ಟೊಯೊಟಾ ರಿಮೆಂಬರ್ ಡಿಸೆಂಬರ್ ಆಫರ್; ಹೊಸ ವರ್ಷದಿಂದ ದುಬಾರಿ

ಇದರೊಂದಿಗೆ ಗ್ರಾಹಕರಿಗೆ ಬೇವು-ಬೆಲ್ಲವನ್ನು ಟೊಯೊಟಾ ನೀಡಿದಂತಾಗಿದೆ. 2017 ಜನವರಿ 01ರಂದು ಜಾರಿಗೆ ಬರುವಂತೆಯೇ ಶೇಕಡಾ 3ರಷ್ಟು ಬೆಲೆ ಏರಿಕೆಗೊಳಿಸಲು ಟೊಯೊಟಾ ನಿರ್ಧರಿಸಿದೆ.

ನಿರ್ಮಾಣ ವೆಚ್ಚ ಏರಿಕೆ ಹಾಗೂ ವಿದೇಶಿ ವಿನಿಮಯ ದರಗಳು ಏರುಗತಿಯನ್ನು ಕಂಡಿರುವುದು ಪ್ರಮುಖವಾಗಿಯೂ ಬೆಲೆ ಏರಿಕೆಗೆ ಕಾರಣವಾಗಿದೆ ಎಂದು ಟೊಯೊಟಾ ಪ್ರಕಟಣೆಯಲ್ಲಿ ತಿಳಿಸಿದೆ.

ಅದೇ ಹೊತ್ತಿಗೆ ರಿಮೆಂಬರ್ ಡಿಸೆಂಬರ್ ಆಫರ್ ಪ್ರಕಟಿಸಿರುವ ಟೊಯೊಟಾ ಸಂಸ್ಥೆಯು ತನ್ನ ಜನಪ್ರಿಯ ಮಾದರಿಗಳ ಖರೀದಿ ವೇಳೆಯಲ್ಲಿ ಆನ್ ರೋಡ್ ಬೆಲೆಯ ಮೇಲೆ ಶೇಕಡಾ 100ರಷ್ಟು ಹಣಕಾಸು ನೆರವನ್ನು ಒದಗಿಸಲು ಮುಂದಾಗಿದೆ.

ಮಾರುಕಟ್ಟೆಯಲ್ಲಿ ಹಾಕ್ ಕೇಕ್ ತರಹನೇ ಮಾರಾಟವಾಗುತ್ತಿರುವ ಟೊಯೊಟಾ ಇನ್ನೋವಾ ಖರೀದಿ ವೇಳೆಯಲ್ಲಿ ಆನ್ ರೋಡ್ ಬೆಲೆಯ ಮೇಲೆ ಶೇಕಡಾ 100ರಷ್ಟು ಹಣಕಾಸು ನೆರವು ದೊರಕಲಿದೆ.

ಹಾಗೆಯೇ 11ನೇ ತಲೆಮಾರಿನ ಟೊಯೊಟಾ ಕರೊಲ್ಲಾ ಆಲ್ಟೀಸ್ ಕಾರು ಖರೀದಿ ವೇಳೆಯಲ್ಲಿ 60,000 ರು.ಗಳ ವರೆಗೆ ಪ್ರಯೋಜನ ಗಿಟ್ಟಿಸಿಕೊಳ್ಳಬಹುದಾಗಿದೆ.

ಇನ್ನು ಟೊಯೊಟಾ ಪ್ಲಾಟಿನಾಂ ಎಟಿಯೋಸ್ ಖರೀದಿಯಲ್ಲಿ 40,000 ರು.ಗಳ ಪ್ರಯೋಜನ ನಿಮ್ಮದಾಗಿಸಿಕೊಳ್ಳಬಹುದಾಗಿದೆ.

ಇತ್ತೀಚೆಗಷ್ಟೇ ಬಿಡುಗಡೆಯಾದ ಫಾರ್ಚ್ಯುನರ್ ಗೆ ಅತ್ಯುತ್ತಮ ಬೇಡಿಕೆ ಕಂಡುಬಂದಿರುವುದರಿಂದ ನವೆಂಬರ್ ತಿಂಗಳ ಮಾರಾಟದಲ್ಲಿ ಶೇಕಡಾ 10ರಷ್ಟು ಏರಿಕೆಯನ್ನು ಕಂಡಿತ್ತು. ಆದರೂ ಪ್ರಸ್ತುತ ಆಫರ್ ನಿಂದ ಫಾರ್ಚ್ಯುನರ್ ಕಾರನ್ನು ಹೊರತುಪಡಿಸಲಾಗಿದೆ.

ಅತ್ತ ಇನ್ನೋವಾ ಕ್ರೈಸ್ಟಾ ಮತ್ತು ಹೊಸತಾದ ಪ್ಲಾಟಿನಂ ಎಟಿಯೋಸ್ ಕೂಡಾ ಮಾರುಕಟ್ಟೆಯಲ್ಲಿ ಉತ್ತಮ ಬೇಡಿಕೆ ಕಾಪಾಡಿಕೊಂಡಿದೆ.