ದೇಶದಲ್ಲಿ ಮಹೀಂದ್ರ ಟಿಯುವಿ300 ಶಕ್ತಿಶಾಲಿ ಆವೃತ್ತಿ ಬಿಡುಗಡೆ

ಎಂಹಾಕ್100 ಎಂಜಿನ್ ಗಳನ್ನು ಹೊಂದಿರುವ ಮಹೀಂದ್ರ ಟಿಯುವಿ300 ಕಾರಿನ ಟಿ8 ಮತ್ತು ಟಿ8 ಎಎಂಟಿ ಮಾದರಿಗಳು ಅನುಕ್ರಮವಾಗಿ 8.87 ಮತ್ತು 9.60 ಲಕ್ಷ ರು.ಗಳಷ್ಟು ದುಬಾರಿಯೆನಿಸಲಿದೆ.

ನೂತನ ಎಂಹಾಕ್100 ಎಂಜಿನ್ 240 ಎನ್ ಎಂ ತಿರುಗುಬಲದಲ್ಲಿ 100 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಅಲ್ಲದೆ ಫೈವ್ ಸ್ಪೀಡ್ ಗೇರ್ ಮ್ಯಾನುವಲ್ ಜೊತೆಗೆ ಎಎಂಟಿ ಗೇರ್ ಬಾಕ್ಸ್ ಪಡೆಯಲಿದೆ.

ಇದುವರೆಗೆ ಮಹೀಂದ್ರ ಟಿಯುವಿ300ನಲ್ಲಿ 1.5 ಲೀಟರ್ ತ್ರಿ ಸಿಲಿಂಡರ್ ಎಂಹಾಕ್80 ಡೀಸೆಲ್ ಎಂಜಿನ್ 230 ಎನ್ ಎಂ ತಿರುಗುಬಲದಲ್ಲಿ 84 ಅಶ್ವಶಕ್ತಿ ಉತ್ಪಾದಿಸುವಷ್ಟು ಸಾಮರ್ಥ್ಯ ಹೊಂದಿತ್ತು. ಇದು ಟಿ4, ಟಿ6 ಮತ್ತು ಟಿ8 ವೆರಿಯಂಟ್ ಗಳಲ್ಲಿ ಲಭ್ಯವಿದ್ದು, ಫೈವ್ ಸ್ಪೀಡ್ ಮ್ಯಾನುವಲ್ ಅಥವಾ ಎಎಂಟಿ ಗೇರ್ ಬಾಕ್ಸ್ ಲಭ್ಯವಾಗುತ್ತಿತ್ತು.

ದಣಿವು ರಹಿತ ಚಾಲನಾ ಅನುಭವ ನೀಡಲಿರುವ ನೂತನ ಮಹೀಂದ್ರ ಟಿಯುವಿ300, ಹೆಚ್ಚು ಸಲಿಸಾದ ಆಟೋಮ್ಯಾಟಿಕ್ ಗೇರ್ ಶಿಫ್ಟ್ ವ್ಯವಸ್ಥೆಗಳನ್ನು ಪಡೆಯಲಿದೆ.

ಇವುಗಳ ಹೊರತಾಗಿ ಸುಧಾರಿತ ಕುಷನ್ ಸೀಟುಗಳು, ಎರಡನೇ ಸಾಲಿನಲ್ಲಿ ಚೈಲ್ಡ್ ಸೇಫ್ಟಿ ಸೀಟು ಮೌಂಟ್ ಗ್ರಾಹಕರಿಗೆ ಅತ್ಯುತ್ತಮ ಆಯ್ಕೆಯಾಗಿರಲಿದೆ.

ಇವುಗಳ ಹೊರತಾಗಿ ಸುಧಾರಿತ ಕುಷನ್ ಸೀಟುಗಳು, ಎರಡನೇ ಸಾಲಿನಲ್ಲಿ ಚೈಲ್ಡ್ ಸೇಫ್ಟಿ ಸೀಟು ಮೌಂಟ್ ಗ್ರಾಹಕರಿಗೆ ಅತ್ಯುತ್ತಮ ಆಯ್ಕೆಯಾಗಿರಲಿದೆ.

ಗ್ರಾಹಕರ ಬೇಡಿಕೆಯಂತೆ ಇನ್ನು ಮುಂದೆ ಟಿಯುವಿ300 ಎಂಹಾಕ್100 ಮತ್ತು ಎಂಹಾಕ್80 ಎಂಜಿನ್ ಆಯ್ಕೆಗಳಲ್ಲಿ ಲಭ್ಯವಾಗಲಿದೆ. ಇದರ ಎಂಟ್ರಿ ಲೆವೆಲ್ ವೆರಿಯಂಟ್ 7.26 ಲಕ್ಷ ರು.ಗಳಷ್ಟು ದುಬಾರಿಯೆನಿಸುತ್ತದೆ.