ಹೆಕ್ಸಾ ಹೊಸ ವರ್ಷದಲ್ಲಿ ಬಿಡುಗಡೆ; ನವೆಂಬರ್ ನಿಂದ ಬುಕ್ಕಿಂಗ್ಸ್ ಪ್ರಾರಂಭ

ಬಲ್ಲ ಮೂಲಗಳ ಪ್ರಕಾರ ಟಾಟಾ ಹೆಕ್ಸಾ ಟಾಪ್ ಎಂಡ್ ಎಕ್ಸ್ ಟಿ ಫೋರ್ ವೀಲ್ ಮಾದರಿಯು ಪುಣೆ ಎಕ್ಸ್ ಶೋ ರೂಂ ಬೆಲೆಯ ಪ್ರಕಾರ 17.49 ಲಕ್ಷ ರುಪಾಯಿಗಳಷ್ಟು ದುಬಾರಿಯೆನಿಸಲಿದೆ.

ಇನ್ನು ಟಾಟಾ ಹೆಕ್ಸಾ ಆಟೋಮ್ಯಾಟಿಕ್ ಟಾಪ್ ಎಂಡ್ ಎಕ್ಸ್ ಟಿಎ ಟು ವೀಲ್ ಡ್ರೈವ್ ವೆರಿಯಂಟ್ 17.44 ಲಕ್ಷ ರು.ಗಳಷ್ಟು ದುಬಾರಿಯೆನಿಸಲಿದೆ. ಇವೆರಡು ಆರು ಸ್ಪೀಡ್ ಗೇರ್ ಬಾಕ್ಸ್ ಪಡೆಯಲಿದೆ.

ಇದರಲ್ಲಿರುವ 2.2 ಲೀಟರ್ ಫೋರ್ ಸಿಲಿಂಡರ್ ವ್ಯಾರಿಕೋರ್ ಡೀಸೆಲ್ ಎಂಜಿನ್ 400 ಎನ್ ಎಂ ತಿರುಗುಬಲದಲ್ಲಿ 156 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಈ ಮೊದಲೇ ತಿಳಿಸಿರುವಂತೆಯೇ ಮ್ಯಾನುವಲ್ ವೆರಿಯಂಟ್ ಸೂಪರ್ ಡ್ರೈವ್ ಮೋಡ್ ಗಳನ್ನು ಪಡೆಯಲಿದೆ. ಅವುಗಳೆಂದರೆ ಆಟೋ, ರಫ್ ರೋಡ್, ಡೈನಾಮಿಕ್ ಮತ್ತು ಕಂಫರ್ಟ್.

ಪ್ರತಿಯೊಂದು ಮೋಡ್ ಗಳನ್ನು ಚಾಲನಾ ಪರಿಸ್ಥಿತಿಗೆ ಅನುಗುಣವಾಗಿ ಬಳಕೆ ಮಾಡಬಹುದಾಗಿದ್ದು, ಆರಾಮದಾಯಕ ಚಾಲನಾ ಅನುಭವವನ್ನು ನೀಡಲಿದೆ.

ನ್ಯೂ ಜನರೇಷನ್ ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಪ್ರೋಗ್ರಾಂ (ಇಸಿಪಿ), ರೇಸ್ ಕಾರ್ ಮ್ಯಾಪಿಂಗ್ ವ್ಯವಸ್ಥೆಗಳನ್ನು ನೂತನ ಹೆಕ್ಸಾ ಪಡೆಯಲಿದೆ.

ಸ್ಟೈಲಿಷ್ ಮಸಲರ್ ವಿನ್ಯಾಸದ ಜೊತೆಗೆ ಪ್ರೊಜೆಕ್ಟರ್ ಹೆಡ್ ಲ್ಯಾಂಪ್, ಎಲ್ ಇಡಿ ಡೇಟೈಮ್ ರನ್ನಿಂಗ್ ಲೈಟ್ಸ್, ಆಕರ್ಷಕ ಫ್ರಂಟ್ ಬಂಪರ್, ಬ್ಲ್ಯಾಕ್ ಕ್ರೋಮ್ ಗ್ರಿಲ್, ಸ್ವಭಾವ ರೇಖೆ ಇತ್ಯಾದಿ ವೈಶಿಷ್ಟ್ಯಗಳಿರಲಿದೆ.

ಮಹೀಂದ್ರ ಎಕ್ಸ್ ಯುವಿ500 ಮತ್ತು ಟೊಯೊಟಾ ಇನ್ನೋವಾ ಕ್ರೈಸ್ಟಾ ಪ್ರಮುಖ ಎದುರಾಳಿಯಾಗಲಿದೆ. ಈ ಹಿನ್ನಲೆಯಲ್ಲಿ ಉನ್ನತ ಗುಣಮಟ್ಟದ ವೈಶಿಷ್ಟ್ಯಗಳನ್ನು ಹೆಕ್ಸಾದಲ್ಲಿ ನಿರೀಕ್ಷೆ ಮಾಡಬಹುದಾಗಿದೆ.