ಮಹೀಂದ್ರ ಎಕ್ಸ್‌ಯುವಿ ಏರೋ ಕಾನ್ಸೆಪ್ಟ್‌ ಹಸಿರು ನಿಶಾನೆಗೆ ಮೀನಾಮೇಷ?

2016 ಫೆಬ್ರವರಿ ತಿಂಗಳಲ್ಲಿ ನಡೆದ ದೆಹಲಿ ಆಟೋ ಎಕ್ಸ್ ಪೋದಲ್ಲಿ ಮಹೀಂದ್ರ ಎಕ್ಸ್ ಯುವಿ ಏರೋ ಕಾನ್ಸೆಪ್ಟ್ ಕಾರು ಪ್ರದರ್ಶನಗೊಂಡಿತ್ತು. ಈಗ ಏಳು ತಿಂಗಳ ಅವಧಿ ಕಳೆದರೂ ಸಂಸ್ಥೆಯು ನಿರ್ಮಾಣಕ್ಕೆ ಮುಂದಾಗಿಲ್ಲ.

ಮಹೀಂದ್ರ ಎಕ್ಸ್ ಯುವಿ ಏರೋ ಯೋಜನೆಯನ್ನು ಸಂಸ್ಥೆಯು ಸಂಪೂರ್ಣವಾಗಿ ಕೈಬಿಟ್ಟಿಲ್ಲ. ಈ ಬಹುನಿರೀಕ್ಷಿತ ಕಾರು ಬಿಡುಗಡೆ ಮಾಡಲು ಸಂಸ್ಥೆಯು ಬದ್ಧವಾಗಿದ್ದು, ಈ ಸಂಬಂಧ ಆರಂಭಿಕ ಎಂಜಿಯನಿರಿಂಗ್ ಕೆಲಸ ಕಾರ್ಯಗಳನ್ನು ಪ್ರಾರಂಭಿಸಿದೆ.

ಮಾರುಕಟ್ಟೆಯಲ್ಲಿ ವ್ಯಾಪಾರ ಕಾರ್ಯ ಸಾಧ್ಯತೆಯನ್ನು ಕೂಲಂಕುಷವಾಗಿ ಅಧ್ಯಯನ ಮಾಡಿದ ಬಳಿಕವಷ್ಟೇ ಮಹೀಂದ್ರ ಎಕ್ಸ್ ಯುವಿ ಎರೋ ಕಾನ್ಸೆಪ್ಟ್ ಕಾರನ್ನು ಮಹೀಂದ್ರ ನಿರ್ಮಿಸಲಿದೆ.

ಜನಪ್ರಿಯ ಎಕ್ಸ್ ಯುವಿ 500 ತಳಹದಿಯಲ್ಲಿ ನಿರ್ಮಾಣವಾಗಲಿರುವ ಎಕ್ಸ್ ಯುವಿ ಏರೋ ಪ್ರೀಮಿಯಂ ಉತ್ಪನ್ನವಾಗಿರಲಿದ್ದು, ಮುಂದಿನ ಒಂದೆರಡು ವರ್ಷದೊಳಗೆ ಮಾರುಕಟ್ಟೆ ಪ್ರವೇಶಿಸುವ ಸಾಧ್ಯತೆಯಿದೆ.

ಕ್ರೀಡಾ ಕೂಪೆ ಕ್ರೀಡಾ ಬಳಕೆಯ ವಾಹನ ಶೈಲಿಯ ಮಹೀಂದ್ರ ಎಕ್ಸ್ ಯುವಿ ಏರೋ ಕಾನ್ಸೆಪ್ಟ್ ಕಾರು ಪ್ರಮುಖವಾಗಿಯೂ ಬಿಎಂಡಬ್ಲ್ಯು ಎಕ್ಸ್6 ಹಾಗೂ ಮರ್ಸಿಡಿಸ್ ಬೆಂಝ್ ಜಿಎಲ್ ಇ ಕೂಪೆ ಮಾದರಿಗಳಿಗೆ ಪ್ರತಿಸ್ಪರ್ಧೆಯನ್ನು ಒಡ್ಡಲಿದೆ.

ಇಲ್ಲಿ ಗಮನಾರ್ಹ ಸಂಗತಿ ಏನೆಂದರೆ ಮಹೀಂದ್ರ ಅಧೀನತೆಯಲ್ಲಿರುವ ವಿಶ್ವ ಪ್ರಸಿದ್ಧ ಡಿಸೈನ್ ಸಂಸ್ಥೆ ಇಟಲಿಯ ಫಿನಿನ್ ಫರಿನಾ ಸಂಸ್ಥೆಯು ವಿನ್ಯಾಸವನ್ನು ಒದಗಿಸಿದೆ. ಇದು ವಾಹನ ಪ್ರೇಮಿಗಳಲ್ಲಿ ಹೆಚ್ಚಿನ ಉತ್ಸಾಹಕ್ಕೆ ಕಾರಣವಾಗಿದೆ.