ಟಿಯಾಗೊ ಹಿರಿಯಣ್ಣ ಕೈಟ್ 5 ಬಿಡುಗಡೆಗೆ ರೆಡಿ

2016 ಆಟೋ ಎಕ್ಸ್ ಪೋದಲ್ಲಿ ಮೊದಲ ಬಾರಿಗೆ ಅನಾವರಣಗೊಂಡಿರುವ ಟಾಟಾ ಕೈಟ್ 5, ಮುಂಭಾಗದಲ್ಲಿ ಟಿಯಾಗೊಗೆ ಹೆಚ್ಚಿನ ಸಾಮ್ಯತೆ ಪಡೆದುಕೊಂಡಿದೆ. ಇನ್ನು ಹಿಂಭಾಗದಲ್ಲಿ ಸೆಡಾನ್ ಶೈಲಿಗೆ ತಕ್ಕ ಬೂಟ್ ಸ್ಪೇಸ್, ಟೈಲ್ ಲ್ಯಾಂಪ್ ಹಾಗೂ ಎಲ್ ಇಡಿ ಬ್ರೇಕ್ ಲೈಟ್ ಕಂಡುಬಂದಿದೆ.

ಟಿಯಾಗೊ ಕಾರನ್ನು ಹೋಲಿಸಿದಾಗ ಕಾರಿನೊಳಗೆ ಹೆಚ್ಚಿನ ಬದಲಾವಣೆಗಳು ಕಂಡುಬಂದಿಲ್ಲ. ಆದರೂ ಟಾಪ್ ಎಂಡ್ ವೆರಿಯಂಟ್ ಹರ್ಮಾನ್ ಟಚ್ ಸ್ಕ್ರೀನ್ ಇನ್ಪೋಟೈನ್ಮೆಂಟ್ ಸಿಸ್ಟಂ ಹಾಗೂ ರಿವರ್ಸ್ ಪಾರ್ಕಿಂಗ್ ಕ್ಯಾಮೆರಾಗಳನ್ನು ಪಡೆಯಲಿದೆ.

ಇನ್ನು ಈ ವಿಭಾಗದಲ್ಲಿ ಅತಿ ಹೆಚ್ಚು ಅಂದರೆ 420 ಲೀಟರ್ ಗಳ ಬೂಟ್ ಜಾಗವು ಟಿಯಾಗೊ ಕಾಂಪಾಕ್ಟ್ ಸೆಡಾನ್ ಕಾರಿನಲ್ಲಿರಲಿದೆ.

ಅಂತೆಯೇ ಟಿಯಾಗೊದಲ್ಲಿರುವುದಕ್ಕೆ ಸಮಾನವಾದ 1.2 ತ್ರಿ ಸಿಲಿಂಡರ್ ರೆವೂಟ್ರಾನ್ ಪೆಟ್ರೋಲ್ ಹಾಗೂ 1.05 ಲೀಟರ್ ಡೀಸೆಲ್ ಎಂಜಿನ್ ಬಳಕೆಯಾಗಲಿದೆ. ಇದು 5 ಸ್ಪೀಡ್ ಮ್ಯಾನುವಲ್ ಜೊತೆಗೆ ಎಎಂಟಿ ಆಯ್ಕೆಯೊಂದಿಗೆ ಆಗಮನವಾಗಲಿದೆ.

ಅಂತಿಮವಾಗಿ ಟಾಟಾದ ಸನಂದ್ ಘಟಕದಲ್ಲೇ ನೂತನ ಕಾಂಪಾಕ್ಟ್ ಸೆಡಾನ್ ಕಾರು ನಿರ್ಮಾಣವಾಗಲಿದೆ. ಇದೇ ವೇಳೆಯಲ್ಲಿ ಟಿಯಾಗೊ ಹ್ಯಾಚ್ ಬ್ಯಾಕ್ ಕಾರಿನ ಎಎಂಟಿ ಆವೃತ್ತಿಯು ಬಿಡುಗಡೆಯಾಗಲಿದೆ.