ಈಗ ಫೋರ್ಡ್ ಫಿಗೊ, ಆಸ್ಪೈರ್ ಕಾರುಗಳು ಹೆಚ್ಚು ಸುರಕ್ಷಿತ!

ಎಂಟ್ರಿ ಲೆವೆಲ್ ಟ್ರೆಡ್ ಪ್ಲಸ್ ಮಾದರಿಗಳಲ್ಲಿ ಎಬಿಎಸ್ ವ್ಯವಸ್ಥೆಯು ದೊರಕಲಿದ್ದು, ಸ್ಟ್ಯಾಂಡರ್ಡ್ ಟ್ರೆಂಡ್ ಮಾದರಿಗಿಂತಲೂ 12,000 ರುಪಾಯಿಗಳಷ್ಟು ದುಬಾರಿಯೆನಿಸಲಿದೆ.

ಬಿ ಸೆಗ್ಮೆಂಟ್ ನಲ್ಲಿ ಮಾರುತಿ ಸ್ವಿಫ್ಟ್ ಮತ್ತು ಹ್ಯುಂಡೈ ಗ್ರಾಂಡ್ ಐ10 ಮಾದರಿಗಳಿಗೆ ಫೋರ್ಡ್ ಫಿಗೊ ಹ್ಯಾಚ್ ಬ್ಯಾಕ್ ಕಾರು ಪೈಪೋಟಿಯನ್ನು ಒಡ್ಡಲಿದೆ.

ಬಹುತೇಕ ಎಲ್ಲ ವಾಹನ ಸಂಸ್ಥೆಗಳು ಎಬಿಎಸ್ ವೈಶಿಷ್ಟ್ಯವನ್ನು ಸ್ಟ್ಯಾಂಡರ್ಡ್ ಆಗಿ ನೀಡುವುದರಿಂದ ಫೋರ್ಡ್ ಸಹ ತನ್ನೆಲ್ಲ ಶ್ರೇಣಿಯ ಕಾರುಗಳಿಗೂ ಗರಿಷ್ಠ ಸುರಕ್ಷತೆಯನ್ನು ಖಾತ್ರಿಪಡಿಸಲು ನಿರ್ಧರಿಸಿದೆ.

ಅತ್ತ ಕಾಂಪಾಕ್ಟ್ ಸೆಡಾನ್ ವಿಭಾಗದಲ್ಲಿ ಫೋಕ್ಸ್ ವ್ಯಾಗನ್ ಎಮಿಯೊ, ಹೋಂಡಾ ಅಮೇಜ್, ಮಾರುತಿ ಡಿಜೈರ್ ಮತ್ತು ಹ್ಯುಂಡೈ ಎಕ್ಸ್ ಸೆಂಟ್ ಮಾದರಿಗಳಿಗೆ ಫೋರ್ಡ್ ಫಿಗೊ ಆಸ್ಪೈರ್ ಕಾರು ಪ್ರತಿಸ್ಪರ್ಧಿಯಾಗಲಿದೆ.

ಫೋರ್ಡ್ ಫಿಗೊ ಹ್ಯಾಚ್ ಬ್ಯಾಕ್ ಕಾರು ಮೂರು ಎಂಜಿನ್ ಆಯ್ಕೆಗಳಲ್ಲಿ ಲಭ್ಯವಿರುತ್ತದೆ. ಇದು 1.2 ಲೀಟರ್ ಹಾಗೂ 1.5 ಲೀಟರ್ ಪೆಟ್ರೋಲ್ ಮತ್ತು 1.5 ಲೀಟರ್ ಡೀಸೆಲ್ ಎಂಜಿನ್ ಆಯ್ಕೆಗಳಲ್ಲಿ ಲಭ್ಯವಿರುತ್ತದೆ.

ಈ ನಡುವೆ ಫೋರ್ಡ್ ಸಂಸ್ಧೆ ತನ್ನ ಜನಪ್ರಿಯ ಇಕೊಸ್ಪೋರ್ಟ್ ಮಾದರಿಗೆ 5,000 ರು.ಗಳಷ್ಟು ಬೆಲೆ ಏರಿಕೆಗೊಳಿಸಲು ನಿರ್ಧರಿಸಿದೆ. ಆದರೆ ಈ ದರ ನೀತಿಯು ಪೆಟ್ರೋಲ್ ಆ್ಯಂಬಿಯಂಟ್ ವೆರಿಯಂಟ್ ಗೆ ಅನ್ವಯವಾಗುವುದಿಲ್ಲ.

ಇನ್ನು ಫೋರ್ಡ್ ಎಂಡೀವರ್ 3.2 ಲೀಟರ್ 4X4 ಆಟೋಮ್ಯಾಟಿಕ್ ಕಾರಿಗೆ 77,000 ರು.ಗಳ ವರೆಗೆ ಬೆಲೆ ಏರಿಕೆಗೊಳಿಸಲಾಗಿದೆ.