ಮಹೀಂದ್ರ ಹೊಸ ಎಲೆಕ್ಟ್ರಿಕ್ ಕಾರು ಬಿಡುಗಡೆಗೆ ಕ್ಷಣಗಣನೆ

ಮಹೀಂದ್ರ ಇ2ಒ ಪ್ಲಸ್ ವಿದ್ಯುತ್ ಚಾಲಿತ ಕಾರಿನ ಬಗ್ಗೆ ಹೆಚ್ಚಿನ ಮಾಹಿತಿಗಳು ಅಲಭ್ಯವಾದರೂ, ನಿರ್ವಹಣಾ ರಹಿತ ಲಿಥಿಯಂ ಇಯಾನ್ ಬ್ಯಾಟರಿ ಇತ್ಯಾದಿ ವೈಶಿಷ್ಟ್ಯಗಳನ್ನು ಗಿಟ್ಟಿಸಿಕೊಳ್ಳಲಿದೆ.

ಒಮ್ಮೆ ಚಾರ್ಜಿಂಗ್ ಮಾಡಿಸಿದ್ದಲ್ಲಿ 100 ಕೀ.ಮೀ. ವರೆಗೂ ಮತ್ತು ಗಂಟೆಗೆ ಗರಿಷ್ಠ 80 ಕೀ.ಮೀ. ವೇಗದಲ್ಲಿ ಸಂಚರಿಸುವಷ್ಟು ಸಾಮರ್ಥ್ಯವನ್ನು ಹೊಂದಿರಲಿದೆ.

ಪದೇ ಪದೇ ಇಂಧನ ತುಂಬಿಸುವ ಕಿರಿಕಿರಿ ಅಥವಾ ಪೆಟ್ರೋಲ್ ಬಂಕ್ ಗಳಲ್ಲಿ ಸಾಲುಗಟ್ಟಿ ನಿಲ್ಲಬೇಕಾದ ಅಗತ್ಯವಿಲ್ಲ. ಇದು ಸಂಪೂರ್ಣ ಪರಿಸರ ಸ್ನೇಹಿಯಾಗಿದ್ದು, ಶೂನ್ಯ ಮಾಲಿನ್ಯ ಹಾಗೂ ಶಬ್ದ ಮಾಲಿನ್ಯದ ತೊಂದರೆ ಇರಲಾರದು.

ಮನೆಯಲ್ಲಿದ್ದುಕೊಂಡೇ ಮಹಿಂದ್ರ ಇ2ಒ ವಿದ್ಯುತ್ ಚಾಲಿತ ಕಾರನ್ನು ಚಾರ್ಜ್ ಮಾಡಿಸಬಹುದಾಗಿದೆ. ಇತರೆ ಇಂಧನ ಚಾಲಿತ ಕಾರುಗಳಿಗೆ ಹೋಲಿಸಿದಾಗ ಚಾಲನಾ ವೆಚ್ಚದಲ್ಲೂ ಗಣನೀಯವಾದ ಇಳಿಕೆಯುಂಟಾಗಲಿದೆ.

ಇವೆಲ್ಲದಕ್ಕೂ ಹೊರತಾಗಿ ಉನ್ನತ ಮಟ್ಟದ ಶೈಲಿ, ವರ್ಧಿತ ವ್ಯಾಪ್ತಿ, ವೇಗವಾಗಿ ಚಾರ್ಜಿಂಗ್ ಹಾಗೂ ಹೆಚ್ಚಿನ ಸ್ಥಳಾವಕಾಶವು ನೂತನ ಇ2ಒ ಕಾರಿಗೆ ವರದಾನವಾಗಲಿದೆ.

ಇಲ್ಲಿ ಇ2ಒ ಎಂಬುದು ಆಮ್ಲಜನಕ ಶಕ್ತಿಯ ಸೂಚಕವಾದರೆ ಪ್ಲಸ್ ಎಂಬುದು ಗ್ರಾಹಕರಿಗೆ ಸಂಸ್ಥೆಯ ಧನಾತ್ಮಕ ಪರಿಣಾಮವನ್ನು ಬೀರಲಿದೆ.

ಈಗ ಮಾರಾಟದಲ್ಲಿರುವ ಎರಡು ಬಾಗಿಲುಗಳ ಇ2ಒ ಕಾರಿನಲ್ಲಿ ಟಚ್ ಸ್ಕ್ರೀನ್ ಇನ್ಪೋಟೈನ್ಮೆಂಟ್ ಸಿಸ್ಟಂ, ಆಲ್ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ಎಸಿ, ಸ್ಮಾರ್ಟ್ ಫೋನ್ ಸಂಪರ್ಕ ಹೀಗೆ ಹತ್ತಾರು ವೈಶಿಷ್ಟ್ಯಗಳು ಪರಿಷ್ಕೃತ ಆವೃತ್ತಿಯಲ್ಲಿಯೂ ಇರಲಿದೆ.

ಮಹೀಂದ್ರ ಇ2ಒ ಕಾರಿನಲ್ಲಿ 53 ಎನ್ ಎಂ ತಿರುಗುಬಲದಲ್ಲಿ 19 ಕೆಡ್ಬ್ಲ್ಯು (25.5 ಅಶ್ವಶಕ್ತಿ) ಉತ್ಪಾದಿಸಬಲ್ಲ ತ್ರಿ ಫೇಸ್ ಇಂಡಕ್ಷನ್ ಮೋಟಾರು ಲಗತ್ತಿಸುವ ಸಾಧ್ಯತೆಯಿದೆ.

ನೂತನ ಕಾರು ಇತ್ತೀಚೆಗಷ್ಟೇ ಬೆಂಗಳೂರಿನಲ್ಲಿ ಟೆಸ್ಟಿಂಗ್ ವೇಳೆ ಪತ್ತೆ ಹಚ್ಚಲಾಗಿತ್ತು. ಇದರಲ್ಲಿ ಕಂಡುಬಂದಿರುವ ಪ್ರಮುಖ ಬದಲಾವಣೆಯೆಂದರೆ ಚಾರ್ಜಿಂಗ್ ಪಾಯಿಂಟನ್ನು ಕಾರಿನ ಎಡಬದಿಯಲ್ಲಿ ಜೋಡಣೆ ಮಾಡಲಾಗಿದೆ.

ನೂತನ ಕಾರಿನಲ್ಲಿ ಕಂಡುಬಂದಿರುವ ಪ್ರಮುಖ ಬದಲಾವಣೆಯೆಂದರೆ ಚಾರ್ಜಿಂಗ್ ಪಾಯಿಂಟನ್ನು ಕಾರಿನ ಎಡಬದಿಯಲ್ಲಿ ಜೋಡಣೆ ಮಾಡಲಾಗಿದೆ.