ಹೊಸ ಟೊಯೊಟಾ ಫಾರ್ಚ್ಯುನರ್‌ಗೆ ಡಿಮ್ಯಾಂಡಪ್ಪೊ ಡಿಮ್ಯಾಂಡು!

ನೂತನ ಟೊಯೊಟಾ ಫಾರ್ಚ್ಯುನರ್ ಬಿಡುಗಡೆಯಾದ ಬೆನ್ನಲ್ಲೇ ಭಾರಿ ಬೇಡಿಕೆ ವ್ಯಕ್ತವಾಗಿದೆ.

By Nagaraja

Published: Tuesday, November 22, 2016, 12:06 [IST]

ಎರಡನೇ ತಲೆಮಾರಿನ ಟೊಯೊಟಾ ಫಾರ್ಚ್ಯುನರ್ ಪ್ರೀಮಿಯಂ ಕ್ರೀಡಾ ಬಳಕೆಯ ವಾಹನ ಇತ್ತೀಚೆಗಷ್ಟೇ ಬಿಡುಗಡೆಗೊಂಡಿತ್ತು. ದೆಹಲಿ ಎಕ್ಸ್ ಶೋ ರೂಂ ಬೆಲೆಯ ಪ್ರಕಾರ 25.92 ಲಕ್ಷ ರು.ಗಳಿಗೆ ಬಿಡುಗಡೆಗೊಂಡಿರುವ ನೂತನ ಫಾರ್ಚ್ಯುನರ್ ತನ್ನ ಪ್ರತಿಸ್ಪರ್ಧಿಗಿಂತಲೂ ದುಬಾರಿಯೆನಿಸಿದರೂ ಬೇಡಿಕೆಗೆ ಮಾತ್ರ ಕಮ್ಮಿಯಾಗಿಲ್ಲ. ಇದರೊಂದಿಗೆ ಕಾಯುವಿಕೆ ಅವಧಿಯು ಎರಡು ತಿಂಗಳುಗಳಿಗೆ ವಿಸ್ತರಿಸಿದೆ.

ಹೊಸ ಟೊಯೊಟಾ ಫಾರ್ಚ್ಯುನರ್‌ಗೆ ಡಿಮ್ಯಾಂಡಪ್ಪೊ ಡಿಮ್ಯಾಂಡು!

ನೂತನ ಫಾರ್ಚ್ಯುನರ್ ಬುಕ್ಕಿಂಗ್ ಪ್ರಕ್ರಿಯೆಯು ನವೆಂಬರ್ 07ರಂದು ಅಧಿಕೃತವಾಗಿ ಆರಂಭಗೊಂಡಿತ್ತು. ಇದೀಗ ಬಹುತೇಕ ನಗರಗಳಲ್ಲಿ ಕಾಯುವಿಕೆ ಅವಧಿಯು ಎರಡು ತಿಂಗುಳಿಗಳಿಗೆ ವಿಸ್ತರಿಸಿದೆ.

ಕೇಂದ್ರ ಸರಕಾರ ಹಳೆಯ ನೋಟುಗಳಿಗೆ ನಿಷೇಧ ಹೇರಿರುವುದು ವಾಹನ ಮಾರುಕಟ್ಟೆ ಮೇಲೆ ದೊಡ್ಡ ಹೊಡೆತ ನೀಡಿದರೂ ಸಹ ಟೊಯೊಟಾ ಫಾರ್ಚ್ಯುನರ್ ಬುಕ್ಕಿಂಗ್ ಗೆ ಮಾತ್ರ ಯಾವುಧೇ ದಕ್ಕೆಯುಂಟಾಗಿಲ್ಲ.

ನೂತನ ಟೊಯೊಟಾ ಫಾರ್ಚ್ಯುನರ್ ಕಾರು 2.7 ಲೀಟರ್ ಪೆಟ್ರೋಲ್ ಮತ್ತು 2.8 ಲೀಟರ್ ಡೀಸೆಲ್ ಎಂಜಿನ್ ಗಳಿಂದ ನಿಯಂತ್ರಿಸ್ಪಡಲಿದೆ.

ಇದರ 2.7 ಲೀಟರ್ ಪೆಟ್ರೋಲ್ ಎಂಜಿನ್ 245 ಎನ್ ಎಂ ತಿರುಗುಬಲದಲ್ಲಿ 166 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಹಾಗೆಯೇ ಐದು ಸ್ಪೀಡ್ ಮ್ಯಾನುವಲ್ ಅಥವಾ ಆರು ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಇದರಲ್ಲಿರುತ್ತದೆ.

ಅಂತೆಯೇ 2.8 ಲೀಟರ್ ಡೀಸೆಲ್ ಎಂಜಿನ್ 450 ಎನ್ ಎಂ ತಿರುಗುಬಲದಲ್ಲಿ 177 ಅಶ್ವಶಕ್ತಿಯನ್ನು ನೀಡಲಿದೆ. ಇದು ಕೂಡಾ ಆರು ಸ್ಪೀಡ್ ಮ್ಯಾನುವಲ್ ಮತ್ತು ಆರು ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಪಡೆಯಲಿದೆ.