ರೆನೊ ಕ್ವಿಡ್ ಫೇಮಸ್ ಆಯ್ತು; ಪುಟ್ಟ ಕಾರೀಗ ದುಬಾರಿ

By Nagaraja

Published: Saturday, January 9, 2016, 10:40 [IST]

ಸ್ಪರ್ಧಾತ್ಮಕ ಬೆಲೆಯಲ್ಲಿ ಮಾರುಕಟ್ಟೆಗೆ ಪರಿಚಯಿಸುವ ಮೂಲಕ ಕೆಲವೇ ದಿನಗಳಲ್ಲೇ ಭಾರಿ ಜನಪ್ರಿಯತೆ ಗಿಟ್ಟಿಸಿಕೊಂಡಿರುವ ರೆನೊ ಕ್ವಿಡ್ ಪುಟ್ಟ ಕಾರೀಗ ದುಬಾರಿಯೆನಿಸಿದೆ.

ವಿಶೇಷ ಆರಂಭಿಕ ಬೆಲೆ 2.57 ಲಕ್ಷ ರು.ಗಳಿಗೆ (ದೆಹಲಿ ಎಕ್ಸ್ ಶೋ ರೂಂ) ಮೊದಲು ರಂಗ ಪ್ರವೇಶ ಪಡೆದಿದ್ದ ರೆನೊ ಕ್ವಿಡ್ ಕಾರಿಗೆ 3,000 ರು.ಗಳಿಂದ 11,000 ರು.ಗಳಷ್ಟು ಬೆಲೆ ಏರಿಕೆಗೊಂಡಿದೆ.

ರೆನೊ ಕ್ವಿಡ್ ಫೇಮಸ್ ಆಯ್ತು; ಪುಟ್ಟ ಕಾರೀಗ ದುಬಾರಿ

ವೆರಿಯಂಟ್ ಪ್ರಕಾರ ಮಾತನಾಡುವುದಾದ್ದಲ್ಲಿ 2.57 ಲಕ್ಷ ರು.ಗಳಿಷ್ಟಿದ್ದ ಸ್ಟ್ಯಾಂಡರ್ಡ್ ವೆರಿಯಂಟ್ ಈಗ 2.60 ಲಕ್ಷ ರು.ಗಳಷ್ಟು ದುಬಾರಿಯೆನಿಸಲಿದೆ.

ಅದೇ ರೀತಿ ಬಿಡುಗಡೆ ವೇಳೆ 2.89 ಲಕ್ಷ ರು.ಗಳಿಷ್ಟಿದ್ದ ಆರ್‌ಎಕ್ಸ್‌ಇ 2.96 ಲಕ್ಷ ರು.ಗಳಷ್ಟು ಬೆಲೆ ಬಾಳಲಿದೆ. ಅತಂಯೇ ಆರ್‌ಎಕ್ಸ್‌ಇ (ಒ) ವೆರಿಯಂಟ್ 3.03 ಲಕ್ಷ ರು.ಗಳಿಂದ 9,000 ರು. ಏರಿಕೆಗೊಂಡು 3.12 ಲಕ್ಷ ರು.ಗಳನ್ನು ತಲುಪಿದೆ.

ಏತನ್ಮಧ್ಯೆ ಆರ್‌ಎಕ್ಸ್‌ಎಲ್ ವೆರಿಯಂಟ್ ಬೆಲೆ 3.12 ಲಕ್ಷ ರು.ಗಳಿಂದ 3.21 ಲಕ್ಷ ರು.ಗಳಿಗೆ ಏರಿಕೆಯಾಗಿದೆ. ಹಾಗೆಯೇ ಆರ್‌ಎಕ್ಸ್‌ಟಿ (ಒ) ದರ 3.54 ಲಕ್ಷ ರು.ಗಳಿಂದ 3.64 ಲಕ್ಷ ರು.ಗಳಿಗೆ ಹೆಚ್ಚಳವಾಗಿದೆ. ಬಿಡುಗಡೆ ವೇಳೆ ಇವೆರಡು ಅನುಕ್ರಮವಾಗಿ 3.44 ಹಾಗೂ 3.53 ಲಕ್ಷ ರು.ಗಳಿಷ್ಟಿತ್ತು.

ಪ್ರಸ್ತುತ ಅತಿ ಹೆಚ್ಚು ಬುಕ್ಕಿಂಗ್ ಗಿಟ್ಟಿಸಿಕೊಳ್ಳುತ್ತಿರುವ ರೆನೊ ಕ್ವಿಡ್ ಈಗಾಗಲೇ 80,000 ಕ್ಕೂ ಹೆಚ್ಚು ಬುಕ್ಕಿಂಗ್ಸ್ ಗಳನ್ನು ಪಡೆದುಕೊಂಡಿದೆ. ಅಲ್ಲದೆ ಬೇಡಿಕೆ ಈಡೇರಿಸುವ ನಿಟ್ಟಿನಲ್ಲಿ ತನ್ನ ನಿರ್ಮಾಣ ಸಾಮರ್ಥ್ಯವನ್ನು ರೆನೊ ಏರಿಸಿದೆ.

800 ಸಿಸಿ 3 ಸಿಲಿಂಡರ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡುವ ರೆನೊ ಕ್ವಿಡ್ 5 ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಪಡೆಯಲಿದೆ. ಅಂತೆಯೇ ಮುಂದಿನ ದಿನಗಳಲ್ಲಿ ಹೆಚ್ಚು ಶಕ್ತಿಶಾಲಿ 1.0 ಲೀಟರ್ ಎಂಜಿನ್ ಹಾಗೂ ಆಟೋಮ್ಯಾಟಡ್ ಮ್ಯಾನುವಲ್ ಟ್ರಾನ್ಸ್ ಮಿಷನ್ ಪಡೆಯುವ ಸಾಧ್ಯತೆಯೂ ಇದೆ.