ಮಾರುತಿ ಮಟ್ಟ ಹಾಕಲು ಬರುತ್ತಿದೆ ಮತ್ತೆರಡು ಕ್ವಿಡ್ ಆವೃತ್ತಿಗಳು

ರೆನೊ ಸಂಸ್ಥೆಯು 2017ನೇ ಸಾಲಿನಲ್ಲಿ ಕ್ವಿಡ್ ಕ್ಲೈಂಬರ್ ಮತ್ತು ಕ್ವಿಡ್ ರೇಸರ್ ಗಳೆಂಬ ಎರಡು ಮಾದರಿಗಳನ್ನು ಬಿಡುಗಡೆ ಮಾಡುವ ಯೋಜನೆ ಹೊಂದಿದೆ.

ಹಾಗಿದ್ದರೂ ಬಿಡುಗಡೆ ದಿನಾಂಕ ಬಗ್ಗೆ ಹೆಚ್ಚಿನ ಮಾಹಿತಿಗಳನ್ನು ಸಂಸ್ಥೆಯು ಬಹಿರಂಗಪಡಿಸಿಲ್ಲ. ಇವೆರಡು ವಿಶೇಷ ದರಗಳಲ್ಲಿ ಮಾರುಕಟ್ಟೆಗೆ ಪ್ರವೇಶಿಸಲಿದೆ.

ಕ್ವಿಡ್ ಕ್ಲೈಂಬರ್ ಹೆಚ್ಚು ಆಫ್ ರೋಡ್ ಸ್ನೇಹಿ ಕಾರು ಎನಿಸಿಕೊಳ್ಳಲಿದೆ. ವರ್ಧಿತ ಗ್ರೌಂಡ್ ಕ್ಲಿಯರನ್ಸ್ ಜೊತೆಗೆ ಆಫ್ ರೋಡ್ ಚಕ್ರಗಳು ಇದಕ್ಕೆ ಜೋಡಣೆಯಾಗಲಿದೆ. ಹಾಗೆಯೇ ಕಾರಿನೊಳಗೆ ಕೇಸರಿ ಮಿಶ್ರಿತ ವರ್ಣವು ಕಂಡುಬರಲಿದೆ.

ಇನ್ನೊಂದೆಡೆ ಟ್ರ್ಯಾಕ್ ಸ್ನೇಹಿ ಕ್ವಿಡ್ ರೇಸರ್ ಆವೃತ್ತಿಯು ಕಡಿಮೆ ಗ್ರೌಂಡ್ ಕ್ಲಿಯರನ್ಸ್ ಮತ್ತು ಹೆಚ್ಚು ಅಗಲವಾದ ಬಂಪರ್ ಗಳನ್ನು ಪಡೆಯಲಿದೆ.

ರೇಸಿಂಗ್ ಗೆ ತಕ್ಕವಾದ ಬಕೆಟ್ ಸೀಟು, 18 ಇಂಚುಗಳ ಅಲಾಯ್ ಚಕ್ರಗಳು, ನೀಲಿ ಮೆಟ್ಯಾಲಿಕ್ ಬಣ್ಣ ಇತ್ಯಾದಿ ವೈಶಿಷ್ಟ್ಯಗಳು ಇದರ ಪ್ರಮುಖ ಆಕರ್ಷಣೆಯಾಗಲಿದೆ.

ಈ ಎರಡು ವಿಶೇಷ ಆವೃತ್ತಿಗಳು ಹೆಚ್ಚು ಶಕ್ತಿಶಾಲಿ 1.0 ಲೀಟರ್ ತ್ರಿ ಸಿಲಿಂಡರ್ ಎಂಜಿನ್ ಪಡೆದುಕೊಳ್ಳಲಿದೆ. ಅಲ್ಲದೆ ಐದು ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಇದರಲ್ಲಿರುತ್ತದೆ.

2016 ಆಟೋ ಎಕ್ಸ್ ಪೋದಲ್ಲಿ ರೆನೊ ಕ್ಲೈಂಬರ್ ಮತ್ತು ರೇಸರ್ ಮಾದರಿಗಳನ್ನು ರೆನೊ ಸಂಸ್ಥೆಯು ಮೊದಲ ಬಾರಿಗೆ ಅನಾವರಣಗೊಳಿಸಿತ್ತು.

ಅಂದ ಹಾಗೆ ಮುಂಬರುವ ಹಬ್ಬದ ಆವೃತ್ತಿಯ ವೇಳೆಯಲ್ಲಿ ಈಸಿ-ಆರ್ ಗೇರ್ ಬಾಕ್ಸ್ ಹೊಂದಿರುವ ರೆನೊ ಕ್ವಿಡ್ ಎಎಂಟಿ ಮತ್ತು ಹೆಚ್ಚು ಶಕ್ತಿಶಾಲಿ 1.0 ಲೀಟರ್ ಆವೃತ್ತಿಗಳು ಬಿಡುಗಡೆಯಾಗುವುದು ಬಹುತೇಕ ಖಚಿತವೆನಿಸಿದೆ.