ರೆನೊಸ್ಪೋರ್ಟ್‌ನಿಂದ ನಿರ್ವಹಣಾ ಎಸ್‌ಯುವಿ ಕಾರುಗಳಿಗೆ ಕತ್ತರಿ

ಕ್ರೀಡಾ ಬಳಕೆಯ ವಾಹನಗಳ ವಿಶೇಷ ಆರ್ ಎಸ್ ಆವೃತ್ತಿಗಳನ್ನು ಬಿಡುಗಡೆ ಮಾಡುವ ಯೋಜನೆಗಳನ್ನು ರೆನೊ ನಿರ್ವಹಣಾ ವಿಭಾಗವಾಗಿರುವ ರೆನೊಸ್ಪೋರ್ಟ್ ತಳ್ಳಿ ಹಾಕಿದೆ.

ತನ್ನ ಜನಪ್ರಿಯ ರೆನೊ ಕಾಪ್ಚಾರ್ ಎಸ್ ಯುವಿ ಕಾರಿನ ಆರ್ ಎಸ್ ಆವೃತ್ತಿಗಳನ್ನು ಬಿಡುಗಡೆ ಮಾಡುವ ಸಾಧ್ಯತೆಯಿದೆ ಎಂಬುದಕ್ಕೆ ಸಂಬಂಧಿಸಿದಂತೆ ಈ ಮಾಹಿತಿಗಳು ಹೊರ ಬಂದಿದೆ.

ರೆನೊ ಸ್ಪೋರ್ಟ್ ನಿಕಟವರ್ತಿಗಳಿಂದ ದೊರಕಿರುವ ಮಾಹಿತಿಗಳ ಪ್ರಕಾರ ಆರ್ ಎಸ್ ಎಸ್ ಯುವಿ ಯೋಜನೆ ಕೈಬಿಡಲಾಗಿದೆ. ಇದೊಂದು ಮುಗಿದ ಅಧ್ಯಾಯ ಎಂಬುದು ತಿಳಿದು ಬಂದಿದೆ.

ಆರ್ ಎಸ್ ಗಳಂತಹ ಮಾಡೆಲ್ ಗಳಿಗೆ ಮಾರುಕಟ್ಟೆಯಲ್ಲಿ ಬೇಡಿಕೆ ಇಲ್ಲದಿರುವುದೇ ಯೋಜನೆ ಕೈಬಿಡಲು ಕಾರಣವಾಗಿದೆ.

ರೆನೊ ಸ್ಪೋರ್ಟ್ ನಿಂದ ಅತ್ಯುತ್ತಮ ಕಾರುಗಳನ್ನು ನಿರ್ಮಿಸಲು ಸಾಧ್ಯ ಎಂಬುದರಲ್ಲಿ ಯಾವುದೇ ಸಂಶಯವೂ ಇಲ್ಲ. ಆದರೆ ಮಾರುಕಟ್ಟೆಯಲ್ಲಿರುವ ಪರಿಸ್ಥಿತಿಗಳನ್ನು ಅವಲೋಕಿಸುವುದು ಅತ್ಯಗತ್ಯವಾಗಿದೆ.

ಇನ್ನೊಂದೆಡೆ ನಿರ್ವಹಣಾ ಕಾರುಗಳನ್ನು ಭಾರತದತ್ತವೂ ವಿಸ್ತರಿಸುವ ಯೋಜನೆಯನ್ನು ರೆನೊ ಹೊಂದಿದೆ. ಇದರೊಂದಿಗೆ ಮಾರಾಟ ಒತ್ತಡ ಕಡಿಮೆ ಮಾಡುವುದರೊಂದಿಗೆ 2019ರ ವೇಳೆಗೆ ಮಾರಾಟ ದ್ವಿಗುಣಗೊಳಿಸುವ ಗುರಿಯನ್ನು ಹೊಂದಿದೆ.

ಜರ್ಮನಿಯ ಪ್ರೀಮಿಯಂ ಸಂಸ್ಥೆಗಳಾದ ಮರ್ಸಿಡಿಸ್ ಬೆಂಝ್, ಆಡಿ ಹಾಗೂ ಬಿಎಂಡಬ್ಲ್ಯು ಸಂಸ್ಥೆಗಳು ತನ್ನದೇ ಆದ ನಿರ್ವಹಣಾ ವಿಭಾಗವನ್ನು ಹೊಂದಿದ್ದು, ತನ್ನ ಯೋಜನೆಯಲ್ಲಿ ಯಶವನ್ನು ಕಂಡಿದೆ.

ರೆನೊದಂತಹ ಜಗತ್ತಿನ ಇತರೆ ಸಂಸ್ಥೆಗಳು ಸಹ ಜರ್ಮನಿಯ ಕಂಪನಿಗಳಿಂದ ಪ್ರೇರಣೆ ಗಿಟ್ಟಿಸಿಕೊಳ್ಳಬೇಕಿದೆ.