ಬ್ರಿಝಾ ಎಫೆಕ್ಟ್; ಇಕೊಸ್ಪೋರ್ಟ್ ಬೆಲೆಗಳಲ್ಲಿ ಭಾರಿ ಇಳಿಕೆ

By Nagaraja

Published: Saturday, March 12, 2016, 10:40 [IST]

ನೂತನ ಮಾರುತಿ ವಿಟಾರಾ ಬ್ರಿಝಾ ಮಾರುಕಟ್ಟೆ ಪ್ರವೇಶಿಸಿರುವಂತೆಯೇ ಎಚ್ಚೆತ್ತುಕೊಂಡಿರುವ ಅಮೆರಿಕ ಮೂಲದ ಫೋರ್ಡ್ ಸಂಸ್ಥೆಯು, ಸ್ಪರ್ಧಾತ್ಮಕ ಬೆಲೆ ಕಾಪಾಡಿಕೊಳ್ಳುವ ನಿಟ್ಟಿನಲ್ಲಿ ತನ್ನ ಜನಪ್ರಿಯ ಫೋರ್ಡ್ ಕಾಂಪಾಕ್ಟ್ ಕ್ರೀಡಾ ಬಳಕೆಯ ವಾಹನಕ್ಕೆ ಒಂದು ಲಕ್ಷಕ್ಕೂ ಹೆಚ್ಚು ರುಪಾಯಿಗಳ ಇಳಿಕೆಯನ್ನು ಘೋಘಿಸಿದೆ.

Also Read: ಕಾಯುವಿಕೆ ಅಂತ್ಯ; ಮಾರುತಿ ವಿಟಾರಾ ಬ್ರಿಝಾ ಭರ್ಜರಿ ಬಿಡುಗಡೆ

ನಿಮ್ಮ ಮಾಹಿತಿಗಾಗಿ, ಮಾರುಕಟ್ಟೆಗೆ ಭರ್ಜರಿ ಎಂಟ್ರಿ ಕೊಟ್ಟಿರುವ ಮಾರುತಿ ವಿಟಾರಾ ಬ್ರಿಝಾ ಬೆಲೆಯು 6.99 ಲಕ್ಷ ರು.ಗಳಿಂದ 9.68 ಲಕ್ಷ ರು.ಗಳೆಂದು ನಿರ್ಧರಿಸಲಾಗಿತ್ತು. ತದಾ ಬೆನ್ನಲ್ಲೇ ಫೋರ್ಡ್ ಸಂಸ್ಥೆಯು ಇಕೊಸ್ಪೋರ್ಟ್ ಶೋ ರೂಂ ಬೆಲೆಗಳನ್ನು 56,000 ರು.ಗಳಿಂದ ಗರಿಷ್ಠ 1.2 ಲಕ್ಷ ರು.ಗಳಷ್ಟು ಎಕ್ಸ್ ಇಳಿಕೆಗೊಳಿಸಿದೆ.

ಬ್ರಿಝಾ ಎಫೆಕ್ಟ್; ಇಕೊಸ್ಪೋರ್ಟ್ ಬೆಲೆಗಳಲ್ಲಿ ಭಾರಿ ಇಳಿಕೆ

ಹೊಸ ಬೆಲೆ ನೀತಿಯಂತೆ ಇಕೊಸ್ಪೋರ್ಟ್ ಬೇಸ್ ವೆರಿಯಂಟ್ ಎಕ್ಸ್ ಶೋ ರೂಂ ದೆಹಲಿ ಬೆಲೆಯೀಗ 6.68 ಲಕ್ಷ ರು.ಗಳಿಂದ ಟಾಪ್ ಎಂಡ್ ವೆರಿಯಂಟ್ 9.75 ಲಕ್ಷ ರು.ಗಳಷ್ಟು ದುಬಾರಿಯೆನಿಸಲಿದೆ.

ಇಕೊಸ್ಪೋರ್ಟ್ ಡೀಸೆಲ್ ವೆರಿಯಂಟ್ ಬೆಲೆಗಳಲ್ಲಿ ಗಣನೀಯ ಇಳಿಕೆ ಕಂಡುಬಂದಿದ್ದು, 1.12 ಲಕ್ಷದಷ್ಟು ಇಳಿಕೆಯಾಗಿದೆ. ಇದರೊಂದಿಗೆ ಈ ಟಾಪ್ ಎಂಡ್ ವೆರಿಯಂಟ್ 10 ಲಕ್ಷ ರು.ಗಳ ಬೆಲೆ ಪರಿಧಿಯಲ್ಲಿ ಲಭ್ಯವಾಗಲಿದೆ.

ಇಕೊಸ್ಪೋರ್ಟ್ ನಲ್ಲಿರುವ ಐದು ವೆರಿಯಂಟ್ ಗಳನ್ನು ಹೋಲಿಸಿದಾಗ ವಿಟಾರಾ ಬ್ರಿಝಾ ಏಳು ವೆರಿಯಂಟ್ ಗಳನ್ನು ಒದಗಿಸುತ್ತಿದೆ. ಅಚ್ಚರಿಯೆಂಬಂತೆ ಪರಿಷ್ಕೃತ ಬೆಲೆಯ ಬಳಿಕವೂ ಬ್ರಿಝಾಗಿಂತಲೂ ಇಕೊಸ್ಪೋರ್ಟ್ 30,000ದಿಂದ 50,000 ರು.ಗಿಂತಲೂ ಹೆಚ್ಚು ದುಬಾರಿಯೆನಿಸಲಿದೆ.

ಪ್ರತಿ ತಿಂಗಳು ಮೂರರಿಂದ ನಾಲ್ಕು ಸಾವಿರದಷ್ಟು ಮಾರಾಟ ಸಂಖ್ಯೆಯನ್ನು ಹೊಂದಿರುವ ಇಕೊಸ್ಪೋರ್ಟ್, ದೇಶದ ಜನಪ್ರಿಯ ಮಾರುತಿಯಿಂದ ಪ್ರಬಲ ಪೈಪೋಟಿಯನ್ನು ಎದುರಿಸಬೇಕಾಗುತ್ತದೆ. ಈ ಹಿನ್ನಲೆಯಲ್ಲಿ ಸ್ಪರ್ಧಾತ್ಮಕ ಬೆಲೆ ಕಾಪಾಡಿಕೊಳ್ಳಲು ನಿರ್ಧರಿಸಿದೆ.