ ಇಕೊಸ್ಪೋರ್ಟ್ ಲಾಂಛನ ಎದ್ದು ಕಾಣಿಸಲಿದೆ. ಇದು ಕ್ರೀಡಾತ್ಮಕ ಸಾನಿಧ್ಯವನ್ನು ನೀಡಲಿದೆ.

ಈಗ ಮಾರಾಟದಲ್ಲಿರುವ ಇಕೊಸ್ಪೋರ್ಟ್ ಬ್ಲ್ಯಾಕ್ ಟೈಟಾನಿಯಂ ವೆರಿಯಂಟ್ ಗಳಿಗೆ ಸಿಗ್ನೇಚರ್ ಎಡಿಷನ್ ಆಕ್ಸೆಸರಿ ಪ್ಯಾಕೇಜ್ ಗಳು ಲಭ್ಯವಾಗಲಿದೆ. ಇದು ಸಂಸ್ಥೆಯ ಡೀಲರ್ ಗಳಲ್ಲಿ ಲಭ್ಯವಾಗಲಿದೆ.

ಬ್ಲ್ಯಾಕ್ ಗ್ರಿಲ್, ಕಪ್ಪು ಸುತ್ತುವರಿದ ಹೆಡ್ ಲ್ಯಾಂಪ್, 16 ಇಂಚುಗಳ ಅಲಾಯ್ ವೀಲ್, ಕಪ್ಪು ಮಿರರ್ ಕವರ್, ಕಪ್ಪು ಫಾಗ್ ಲ್ಯಾಂಪ್, ಕಪ್ಪು ರೂಫ್ ರೈಲ್ ಇತ್ಯಾದಿ ಸೇವೆಗಳು ಕಂಡುಬರಲಿದೆ.

ಇಕೊಸ್ಪೋರ್ಟ್ ಸಿಗ್ನೇಚರ್ ಎಡಿಷನ್ ಕಾರಿನೊಳಗೆ ಶುಭ್ರವಾದ ಸ್ಕಫ್ ಪ್ಲೇಟ್, ಕಪ್ಪು ವಿನಿಯಲ್ ಸೀಟು ಕವರ್, ಸಿಂಗ್ ಜೊತೆ ಆಪ್ ಲಿಂಕ್, ಕೆನೆಕ್ಟಿವಿಟಿ ಸಿಸ್ಟಂ ಮುಂತಾದ ವ್ಯವಸ್ಥೆಯಿರಲಿದೆ.

ಇನ್ನುಳಿದಂತೆ ಆರು ಏರ್ ಬ್ಯಾಗ್ ಗಳು ಪ್ರಯಾಣಿಕರ ಸುರಕ್ಷತೆಯನ್ನು ಕಾಪಾಡಿಕೊಳ್ಳಲಿದೆ.

ಅಂದ ಹಾಗೆ ಫೋರ್ಡ್ ಇಕೊಸ್ಪೋರ್ಟ್ ನಲ್ಲಿರುವ 1.5 ಲೀಟರ್ ಪೆಟ್ರೋಲ್ (ಮ್ಯಾನುವಲ್ ಹಾಗೂ ಆಟೋಮ್ಯಾಟಿಕ್ ಗೇರ್ ಬಾಕ್ಸ್), 1.5 ಲೀಟರ್ ಟಿಡಿಸಿಐ ಡೀಸೆಲ್ ಮತ್ತು 1.0 ಲೀಟರ್ ಇಕೊಬೂಸ್ಟ್ ಎಂಜಿನ್ ಗಳಿಂದ ನಿಯಂತ್ರಿಸಲ್ಪಡಲಿದೆ.