Click it and Unblock the Notifications
2017 ಪೋರ್ಷೆ 911 ಜಿಟಿ3 ರೇಸಿಂಗ್ ಕಾರು ಬಿಡುಗಡೆ
ಫ್ರಾನ್ಸ್ ನಲ್ಲಿ ಸಾಗುತ್ತಿರುವ 2016 ಪ್ಯಾರಿಸ್ ಮೋಟಾರು ಶೋದಲ್ಲಿ ಜರ್ಮನಿಯ ಪ್ರತಿಷ್ಠಿತ ಸಂಸ್ಥೆಯಾಗಿರುವ ಪೋರ್ಷೆ, ಅತಿ ನೂತನ 2017 911 ಜಿಟಿ3 ರೇಸಿಂಗ್ ಕಾರನ್ನು ಬಿಡುಗಡೆಗೊಳಿಸಿದೆ. ಅತ್ಯಂತ ಶಕ್ತಿಶಾಲಿ 4.0 ಲೀಟರ್ ಎಂಜಿನ್ ಪಡೆದಿರುವ ನೂತನ ಪೋರ್ಷೆ 911 ಜಿಟಿ3 ಕಪ್ ರೇಸರ್ ಕಾರು ಮುಂದಿನ ವರ್ಷ ನಡೆಯಲಿರುವ ಫಾರ್ಮುಲಾ 1 ಸಪೋರ್ಟ್ ಸೀರಿಸ್ ನಲ್ಲಿ ಪಾದಾರ್ಪಣೆಗೈಯಲಿದೆ.
ಪರಿಷ್ಕೃತ 991 ಜನರೇಷನ್ 911 ತಳಹದಿಯಲ್ಲಿ ಇದನ್ನು ನಿರ್ಮಿಸಲಾಗಿದ್ದು, ಜಿಟಿ3 ಆರ್ ಎಸ್ ಮಾದರಿಯಲ್ಲಿರುವುದಕ್ಕೆ ಸಮಾನವಾದ 4.0 ಲೀಟರ್ ಫ್ಲ್ಯಾಟ್ ಸಿಕ್ಸ್ ಎಂಜಿನ್ ಆಳವಡಿಸಲಾಗಿದೆ. ಇದು ಬರೋಬ್ಬರಿ 478 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.
ನೂತನ ಕಾರಿನ ನಿರ್ವಹಣೆ ವೆಚ್ಚದಲ್ಲಿ ಕಡಿಮ ಮಾಡುವಲ್ಲಿ ಪೋರ್ಷೆ ಯಶ ಕಂಡಿದೆ. ಅಲ್ಲದೆ ಅತ್ಯುತ್ತಮ ಸ್ಥಿರತೆಯನ್ನು ಕಾಪಾಡಿಕೊಂಡಿದೆ.
18 ಇಂಚುಗಳ ರೇಸಿಂಗ್ ಚಕ್ರಗಳು ಜೋಡಣೆ ಮಾಡಲಾಗಿದೆ. ಒಟ್ಟಾರೆ ಭಾರ 1200 ಕೆ.ಜಿ ಇರಲಿದ್ದು, ಜಿಟಿ3 ಆರ್ ಎಸ್ ಗಿಂತಲೂ 295 ಕೆ.ಜಿ ಗಳಷ್ಟು ಹಗುರ ಭಾರವಾಗಿರಲಿದೆ.
2017ರಲ್ಲಿ ನಡೆಯಲಿರುವ ಫಾರ್ಮುಲಾ ಒನ್ ಸಪೋರ್ಟ್ ಸಿರೀಸ್ ಆಗಿರುವ ಮೊಬೈಲ್ 1 ಸೂಪರ್ ಕಪ್ ನಲ್ಲಿ ಪೋರ್ಷೆ ರೇಸ್ ಕಾರು ಭಾಗವಹಿಸಲಿದೆ. ತದಾ ಬಳಿಕ ಜರ್ಮನ್ ಮತ್ತು ಉತ್ತರ ಅಮೆರಿಕನ್ ಪೋರ್ಷೆ ಕರೆರಾ ಕಪ್ ಚಾಂಪಿಯನ್ ಶಿಪ್ ನಲ್ಲಿ ಭಾಗವಹಿಸಲಿದೆ.
ಹಿಂದುಗಡೆ 184 ಸೆಂಟಿಮೀಟರ್ ಅಗಲವಾದ ರಿಯರ್ ವಿಂಗ್ ಲಗತ್ತಿಸಲಾಗಿದೆ. ಅಲ್ಲದೆ ಏರೋಡೈನಾಮಿಕ್ ವಿನ್ಯಾಸಕ್ಕೆ ಆದ್ಯತೆ ಕೊಡಲಾಗಿದೆ.
ನಾವೀನ್ಯ ಸುರಕ್ಷಾ ತಂತ್ರಗಾರಿಕೆಗಳನ್ನು ಆಳವಡಿಸಲಾಗಿದೆ. ಬಕೆಟ್ ಶೈಲಿಯ ರೇಸಿಂಗ್ ಸೀಟು, ರಕ್ಷಣಾ ರೂಫ್ ಹಾಗೂ ತಾಜಾ ಎಫ್ ಐಎ ಸ್ಟ್ಯಾಂಡರ್ಡ್ ಕಾಪಾಡಿಕೊಳ್ಳಲಾಗಿದೆ.
Continue with Google