ಟಾಟಾ ಕಾರು ಖರೀದಿಗೂ ಮುನ್ನ ಎರಡೆರಡು ಬಾರಿ ಯೋಚಿಸಬೇಕೇ?

ಈ ಸಂಬಂಧ ಹೇಳಿಕೆ ಕೊಟ್ಟಿರುವ ಟಾಟಾ ಮೋಟಾರ್ಸ್ ವಾಣಿಜ್ಯ ಪ್ರಯಾಣಿಕ ವಾಹನ ವಿಭಾಗದ ಅಧ್ಯಕ್ಷ ಮಯಾಂಕ್ ಪರೀಕ್, ಹಬ್ಬದ ಆವೃತ್ತಿಯ ವೇಳೆಯಲ್ಲಿ ಬೆಲೆ ಏರಿಕೆಯು ಅನಿವಾರ್ಯವೆನಿಸಿದೆ ಎಂದು ವಿವರಿಸಿದ್ದಾರೆ.

ಗ್ರಾಹಕರ ಹಿತ ದೃಷ್ಟಿಯಿಂದ ಕಳೆದ ಕೆಲವು ಸಮಯಗಳಿಂದ ಬೆಲೆ ಏರಿಕೆಯನ್ನು ಘೋಷಿಸಿಲ್ಲ. ಆದರೆ ಈಗ ನಿರ್ಮಾಣ ವೆಚ್ಚ ಏರಿಕೆಯಾಗಿರುವುದರಿಂದ ಬೆಲೆ ಏರಿಕೆ ಅನಿವಾರ್ಯವೆನಿಸಿದೆ ಎಂದು ಟಾಟಾ ವಿವರಿಸಿದೆ.

ಎಂಟ್ರಿ ಲೆವೆಲ್ ಟಾಟಾ ನ್ಯಾನೋದಿಂದ ಹಿಡಿದು ಆರಿಯಾ ವರೆಗಿನ ವಿವಿಧ ಶ್ರೇಣಿಯ ಕಾರುಗಳನ್ನು ಟಾಟಾ ಮೋಟಾರ್ಸ್ ಮಾರಾಟ ಮಾಡುತ್ತಿದೆ. ಇದು ದೆಹಲಿ ಎಕ್ಸ್ ಶೋ ರೂಂ ಬೆಲೆಯ ಪ್ರಕಾರ 2.15 ಲಕ್ಷ ರು.ಗಳಿಂದ ಆರಂಭವಾಗಿ 16.3 ಲಕ್ಷ ರು.ಗಳ ವರೆಗೆ ದುಬಾರಿಯೆನಿಸುತ್ತದೆ.

ಇತ್ತೀಚೆಗಷ್ಟೇ ಮಹೀಂದ್ರ ಆಂಡ್ ಮಹೀಂದ್ರ ಸಂಸ್ಥೆಯು ಶೇಕಡಾ ಒಂದರಷ್ಟು ಕಾರು ಬೆಲೆಯನ್ನು ಏರಿಕೆಗೊಳಿಸಿತ್ತು. ಇದರೊಂದಿಗೆ ಹಬ್ಬದ ವೇಳೆಯಲ್ಲಿ ಗ್ರಾಹಕರಿಗೆ ಕಹಿ ಹಾಗೂ ಸಿಹಿ ಅನುಭವ ಲಭಿಸಿದಂತಾಗಿದೆ.

ಕಳೆದ ಆಗಸ್ಟ್ ತಿಂಗಳಲ್ಲೇ ಹ್ಯುಂಡೈ ಸಹ ತನ್ನ ಶ್ರೇಣಿಯ ಕಾರುಗಳಿಗೆ 20,000 ರು.ಗಳ ವರೆಗೆ ಬೆಲೆ ಏರಿಕೆಗೊಳಿಸಿತ್ತು.

ಇನ್ನೊಂದೆಡೆ ದೇಶದ ಅತಿ ದೊಡ್ಡ ಪ್ರಯಾಣಿಕ ಕಾರು ಸಂಸ್ಥೆ ಮಾರುತಿ ಸುಜುಕಿ 20,000 ರು.ಗಳ ವರೆಗೆ ಬೆಲೆ ಹೆಚ್ಚಳಗೊಳಿಸಿತ್ತು.

ಟಾಟಾ ಕಾರುಗಳು ಪಟ್ಟಿ ಇಂತಿದೆ

ಹ್ಯಾಚ್ ಬ್ಯಾಕ್: ಟಿಯಾಗೊ, ಜೆನ್ ಎಕ್ಸ್ ನ್ಯಾನೋ, ಬೋಲ್ಟ್, ಇಂಡಿಕಾ

ಸೆಡಾನ್: ಜೆಸ್ಟ್, ಇಂಡಿಗೊ

ಉಪಯುಕ್ತ ವಾಹನಗಳು: ಸಫಾರಿ ಸ್ಟ್ರೋಮ್, ಸಫಾರಿ ಡಿಐಸಿಒಆರ್, ಸುಮೋ ಗೋಲ್ಡ್, ಕ್ಸೆನನ್ ಎಕ್ಸ್ ಟಿ, ಆರಿಯಾ

ಟಾಟಾ ಕಾರುಗಳಿಗೆ ಎಷ್ಟೆಷ್ಟು ಬೆಲೆ ಏರಿಕೆಯಾಗಲಿದೆ ಎಂಬುದು ಇನ್ನಷ್ಟೇ ತಿಳಿದು ಬರಬೇಕಿದೆ. ಈ ಸಂಬಂಧ ನಿಖರ ಮಾಹಿತಿಗಳಿಗಾಗಿ ಡ್ರೈವ್ ಸ್ಪಾರ್ಕ್ ಓದುತ್ತಿರಿ.