ಏಷ್ಯಾ ಢಿಕ್ಕಿ ಪರೀಕ್ಷೆಯಲ್ಲಿ 4 ಸ್ಟಾರ್ ರೇಟಿಂಗ್ ಗೆದ್ದ ಇನ್ನೋವಾ

ಭಾರತದಲ್ಲೂ ಬಿಡುಗಡೆಯಾಗಲಿರುವ 2016 ಇನ್ನೋವಾದ ಬೇಸ್ ವೆರಿಯಂಟ್ ಢಿಕ್ಕಿ ಪರೀಕ್ಷೆಗೆ ಒಳಪಡಿಸಲಾಗಿತ್ತು. ಈಗ ನಾಲ್ಕು ಸ್ಟಾರ್ ಗೆದ್ದುಕೊಂಡಿರುವುದು ವಾಹನ ಸವಾರರಲ್ಲಿ ಹೆಚ್ಚು ನಿರಾಳತೆಗೆ ಸಾಕ್ಷಿಯಾಗಿದೆ.

ನೂತನ ಕಾರು ಹೊಸತಾದ ಇನ್ನೋವಾ ಕ್ರೈಸ್ಟಾ ಎಂಬ ಹೆಸರಿನಿಂದ ಗುರುತಿಸಿಕೊಳ್ಳಲಿದೆ. ಅಲ್ಲದೆ ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ಇಎಸ್ ಸಿ) ವ್ಯವಸ್ಥೆಯ ಕೊರತೆಯೂ ನಡುವೆಯೂ ಪರಿಣಾಮಕಾರಿ ಎನಿಸಿಕೊಂಡಿದೆ.

ನೂತನ ಇನ್ನೋವಾ ಕ್ರೈಸ್ಟಾ, ವಯಸ್ಕ ಪ್ರಯಾಣಿಕರ ಭದ್ರತೆಯಲ್ಲಿ 14.10 ಪಾಯಿಂಟ್ ಹಾಗೂ ಮಕ್ಕಳ ಭದ್ರತೆಯಲ್ಲಿ ಶೇಕಡಾ 76ರಷ್ಟನ್ನು ಕಾಪಾಡಿಕೊಂಡಿದೆ.

ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ ಅಲಭ್ಯತೆಯಿಂದಾಗಿ ಪಂಚ ತಾರೆಯನ್ನು ಗೆಲ್ಲುವಲ್ಲಿ ಇನ್ನೋವಾ ವೈಫಲ್ಯ ಅನುಭವಿಸಿದೆ.

ಹಾಗಿದ್ದರೂ ಆ್ಯಂಟಿ ಲಾಕ್ ಬ್ರೇಕಿಂಗ್ ಸಿಸ್ಟಂ (ಎಬಿಎಸ್) ಹಾಗೂ ಸೀಟು ಬೆಲ್ಟ್ ರಿಮೈಂಡರ್ ಗಳು ಪರಿಣಾಮಕಾರಿ ಎನಿಸಿಕೊಂಡಿದೆ.

ಈಗ ಢಿಕ್ಕಿ ಪರೀಕ್ಷೆಗೆ ಒಳಪಡಿಸಿರುವ ಇನ್ನೋವಾ ಕ್ರೈಸ್ಟಾದ 2.0 ಲೀಟರ್ ಫೋರ್ ಸಿಲಿಂಡರ್ ಪೆಟ್ರೋಲ್ ಎಂಜಿನ್ 183 ಎನ್ ಎಂ ತಿರುಗುಬಲದಲ್ಲಿ 137 ಅಶ್ವಶಕ್ತಿಯನ್ನು ಉತ್ಪಾದಿಸುತ್ತದೆ.

ಅಂದ ಹಾಗೆ ಭಾರತಕ್ಕೆ ಇನ್ನೋವಾ ಕ್ರೈಸ್ಟಾ 2016 ಮಧ್ಯಂತರ ಅವಧಿಯಲ್ಲಿ ಪ್ರವೇಶಿಸಲಿದೆ. ಇದರ ಮಗದೊಂದು 2.4 ಲೀಟರ್ ಡೀಸೆಲ್ ಎಂಜಿನ್ 359 ಎನ್ ಎಂ ತಿರುಗುಬಲದಲ್ಲಿ 147 ಅಶ್ವಶಕ್ತಿ ಉತ್ಪಾದಿಸಲಿದ್ದು, ಮ್ಯಾನುವಲ್ ಅಂತೆಯೇ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಇರಲಿದೆ.