ಬರುತ್ತಿದೆ ಮಹೀಂದ್ರ ನೂತನ ಎಸ್‌ಯುವಿ 'ನುವೊಸ್ಪೋರ್ಟ್'

ಮಹೀಂದ್ರ ಬಿಡುಗಡೆ ಮಾಡಲಿರುವ ಅತಿ ನೂತನ ನುವೊಸ್ಪೋರ್ಟ್ ಎಸ್‌ಯುವಿ ಎಪ್ರಿಲ್ ಮೊದಲ ವಾರದಲ್ಲಿ ಮಾರುಕಟ್ಟೆ ಪ್ರವೇಶಿಸಲಿದೆ.

ಹೊಸ ತಲೆಮಾರಿನ ಸ್ಕಾರ್ಪಿಯೊ ತಳಹದಿಯಲ್ಲಿ ನಿರ್ಮಾಣವಾಗಿರುವ ನುವೊಸ್ಪೋರ್ಟ್ ದಿಟ್ಟ ಹಾಗೂ ಆಕ್ರಮಣಕಾರಿ ಶೈಲಿಯನ್ನು ಮೈಗೂಡಿಸಿ ಬಂದಿದೆ.

ಕ್ರೀಡಾತ್ಮಕ ಶೈಲಿ ಮತ್ತು ಸಕ್ರಿಯ ಜೀವನಶೈಲಿಯನ್ನು ತೋರ್ಪಡಿಸುವ ಸಹಜ ಸಾಮರ್ಥ್ಯದಿಂದಾಗಿ ಇದಕ್ಕೆ ನುವೊಸ್ಪೋರ್ಟ್ ಎಂಬುದಾಗಿ ಹೆಸರಿಡಲಾಗಿದೆ.

ನುವೊಸ್ಪೋರ್ಟ್ ಎಸ್‌ಯುವಿ ಪ್ರಮುಖವಾಗಿ ಸಕ್ರಿಯ ಹೊರಂಗಣ ಜೀವನಶೈಲಿ ಇಷ್ಟಪಡುವ ಪ್ರಯಾಣಿಕರನ್ನು ಗುರಿಯಾಗಿರಿಸಿಕೊಂಡು ತಯಾರಿಸಲಾಗಿದೆ.

ಭಾರತ ವಾಹನ ಮಾರುಕಟ್ಟೆಯಲ್ಲಿ ನಂ.1 ಎಸ್‌ಯುವಿ ಎಂದೆನಿಸಿಕೊಂಡಿರುವ ಮಹೀಂದ್ರ ನೂತನ ನುವೊಸ್ಪೋರ್ಟ್ ಮುಖಾಂತರ ತನ್ನ ಸಾನಿಧ್ಯವನ್ನು ಮತ್ತಷ್ಟು ಗಟ್ಟಿಪಡಿಸಲಿದೆ.

ಚೆನ್ನೈಯಲ್ಲಿರುವ ಮಹೀಂದ್ರ ಅಧ್ಯಯನ ಘಟಕದಲ್ಲಿ (Mahindra Research Valley) ಮಹೀಂದ್ರ ಡಿಸೈನ್ ತಂಡವು ನೂತನ ನುವೊಸ್ಪೋರ್ಟ್ ಕಾರನ್ನು ಅಭಿವೃದ್ಧಿಪಡಿಸಲಾಗಿದೆ.

ಗರಿಷ್ಠ ನಿರ್ಮಾಣ ಗುಣಮಟ್ಟತೆಯನ್ನು ಕಾಯ್ದುಕೊಳ್ಳಲಿರುವ ಮಹೀಂದ್ರ ನುವೊಸ್ಪೋರ್ಟ್ ಸುಲಭ ತಂತ್ರಗಾರಿಕೆ ಮತ್ತು ಗರಿಷ್ಠ ಭದ್ರತಾ ವೈಶಿಷ್ಟ್ಯಗಳನ್ನು ಗಿಟ್ಟಿಸಿಕೊಳ್ಳಲಿದೆ.